¹ Yen du mesaa an kraes ma lingi err ram mesaa tiniyo wi yas, saka kin kuolie viane yen sinisie ne slef. ² Ese nie Paul nam ka mene ngok ka kot dum ane ngok wan yen bakvi, saka yapu ne demge nor yen selie tu swa. ³ Nap ka tetes nom mene kimim ka kim mas vean yen bakvi, tevean ente sa ma husiie lo. ⁴ Ka ngok yapu we takuvu ngok mene nie, te sakon wet e san. ⁵ Tevean niemewan kon, ka beyru ne si swa na kawi per yen mane. ⁶ Yen Jisas Kraes, nor na yam vean yen barvi mene nor na ya tu van nei bak, e sie tuswa, tevean norgate an kon me kes mene yorkeskes. ⁷ Ngok kom be kokoye yan selie swa na muvu, sie sa me kene ngok kot du wi kowilye selie na me mor? ⁸ A du e san kessan san me ker ngok! ⁹ Is swa na ma keke kon mo kowilye ka wi kene flaoa ne mea ente wa kiogo. ¹⁰ Nam kowiyle na semin nornor ane nor yan yapu ma min minyes. Ane nie swa sa me vean yen kenken ane, si sa nete. ¹¹ Bivian, nam perr sorosiyle bekvi nepak, tevean sewer sa nam per vean yen kenken ane nepak? Yen sinesye ente san mer ane yen lepuowor maka we kua. ¹² Nor na yam du wawane ngok, muvu ne ka yap takuwu nor. ¹³ Tevean yapu me ker ngok ka wa segeane meawan na muvu mene ngok, saka kon liye meawan na ente te mawane, tevean ente yum we keskes ane vyanten san an. ¹⁴ Yen lo na se yapu me per, yen tiyon, ka yom we keskes ane vyanten seane we kemeane ngok suwom. ¹⁵ Ka ki du bawar mene kimim a du mawan ne kimim, kop demya saka vyanten syan ne mawan ane ngok. ¹⁶ Nam ka, kop liye nie meawan te horko mene ka sewer sa kom per diman ane ka kop kene. ¹⁷ Tevean sar nor nor ane nor du kemeyane se nie meawan, te si nor na nie meawan ma dimayane du husili si nor na mas se yau. Te ka we kene sie yan te saka ne sukow. ¹⁸ Ka niemeawan ente te dumo ne ngok, lo saka ne sam. ¹⁹ Sinesye san vyanten na dovu ka we pisyle, vyanten na me lel monok me van liye vaven se vyanten swa na yem lel wuk, kene si nor na ka on wassya mene si nor na davu na yam ken an, ²⁰ yam wosip mene si minyes a du e yapu na ma peten, veanten na ma husi ane ambilep, ²¹ no na yam demaynane du mawan ane veanten saya, wya ana nor nor ane na ma sayan mene veanten swa, yuhyaryar, dimanane sukon veanten swa, yor na yam du min, mene sisye wor swa nam kiykes ka wi vean yan vilye yen tongtong. ²² Wee ne niemeawan me yorkeskes, ohane muvuane, ntumar mavan, kouyne ane, wuan na muvu, norkate ane, ²³ kom dam tevean kes an sewer na yam liyne yan ngok, do e lo tuswa ka va per kohu ngok. ²⁴ Yor na yam kenken mene yapu a tapliepean yam tiea ne tevean. ²⁵ Ka niemeawan te per, mene ngok, wuvu ne na ka rap du mene nge webuag keven ane. ²⁶ Saka ran du emaru du husilye veanten na pe lingi nye van miliye. Veanten na pe lingi ne van meliye, mi swa na pe i veanten miear.