¹ Galatians nio kim dedene?si be gene bangao te dokone?kimim ka seka kin yong ta ne peten an mho ne mete Jesus kraes na namka map ongane tevemim. ² Ente kuon mi sisie na namka map ongane tevemim kim lie ninmeuan husili gies an se law mende kim ongane husilibiangru? ³ Mangivi?kim dedene te tembesie miane ninmeuan a yene kim mesaa husili tawilin biemim? ⁴ Kim kienkien ane se mipis tevean ormes muwu ka wi ormes? ⁵ Nge na ma senene ninmeuan miane kimim,ma husili gies an se law mende yougta an husilie beangru? ⁶ Wangemian Abraham me niorkate yam wulukte nge me miorten. ⁷ Yan seli ente nio na yam lie biangru yam mi neti Abraham. ⁸ Dakuonkuon ma pisien ane na God ka we lengkukuone gentilies husili biangru, pendar ane ndaa ne wuan ente me per miane Abraham maka,yen ngok nation kevene ka yap lie gukuane an. ⁹ Nio ne biangru,yam lie gukuone an miane Abraham veaten ane biangru. ¹⁰ Nio na yam dimiane gies an se law, yam du ian curse tevian mi tis per,curse mi san veanten kevene na yato kusili sewe sa mi tis per yen book ne law,a gene nio. ¹¹ Yene ma mea na tusua seka ne me mior ne God husilie law,tevean nio na yam mior yam meu miane biangru. ¹² Law toi biangru a veaten na ka ti gies miane law, ka wuwu meu miane nio. ¹³ Kraes me sakuvu err metone Sarre kienkien an law te meme saa kienkien an tevan na me tis per,sea kienkien an mi kevene na yam saa yen lee. ¹⁴ Tevian ka gukuane an se abraham wika we me ne gentiles yen kraes Jesus,tevian husili nda na me yen biangru wika rap lie ninmeuan. ¹⁵ Bivian nio,nap soro yan sinisie san veanten.ka yet i lo yet dam sukuo,seka tusua ni liep kuvu mende ni lingling don. ¹⁶ Nda na me per mi elingling se abraham to ka elingling wi pis ma ka elingling,sua kuon sa meme i kraes. ¹⁷ Yen sewe sa nam ka mangitak,nda na God yen kraes ma war kate meper wuk,mi law,na meper dom 430 towese ka yan liepkuvu nda na me per se God. ¹⁸ A ka viale te me husili law te nda na me per monok mi God ormes ma sengene miane abraham nda na me per wuk. ¹⁹ Law meme tevian sewe?yan ling law mon teviane duan sangsanga nio sikia elingling se abraham husili ndaa na meper me naknak law ente enjel ma lie te sengene miane san veanten. ²⁰ San veanten toi sua a God mi sua. ²¹ Law ma tetes ane nda na me per se God? go to kaa ka law we me tevian ka wa sengene meuan,te mior an meme yen law. ²² Dakuonkuon maka err kevene ram du yen senga an tevian nda ma me per husili biangru se Jesus kraes ka wi sengevia ana miane nio na yam nior kuowilie. ²³ wimo ne biangru we me,law mu gumkate err mi yas tene biangru wa pisia arap miordu yen biangru. ²⁴ Mengene law me tetepuon err sikia kraes la we me tevian ka arap mior du tene kraes we me. ²⁵ Yene na biangru meme, rato wet du pian tepuon an tusua. ²⁶ Kime kevene i neti Godtae biangru yen kraes Jesus. ²⁷ Kim pis na kim baptized yen iss se kraes kim sesearane kimim miane kraes. ²⁸ Toi Jew mende greek toi self an mende per mess an toi man viaven kimim kevene kim i sua yen kraes Jesus. ²⁹ Ka kit se kraes te kim i witi hee se abraham a,san viale husili ndaa na ma per.