Yehu Naghanggohi Ana hakola-Na ¹ "Tanaka atemi ambana kaleduko amoka; wai'wadi-ni lambara-Nggu. ² Ela umana Byapa-Nggu engo nadanga pandoy' londo-ngo; dika bainja henyaka, Yayo baku ndoli takiyaka la mbarami orona Yayo otu-ngga tanna lahandiy'nggu-mi nahawuyo pandoy'ngo tanggumi ³ Mono, hengo Yayo ba-ku otungga mono kuha-ndiy' nggumi nahawuyo pa -ndoy'ngo tanggumi, Yayo eme habalingga mono ku ngandighumi lambara-Nggu tanaka nggeka pa-ndoy'nggu Yayo, yemi wa-di, enggumi. ⁴ Mono, yemi pegheni a-lara nggeka Yyo pandoy' lay'nggu." ⁵ Menge, Tomoho wena lambara-Na, Mori, yama nja'ma pegheni nggeka Yo-yo palay'mi yama banjama pegheni alara netu? ⁶ Maramba Yehu wena lambarana, "Yay'joka lara, mono naghene, mono mo-piro. Njango hatoy' waawa-ngo pangu wadi na maiyo lambarana Byapa, banjana walingoka la Yayo. ⁷ Di-ka yemi bupeghengga Ya-yo, yemi wadi enga peghe wadimunika Byapa-Nggu; walingo henene, yemi ndoli peghenika Byapa mono ice -ka Diyo." ⁸ Filipuho wena lambara -Na, "Mori, pahijonggamani Byapa netu lambarama ya-ma, mono netu apa natutu baka layama." ⁹ Maramba Yehu nawala -hoya diyo, "Filipuho, ndoli hemyika mandey'mi baku marengenggumi yemi, mo-no yemi enga inja peghe dokaluy' monggaka Yayo? Nggarani naicegha Yayo, di -yo ice donanika Byapa, pe-na yemi bana pikomongo-ka, 'Pahiy'nggani Byapa ba wemumoka?' ¹⁰ Pena yemi bainja wai-ngga Yayo banengga la Bya -pa yinikya la Yayo? Ngara baka patakinggu ene Yayo papaneghenggu lambara-mi, Yayo inja paneghenggu -ni tutu pola to-Nggu, tappi Byapa naemi ela Yayo ene napahalakoya a paghili-Na. ¹¹ Wai'banggaka lamba-ra-Ngggu, nggeni Yayo ba engga la Byapa mono Bya-pa eni la Yayo; ndewena ba -njadoka, waibanika ngara papaghilingo ngara netu. ¹² Eni nahecopinjana, Ya -yo kutakiya lambarami, ngara atoyo nawaingga Ya-yo, ngara apaghili ene Yayo papaghilinggu, diy' wadi e- ne papaghilina; mono nga-ra baka papaghilingo nare- hi bokolo wali ngara kehe iyiya orona Yayo otunggaka lambarana Byapa. ¹³ Ppay'panguya ene ye-mi pakarey'mi lapanu nga-ra-Nggu, netu eme Yayo pa palakunggu tanaka Byapa apamalanguya ela la Ana. ¹⁴ Hengo yemi bukareyo papanguya lapanu ngara- Nggu, Yayo kupalaku nani. Kiru-hake tutuna Hungato Bihha ¹⁵ "Dika yemi bumana-worongga Yayo, yemi nama -toyaka pareta-Nggu. ¹⁶ Yayo eme kukareya lamba-rana Byapa, mono Diyo na woy'nggumi lambarami na Patulungo heka, tanaka Di-yo namarenge dengengo tarohi nggumi, ¹⁷ dfdo-yaka a Hungato Namaghe-nengo, na nja'pa himbana apanu tana, orona panu ta-na banjana himbaya Diyo; tapi yemi pegheni Diyo oro -na Diyo namarengenggu-mi mono engana lambara-mi. ¹⁸ Yayo njaku mandala donggumi hengo lakeda mi -la an'lalo; Yayo enga eme-ngga lambarami. ¹⁹ Nja-na mandey' walika, apanu tana banjana ice waligha eme Yayo, tappi yemi eme ecegha Yayo; orona Yayo kumopiro. ²⁰ Ene loddo-na netu, yemi eme pegheni nggeni Yayo baengga la Ba -pa-Nggu, mono yemi eng-gumi la Yayo, mono Yayo engga layemi. ²¹ Nggara panguni ene nahamondoroya pareta-Nggu mono na pahalakoya, dyo na manawarongga Ya-yo didoyaka pamanawaro-na Bapa-Nggu, mono Yayo enga manawaro ngguni di-yo mono eme kupahunda wuy'-Nggu lambarana." ²² Yudaho, inja diyo Iska -rioto, wenaka lambara-Na, "Mori, penaka Yoyo eme bu pahunda ngongo wuy'-Mu lambarama yama inja lam-banani panu tana?" ²³ Maramba Yehu nawa- lahoya lambarana, "Hengo bahatoya namanawarong-ga Yayo, diyo eme na nama -toya liy'-Nggu; mono Bapa -Nggu eme amanawaroni diyo, mono Yama eme nggama lambarana mono enga baku marengenggu-mi. ²⁴ Tappi dimoka, ato -yo nanjana manawarong-ga Yayo, njana namatoya liy'-Nggu. Mono, mono aly' nggu ene yemi parongomi netu inja wali la pola toy'-Ngguni, tappi wali nani ela Byapa napatumbangga Yayo. ²⁵ Ngara baka ahadana iyiya mengeka Yyo baku ta-kiya lamarami ene Yyo ba-ku marengenggumi. ²⁶ Tappi dimoka, na Patulu-ngo netu didoyaka Hunga-to Bihha, neme Byapa pa utuhona ela panu ngara-Nggu, Diyo eme napakane-kanggumi ngara baka etu lambarami, mono eme pa-ape nggumi enengara baka etu ene pandoli papaneghe -ngo lambarami. ²⁷ Ndeta ndololo habali-Nggu naolenggumi; ndeta ndololo-Nggu pawoy'Nggu lambarami, njana mera pa woy'na panu tana bana woy'ngo ene Yayo pawoy' -Nggughumi, tanaka a ate-mi pakalokoni bana kaledu -ko ndewadina naranda-ngo. ²⁸ Y emi ndoli rongomi-nika ene Yayo baku takiya lambarami, 'Yayo enga otu nggaka, mono Yayo enga eme habalingga lambara-mi.' Dika yemi bumanawa-rongga Yayo, yemi enga engge ndeta mika orona Yayo otungga lmbarana Btapa, orona Btapa narehi bokolo wali la Yayo. ²⁹ Yayo ndoli hapeghe nggu-mika henene banja' pango-ka netu nadadi, yemi enga wai'mi. ³⁰ Yayo njangoka papa-neghenggu narehi danga wali ambarami orona naka -whaya panu tana iyiya te-ngero emeni. Diyo njana ka -wahaya hodi pangu apola toy'-Nggu. ³¹ Tappi dimo -ka tanaka panu tana nape-ghengo nggeni Yayo naku manawaroni Byapa, Yayo kupalakuya napahe hengo ene Byapa papareta-Ngga. K ede baja, mabika ghica tamaeru wali iyiya."