¹ Nam ka temili na ka wa lie milie san tata mangigis miane na be gies,ormes ka sie kevene we sukuon. ² Yen ko ane nge miane tepuon tene wembung na timiane ka wa lingi. ³ Wangemiane err, bilina nam i temili aram esi miyas yan duan ne tanapian. ⁴ Bilina wembung ente te me temior ten,God ma sengane naten,ma saor yen viaven, ma saor pian law. ⁵ Tevean wika wa sakuvu nio yam du pian law,tevian ka rap lie kho an wangemiane naten. ⁶ Tevean kim mi naten,God ma sengene ninmeu an se naten me yen sarr meuan na me deng vian milie kaa sok tata sok tata. ⁷ Saka kin wet me i slef a i naten,te ka kot i naten,dimiane an na toi God tusua. ⁸ an wembung na kito wet kuwilie God, kim me lie seni yias an na toi God t usua. ⁹ Yene na kim me kuowilie God mu kuowilie kimim,te kim kuolivean ane sini duan na mesanga a gum kate kinim tevian seve?kim diamiane ka kip slef tetes? ¹⁰ Kim kinkate meper wembung,ambiate,wembung ane sisie nio miane dom. ¹¹ Lukmenek tevemim,wik a suk pakuon gies an miane kimim we me i ormes. ¹² m usi kimim bivian,nnio kim me gimiane nie, nie mon me gimiane kimim kito gene sanga an tusua miane nie. ¹³ kim kuowilie tevian sok mesean ne tawilinbik mengene nam sorohusisili nda ne wuan mi mho. ¹⁴ Yan sok kienkien an ne tawilinbik kito lingkuowine nie,kito sivia nie kim lie nie mangimiane enjel se God a kraes Jesue. ¹⁵ Ngebe semim guguane an yene nap ka miane kimim,ka wuwu te kip gi kuwu metemim te sengene nio miane nie. ¹⁶ Nam me i semim tevesi tunsan tevian nam kaa peten? ¹⁷ Yam tuwili esi mi yas ka yap dokoone kimim ye seli na too mior yan dimiane ka yap pipi ne kimim metone nie teven ka kip husili nio. ¹⁸ Muwu ka sip dimiane seli na muwu toi yan na ka nap per miane kimim kuon. ¹⁹ Netuk nio na nam hoko yen semim saor an tetes mon ka kraes wu kuu yen kimim. ²⁰ Nam dimiane ka nap per miane kimim gene te sakuokui ane duluk tevian nato nior kate. ²¹ kipka miane nie kimim na kim dimiane ka kip du pian law kito du ongane law? ²² Mi tis per na Abraham naten lo,sua meme ne slef viven sianan meme ne viaven na me pre mesaa. ²³ Sua me saor pian veaven husili dimine an ne tewilinbien,a siane me saor pian viaven na me per mesaa husili nda na me per. ²⁴ Nior nior an entek ka ve me mesaa yam viaven na lo te,ma husili petene anlo.tevan weu na sanea hagar ma lingi temili ente mi slef. ²⁵ Hagar mangemine weu na saneai a gemiane Jerusale na per yene,me per yen kienkien an miane naten nio. ²⁶ Jerusalem na meper milie me per mesaa nge mi sarr nana. ²⁷ Mi tis wuk per ongane muvu an san nio na yato lingling,yap deng vean milie a his yen ongane muwu an ngok na koto kienkien ane temili ka ve saor teviane temili se viaven na to pis save se viaven na san yapu me per. ²⁸ Kimim bevian nio, kim gemiane Isaac,temili ane nda na me per. ²⁹ Yan wembumg ente temili na me saor ne tawilinbien ka we sanga ne na me saor yen ninmeuan mangite er yene. ³⁰ Sewe sa dakuokuon maka? senge kuvu slief viaven miane sukuon neti viaven na me per mesaa. ³¹ Err ratoi neti slef viaven,a ram i nete veaven na me per mesaa.