¹ Hanyuma Yesu kubasambile ihichi ya batu na bakikiwa bake, gudogomine. ² Bakochi na Bafalisayo bashamine wiisuba ya Musa. ³ Byo byose bya mwibasambila, mubiwiliche na ubikila, wa ulilingilisha nabo ubikilanywa byabo, nangu ubikila, bululi boo basudokoma bya bashi hukila. ⁴ Boo balihuhamba michigo kya bushito na ukisuia bange umaombe mabo, bashihubeja ata bobene ukiuda na mnywe kwabo. ⁵ Bikilanywa biabo byose balihubikila yulu ya balolwe na batu, na balihuchwiana miana gyabo, na uongecha bwata bwa bisanjwa byabo. ⁶ Basubenja bisuba bya umbele mmasumbilo, na ushamahambele impihwilo. ⁷ Na utanyiwa mmasogo, na ukiswa na batu, mgigya. ⁸ Benywe mushikiswe Bagigya, yulu mgigya kwenyu ii gumwechi, benywe bose mli babuswa. ⁹ Nangu ukita mtu tata hano hamgala, bululi senyu ii gumwechi guya guli hekulu. ¹⁰ Iyaka mshigiswe nombwe, yulu Alombwe enyu iya amwechi nage noo Keleshito. ¹¹ Guli hulibiya mmosobu hawingi henyu kubi gumkilila. ¹² Gegese guiliginuna, guisachwa, na gegese gilisacha, guikinunywa.

¹³ Luhanga lubi wenyu bakochi na Bafalisayo, balububa umeso! muli huhambila batu buolo bwa hekulu; na benywe bene mushihungingila, na bene bali hungingila mushihubaleya bangigile. ¹⁴ [Luhanga lubi wenyu bakochi na Bafalisayo, balububa umeso! muli huya mmmaduma bawilee, yulu ya lububa yulu ya lububa umeso! mulihusaba lusabo lulahu wa bibyo mwihewa bihulo byata abisa.]

¹⁵ Luhanga lubi wenyu bakochi na Bafalisayo, balububa umeso! Yulu mulihuchunguluwa ibichiba na umigala, bululi umita mtu kumwechi kalame inyumbia yenyu, kwa huhwa umlama na ummita uba mana kwa uchimina mmahia nyendo chibili uli benywe bene.

¹⁶ Luhanga lubi wenyu tulombwe bihobu! mulihugana, mtu kabelaha ulubunga, ashi atu, mtu gabe lapa yulu ya lubunga, kwelihamba. ¹⁷ Bahugi benywe na bihobu, iyihi ili yata, ii chiya nolo au luya lubunga luine luli huhahacha nolo? ¹⁸ Iyaka mtu kwilaha ulutambikilo, ahi atu, mtu mine kulaha ulutangi luli hekulu ha butambikile, gualihamba. ¹⁹ benywe bihobu, iyihi ili yata, lutangi au butambikila buli huhahacha lutangi? ²⁰ Bibyo gee kuilaha ubutambikilo, iyulaha u bitundu byose biene bili hekulu ha butambikilo. ²¹ Na mine kuilaha u lubunga iyulaha wa kuya mine kusushama mnda mwa lubunga. ²² Na mine kulihulaha u gulu, iyulahja wi - iti ya Abetcha, na wa guya mine kulihuishamina.

²³ Luhanga lubibagochi na Bafalisayo bo - lububa umeso! mukidi utangila imwechi ya umi, bwinywa, lenga lenga, na bitundu, bibyo mwalea ukila bya m'bindo, noo kiine kene na uwasha, bibyo noo bilingie m'byete, na bibyo nangu ubileya ubieta. ²⁴ Tulombwe bihobu, bene balihusula lu- mbu na umina ngamia.

²⁵ Luhanga lubi bagochi na Bafalisayo, ba-lububa umeso! yulu mulihuhacha isengo hambuga na ilego, mnda mkiluchu usapa nanangu uba na ulitolecha. ²⁶ Gogwe Mfalisayo ihobu, tula uhahacha isengo mnda na hambuga hake naho habe hahaha.

²⁷ Luhanga lubi bsgochi na Bafalisayo ba-lububa umeso! bululi mwalingilishiwa tubuli tuli tutogolwe pemba, hambugu tuli humonea tubenju, mnda itukiluchu mauda ma babu nabya bibochu byose. ²⁸ Bibyo na benywe, muli humonea hambugu batu ba kiine, mnda imkiluchu lububa umeso na luemo.

²⁹ Luhanga lubi bagochi na Bafalisayo, ba-lububa umeso! bululi mlihugubaa tubuli twa ba-mbua, na ututogola tubuli twa batu ba kiine. ³⁰ Na ugana beswe twisuba haya hala ha bamasetu tusabalilunga nabo wa ugesa mashi na mbua. ³¹ Bino mwalimona benywe bene, ugana mwibana babo bene bahagile ba mbua. ³² M'bekilucha ii ya bamasenyu. ³³ Benywe madoa, bana ba madoa, mwisina wii buhuchi bwa Jehanamu? ³⁴ Wa bibyo, lolwe, nabahila wenyu bambua, na ba lwengu bagochi na bange babo mwibahaga na ubasusula, na bange babo mwibahula mbihwilo byenyu, na ubachiina mbuga wa mbuga. ³⁵ Yulu ya bibyo, machwe hekulu henyu mashi mose makine makeseye hekulu ha ibalo utula Adamu, habili, guya gwa kiine, ndaa na mashi ma Zakalia gwa Balakia gwamuhakile hawingi ha buhaha na butambikilo. ³⁶ Bibyo nihumsambila, byose biichwa hekulu ha ino ibushi.

³⁷ Ee Yerusalemu, Yerusalemu, mmagi gwa bambua, na ubata mawe baya batuminywe obe! Nyendo chinga ni hubenja umoongola hamwechi na bana bobe, nahe koo kisuongola bana bake na ubausa ipihuahua byake, haho mushihubenja! ³⁸ Lolwe, madu menyu mashigwa mauwa. ³⁹ Wa bibyo nihumsambila, utula hano mushimona iyaka, mpaka mengo mamwikana, guhelelechiwe nine guicha wa china lya Mlume.