¹ Te Farisis meane skraib woaswa ya me nane viliye Jerusalem ka ya wesi Jisas. Yam ka, ² ''Tevian sewe sa sam disasiplo nio yato husili sar sininduan, yato ndu keskes viya bilina yam ndu hane miya? ³ Jisas ma ka meane nio, ''Te tevian sewe sa kim tiliye semim sininduan nio te ndu towe lou se Yapu ne? ⁴ Yapu ma ka, 'Kop memio ne dumam meane yasem,' tuswa te ka nda na to wu kio dimian, ah yasen, nge kawe mer. ⁵ 'Ah ngok kom ka, 'Vianten swa mokowiliey ka ya ka meane dimian ten yasen ka, sengeviya an swa tak na kani sama ah ka nap sengene vian meane Yapu. ⁶ 'Ente nge to wet memio ne dimian.'Yan sinise ente, ngok kom be liye sam sininduan nio mi towo save ndio Yapu. ⁷ Kimim vianten ne nkenkeres an nio na kim ndu ka kit wu! Provet Isaiah ma sorousili kimim muwuten na maka, ⁸ 'Vianten niontak yam ka ne mbungo nio ka yat ndu memio ne nie, ah wevios ane nio ber sioten motone nie. ⁹ Yam ndu memio ne nie yen nkeres an kuon tenian yam ndu husiane sini nduan se vianten kuon.'' ¹⁰ Jisas mi kiye vianten nio me besili te ka, ''kip yiongta te yiongta kowiliye. ¹¹ Toi sie na vianten ma lingi yen mbungon sa kawa mawane nge, ah sewe na ma soviliey nane mbungon vianten sa ka wa mawane vianten. ¹² Kuon te disaipol nio yam me te ka, ''Kom kowiliye na Farisis nio yato hongane nuwu ne nda nio na kom ka?'' ¹³ Jisas me sene te ka, ''Le kevene na sok dada yen tongtong do mbeh, ka luwusie wangao. ¹⁴ Linkone nio yam ndu suwuo, vianten nionte meta ma mbang. Ka vianten mon na metan ma mbang te be usili nio, kevene ka ya mur vian yen mbuluwu. ¹⁵ Pita ma tavea te ka meane Jisas, ''Kop juptene nda entak wa mesa meane kiniem.'' ¹⁶ Jisas ma ka meane, ''Mangivi ngok mon koto niorsune ngambak? ¹⁷ Koto kowiliye na, ka vianten te lingi sie tuswa yen mbungon te vian yen towan te me i sioksiok te mosoviliye? ¹⁸ Ah ka siye na te soviliye yan mbungon vianten, mo soviliye yenemane nge. Ente sa mi sie na ma mawane vianten . ¹⁹ Teviana nyornyor an nio na masanga , tiopt vyanten an,Man swa Mey vyan te liye vyaven na Mey lei . ²⁰ Sinisye na masanga,vyanten maka daa nkenkeres an.Entak ne hen meyane vya na to keskes vya to mavane vyanten tuswa." ²¹ Te jesus mokonane ate te vyan meor ane vilye ne Tyre meyane Sidon . ²² Toy merin ,vyaven swa ne canaanite me sovilye yen vilye ente . Nge mo hoo van milye te ka, " kop liye iyosahan ne nye,Lord, neti David! netuk vyaven mo puoane temar yan nge ." ²³ Ah jesus to ka daa tuswa . San epbebesoyam Mey te ka meyane nge,"sengene nge vi van, tevan nge be hoo me err." ²⁴ Te jesus ma soro te ka," ya do sengene nye ne vyanten tuswa a tevan vyanten nyo na yam sesea tu Israel." ²⁵ Ah vyaven ente Meymey te singti mo ne Jesus, teka ,"Yapu nkuone nye," ²⁶ Nge ma soro te ka ," entak to wo ka kop liye mes an temili nyo te tovane vyan ne kuli." ²⁷ Vyaven ente maka,"ehwei ,Yapu, ah makegemiane neti kuli na yam hane skuku mess." ²⁸ Jesus ma soro te ka meyane nge ente ,"vyaven , Sam pyan ru mi tovov,."Natom vyaven memehu. ²⁹ Jisas mu kuo nane ate te vian besili ne viliye kalili. Te nge ma bungo vian te tas ber yan wohu. ³⁰ Mbang vianten yam me ne nge. Yam me meane vianten na lien mulunglung, na metan ma mbang, na mi mbur, ah nio na viha ah lio masanga, yam tiliye nio teve Jisas ka nge wa kuone nio. ³¹ Bilina vianten nio yam esi na vianten na mi mbur ma soro, na lien mulunglung ma hoko, ah na metan ma mbang nme tee, te nio yam vevio pian his se Yapu God ne viliye Israel. ³² Jisas mi kie san disaiplo nio me te ka, ''Nato ndimeane ka na mawane vianten niontak, yam ndu meane nie wembung mi sii mongok ah yoto hane sie tuswa. Nato ndimeane ka nap senge kuwu nio vian ningi tuswa ne mermer yan seli.'' ³³ Disaipol nio yam ka meane, ''Te ka rap liye miya tuswa arve na ka wa wese vianten nio na yat bis tak, ram ndu or wiwi ngatak? ³⁴ Jisas ma ka meane nio, ''mur miya mi ves sa kim tilya?'' Yam ka, ''Miya mi melevio kuon meane mesio milili woswa.'' ³⁵ Te Jisas ma ka te vianten nio yam tas vian yan tan. ³⁶ Nge ma tilya mur miya na melevio te meane mesio, te ka te husi nkuonkuo ne an to nok te membir kote te sengene meane disaipol nio. ³⁷ Vianten kevene yam hen te henkop, te yam bakuli hatuwuo melevio mu buo ne ndiri mes. ³⁸ Nio na yam hen bili ente, yapu nio kuon yami fotausen, ah yato bulukte viaven nio meane temili nio. ³⁹ To nok te Jisas ma senge kuwu vianten nio te nge me vian yan bot te yam vian arna yam ka mi Magadan.