¹ Vilie ne vilie yen tongtong ka wongemene veaven na mi dearr na yam lie sa apiang a vean ka yap sakvi miane bridkrum. ² Niosi lim yem dendene a niosi lim yem lie kuowilie an. ³ Niosi na lim na yem dendene yem lie behe ne apiong a yeto lie oil an. ⁴ Niosi na lim na yem lie kuowilie an yem lie behe mione oil vean miane nio ⁵ Bilina bridkrum too mhe nemega, te nio kevene yam tanyop te permiock. ⁶ Yen bistuwo ane lemiack, duludaa sua mi his, kip tee bridkrum me mhe. Kirean sakvi mione nge. ⁷ Jemili viaven deorr mante yan tavea te kuku ane behe ne sa apiang nio. ⁸ Nio na yam dendene yem kaa mione nio na yan kuowilie sea sengene memina oil monsi, meniem monok. ⁹ Ne kuowilie an nio yan kaa, saka ne wese keniem a kumim, kivean essi nio na yom puos ane te gilie memim. ¹⁰ Bilina na yam vean ka yap puos, te bridkrum ma pisia, nio na yan nak nak yom vean yen le an te belehem mu kuo kuo." ¹¹ Mito an, nio na yan vean puos yam mhe te kaa yap, Yapu, sengene belehem ne kimean.'" ¹² A ma kaa mione nio, 'peten nam kaa mione kimim, nato kuowilie kimim.' ¹³ Kip tee tee vu vu ten, tevean koto kuowilie wembung a hour na nete veanten ka wem mhe. ¹⁴ Yan vilie yen tongtong mangemiane na veanten sua me nak nak ka we vean yan vilie sua suoten, mi kie san ehbebeso nio te sengene sukuon miane nio. ¹⁵ Na mi mho ma sengen miane nge lalent lim, en lo an ma sengene lo, na sii an ma sengene sua meane. Niosi keven yem lie mi mior ane sasi yasan monok te ane vean yan san selli. ¹⁶ Na ma lie talen lim me vean gies ane te lie lim mon. ¹⁷ Mangemeane kuon, na ma lie lo me vean te lie talent lo mon. ¹⁸ A ehbebeso na ma lie talen sua, mi kii buluwu yen ten te lingsene mani se san Yapu ¹⁹ Mi merin te Yapu san ehbebeso monte mu kuoli me te mior kukuone gies on mione nio. ²⁰ Ehbebeso na ma lie talen lim, ma lie talen lim mon te mhe miane te kaa, Yapu kom sengene talen lim mione nie, essi yene nam tila talen lin mon. ²¹ San Yapu ma kaa mione nge kom gies muwi ten. San wu an yen gies ane sie kekes, ke nap gene kop tepuon sie wi pis. Hoko vean yen hong ane muwu an se som Yapu. ²² "Ehbebeso na ma lie talen lo me mhe kaa, 'Masta kom sengene talen lo mione nie, esi nam lie lo mon.' ²³ "San masta ma kaa mione nge, kom wu yen gies an ehbebeso kom gies kate sam gies an ke kei, ka nap gene kop tepuon sie na mipis. Hoko vean yen hongone muvu an se sam masta.' ²⁴ "A ehbebeso na ma lie talen sua me mhe te kaa, 'Masta, nam kuowilie na kon i veanten yas yas. Kom do ko kumu sisie orr na yato gene arran a tilia sisie orr na koto be arran.' ²⁵ Luk menek, te nom vean lingsene sam talen yen tan esi, ngetak lie seme sa mi sam. ²⁶ "San masta me dam te kaa miane nge, 'kom songa a i biemiermies ehbebeso, kom kuowilie nam hen arran na nato gene a ne lo lie seme sa nato towone. ²⁷ Ka kon sengene sok vor mione na me te puon vor tevan sok mhe an ka nap liep tase sok vor mione mur sua mon. ²⁸ Mi liep kuwu talen ente metone nge a sengene mione na ma lie ten talen. ²⁹ Kevene na yam lie meper, ka wi san sengevia an a ka wi towo. A nge na mindionga ka yap liep kuwu metone sewe sa ti lie per. ³⁰ Yem towane ehbebeso mes ente vean yen tambungmier. Ke ve vean pe deng a pe ate luwuon. ³¹ Bilina neti veanten we mhe yen san pias an mione son angel keven mione nge, te ka we tas yan san etastas na mi piasten. ³² Mho ne nge ka wa tilia vilia kevene yap sukuo, te ka wa pipi ne veanten sua, sua, wongemione veanten ne sipsip. Ma pipi ne sipip mione nani. ³³ Ka wa lingi sipsip yan viaa na miato, a nani yan viaa na mei. ³⁴ King ka wa kaa mione nio na yan viaa ne miato. Mhe ngok na kom lie guguone ane sok tata, lie we som vilie na te nak nak tene ngok yon beti tanapian. ³⁵ Ka mia tate nie te kom min, nom mito lirr kom lie nie me pionem; ³⁶ Nam mi tumama kom sesear ane nie nam mese, kom koo ane nie; nam per yen hem ane kienkien an kom mhe ne nie. ³⁷ "Nio wa yom mior yam kaa, 'Yapu, harve sa kiniem esi ngak te sengene mehes mione ngok? kot yuongba ne wie te kiniem sengene wie? ³⁸ Kom mi tolirr arve te kimim kie ngok me pionem? Tumama arve te se sear ane ngok? ³⁹ Bilina kom mese mende yen hem ane kienkien an te kimim mhe ne ngak?' ⁴⁰ "King me dom te kaa mione nio, 'Petenten nap kaa miane kimim sewe sa kom, gene ma kekei mian som bivian sua, kom gene me ne nie.' ⁴¹ Te ka wa kaa mione nio na yan viaa mei, 'Kuo nane nie kop vean, a vean yen apeng na me per per ten yat nak nak ane ti se timiar mione angel nio, ⁴² tevon mia mate nie kito luwuo ne; yuongba ne wie a kito sengene wie ka nam min; ⁴³ Nom mi tolirr, a kito kie nie me pianem; i tumama, a kito sesear ane nie; mese a per yen hem ane kienkien an a kito koo ane nie.' ⁴⁴ "Te ka yap kaa mione nge nanges sa kimim esi mia mate ngok, kom dimione wie, a i tolirr, a i tumama, a mese a per meanem ane kienkien an te kinieto koo ane ngok?' ⁴⁵ "Te me kaa miane nio, petenten nap ka miane kimim, sie kekei na kito gene mione tusua, kito gene meane nie.' ⁴⁶ Nionte ka yap vean kienkien an na me per ten a nio na yam mior ka yap lie meu an na me per miato ten."