¹ Pharisees mene sadducees nio yam me ka yap tuwuliesi nge, yam husi ka nge wa pisienane emearmear tuswa yen meteneir meane nio. ² Ah nge ma ka meane nio ka, '' bilina ka hor ti piavep, kom ka, ' belien ka ya we hen, tevian kom esi metenier ma pipili. ³ ilina ka hor tiyop, kom ka, 'ndoma ka hos wekin, tevian kom esi metenier mi dowo ah ma pipili.' Kom kowilye ka kop ka ente, ah saka kon kowilye ka kop ka hemearmear ane ngili wempunk. ⁴ kimim temili nio na yene kim ndu ndimiane ah kip esi hemearmear kuon, tevian kimi vianten na kim ndu movi sisye, ah saka kin esi hemearmear tuswa, ah ki wesi hemearmear se Jona kuon.'' kuonte Jisas ma linkone nio te vian. ⁵ Bilina disaipol niosi yem vian sikia tevesie, ah yem yormiline ka yep tilia bred. ⁶ Jisas ma ka meane niosi, ''kasip ndirimie ne ist an Farisi meane Sadusi nio.'' ⁷ Te disaipol niosi yem ndu soro milili meane niosi ka, ''nge ma ka mangite tevean na simeh ah si do lie bred tuswa.'' ⁸ Jisas mokowilye sasi niornioran te ma sene te ka, ''Samsi mbiankru ma kekei ten, tevian sewe sa kasim ndu soromili meane kamsi ka bred ti ndianga? ⁹ Ngok koto kowiliye? koto niorkate na mya lim na mi an faiv tausen, a hatuvuo ves na kim bakiuli? ¹⁰ Mendeh mya melevio na mi an fo tausen vianten, a hatuvuo ves sa kim bakiuli? ¹¹ Mamgivi sa kito nior siune na nie natoh be sorousili mya? kip tepuon kimim motone ist an farisis meane sadusis nio.'' ¹² Te yembet nior sione na nge to be sorousili ist ane mya, a nge beh kiyepini nio si motone husian san farisis meane sadusis nio. ¹³ Bilina Jisas meme besili ne viliye Kasaria filipai, nge ma husi meane san disaipol niosi ka, ''Vianten nio yam du ka Neti Yapu ti si? ¹⁴ Yem ka, '' wuoswa yam ka nge mi Jon Bapis; wuoswa yam ka, Elijah; a wuoswa yam ka, nge mi Jeremiah, mendeh provet swa.'' ¹⁵ Ma husi meane niosi ka, a kamsi kasim ka nie nati si? ¹⁶ Simon Pita ma tavie te ka, ''Ngok komi Kraes, Neti Yapu na me ber meatoh ten.'' ¹⁷ jisas me sene te ka meane nge, nkukunean me ber meane ngok Simon neti Jona, tohi vianten sa me nkene ngok kom kowiliye, ah sok Dada na ber yen tongtong. ¹⁸ Ma ka mon meane ngok ka ngok komi pita, yan vior entak ka nap nkene mok hem ane temtem an yan. Saka yasan se temier ne wese nu kuane. ¹⁹ Kanap sengene ki ne viliye yen tongtong meane ngok. Sewe sa kot berkate yan tanapiyan ka tongotng we ber kate, sewe sa kot tewerkuwu yan tanapiyan ka tongtong we tewerkuwu.'' ²⁰ Te Jisas ma ka meane san hebebeso nio ka saka yan ka mean vianten tuswa na nge mi Kraes. ²² Bili ente Jisas me tembiesye na be ka meane san disaipol niosi na nge ka we vian Jerusalem, nge kawi kienkien wi towo yan vihan elda nio, jif prist nio meane skraib nio, ka nio ka yap tie nge, te nge ka we tavia tetes yan wembung sii an. ²² Pita ma lie nge vian suwuon te kiye tase nge, te ka, ''Yapu sie niontak wundu sioten nane ngok, saka sie nionte tuswa ni sikia ngok!'' ²³ Ah jisas mokone nge te ka meane Pita, ''ko vian do ne nie temiar! komi vior ne kuokuo an ne nie, tevian na ngok koto nior husili sie na mi se Yapu ah sie na mi san vianten nio kuon.'' ²⁴ Te Jisas ma ka meane san disaipol niosii ka, ''tuswa ti ndimiane ka wa husili nie, kawi kie ormes ane nge, wa viose san lembuovo te husili nie. ²⁵ Si vianten na hontenek ka san meuan wa seya, ka wa tangiliye, ah vianten si na san meuan te seya teviok kawi liep liline. ²⁶ Sewe ka wuwu ne vianten na kati siok seya sie ne tanapian ah tangiliye san meuan? Sewe sa ka vianten ne sengene san meuan tevian? ²⁷ Tevian na Neti Vianetn ka we me yen horyiop se san Dada meane san engel nio. Nge ka we me meane wili kies an te ka wa sengene meane vianten husili san kies an. ²⁸ Petenan nam ka meane ngok, kimim wuoswa na kim du tinio tak saka kin vian taiye mier an, ah kiwesi Neti Vianten ka we me yen san yas an.''