¹ Jisas ma sovillie na ne Tempol te yan san sevillie, sam ehbebeso nor yam mer du pesigane hem ne tempol mene ne. ² Naka mene nor, " ki tor essi ser nor te? Me betten nam ka mene ngok, saka ne wetie vorr dus wa ne perr ka wet tessie van ehbebeso." ³ Ka te tas yan vorou ne Olives, san nor yam mene tevan ne, "kop ka mene ken, narnes sar sie nor tak ka wai pisia? Sewer san ka vie ne sam kouliean ane ne kelie webung?" ⁴ Jisas maka mene nor, " kep Temea saka touswa ne kene ken serar. ⁵ Ka yap piss yap mene yen sok esi. Ka nap kar, 'ne nam e kraes,' te tilyar nor van yam serar. ⁶ Ka kop onane ken kenane ka vi mer etovo, esi ngok saka kon perr yen kenken ane, ka sie nor te ka wa pisyan, an du e kiligse nam par. ⁷ Villie worwor nor ka yam bar mene nor, mae kerkee mene mue yan villie nor. ⁸ Ser nor te mi betin kenken ane kon. ⁹ Ka yap kom mue ngok liyne ngok yen kenkenane te kap kom merr tervan sok iss. ¹⁰ Nyor katie an san vyanten nor kavu muro, ka yap karses yor mene yor vi brayne. ¹¹ Maka yap biss, ka yap kerres ka yat ti profets, te kene yap husilie. ¹² Ser nap ma saryaa ka vi mer etovo, te kene saka yor ne keskes ane Yapu. ¹³ Swa sar ka wit perr sika kelynsia ka wi meuo. ¹⁴ Ta na muvu tak ka rat kar van yan. Velie worwor, te ka yet e kelynsia. ¹⁵ " Tevean enete, ko esi sie nor na ma saya na va sayaten, Daniel na mi profet swa te ka, pan hem na mo kone." ¹⁶ "Yor na yam du Judea ka yap kor van yan voyoa, ¹⁷ lykoweane si sar mer perr milye yan hem saka ne wet mer pan tetes ka wet leyar sie du swa, ¹⁸ nor na yam du yen mersar saka yan ku tetes van liear san cloak. ¹⁹ Kenken an mene orane ma san ar mene vyven nor nan yam tilyar kekei mene na yan sene vgsisi temiyle na ma vivi yan we bu ente! ²⁰ Temtemya tevean webuan ente saka ni hoss or yan sabat. ²¹ Teven ka wi merr e kenkenane na tovoten, saka ne kermeane tembatu tana pan. Sika enye, saka ne kete mon. ²² Tevean webung ente kawe mermer kion, seka tuswa ne meh. Tevean vianten woswa yami san yam du te nge ka we takote wembung ente. ²³ Ka tuswa te ka mene ngok, "en entak mi Kraes," 'a Kraes!' me dianga saka kon nior kate nge. ²⁴ Ka ya bis ka yap ngeres ka ya ti Kraes mene profet ka yap tavia te bisien ane sietubous nio, ka we kene a kop kulie motone monok te kayap ongarase noi na yami se san. ²⁵ Kowesi, sam ka sie noi intak mimo ten ngampak." ²⁶ Tevean ente, ka yat ka mene ngok, es nge me ber yen or wiwi, eka kon vian mente esi nge ber bianem kion, sekakon nior kate nge. ²⁷ Ka be ti be kote east vean sikia west kionte mie kuiian se Jisas. ²⁸ Ka sie vinio swa te mer, vultures nio ka ya me sakuo tevean. ²⁹ "Yan webung ente ka kenken an ngioka tevean ngok ya ka orwe tong meak ane, mene embiate saka ne wet se misu ka we tetesi, yen mesa, sie nio na me ber yen mer yapu ka we siokuwu. ³⁰ Yapu ka we bisia yen misa, ka tana bian we deng. Ka ya we nge ka we me yen mesa mene oryop ka wese. ³¹ Kawe sengene san angel nio, mener duman na towo ne trumpet, ka wa tilia san veanten nio kio tana bian na yam naknak ka ya me sukuo. ³² Kop usiana sie sie swa motone ie swa na san iss sa fig. Ka yese tu su vivi, ka rap ko wilie ka besili kaya we biange. ³³ Yen sinisie ente, a kot esi sien nor te, ka kop kowilie na mi pesili, yan polor. ³⁴ Mi peten nam ka mene ngok, elingling entak ka wevian ngok te ka wet pisia. ³⁵ Tongtong mene tanapian ka we me te vean, a tiok sakane kowilie ngok yen tusua. ³⁶ Yan wembung ente tusua to kowilie, toe angels ne ville yen tongtong, toe naten, a tata kiun mo kowilie. ³⁷ Wa kemene wembung se Noah, ka we kemene kulian se neti vyenten. ³⁸ We to ne na ka wie wet me yam tu en a tu min, lean be vian sikia na Noah me vian yen apialo, ³⁹ ya tokowielie sie tu swa vean sikia na wie tilia nor wa kemene kulian se neti veanten. ⁴⁰ Kion te veanten lo kaye du yen toorswa swa ka yap lie a swa ka we ber. ⁴¹ Viaven lo kayep du naknak ane mes swa ka yap lie a swa ka we ber. ⁴² Tevean ente kop naknak tevean. Koto kowilie wembung na ka Jisas we mee. ⁴³ A kowilie na, ka Masta ne hem ti kowilie nanges sa veanten nio ne yas an ka kop mee, nge ka we koo ane mannem tevean sakayan yas bianem. ⁴⁴ Tevean ente kop naknak wuwu, tevean neti yop ka me yen wembung na koto dimene kawa ngite ⁴⁵ "A si sa me naknak a san kowilie an mu wu san masta ka wa vean milie yan man hem te sengene mes yen webung na me webung na me mok? ⁴⁶ Kukunean ka we por tevean ehbebeso na san masta ma siokiline na be kene san ke san sikia na mu kuli. ⁴⁷ Mi peten nam ka mene ngok ka masta we sekene mene ngok. ⁴⁸ Ka ehbebeso na yene mane nge to wu ka wa ka, sok masta me kene sisie ma mien ten,' ⁴⁹ ka we pe tie san ehbebeso sianan, ka we en a min mene nor tisie, ⁵⁰ masta se ehbebeso ente ka we me yan wembung swa na ge saka nor kowilie. ⁵¹ Masta ente ka wa liki ehbebeso sor nate sakate vian yen kenkenan menenio na yam tu ate lino niow a tu teing a ti okan ma saga.