¹ Maramba Yehu wena lambarada, "Yy'doka Punge -na Angguro ene napaatu Bapa-Nggu dika napaghili ni. ² Ngarabaka kahanga -na lambara-Nggu nanjn wuyo, naletondika Diyo mo -no ngara baka kahangana nawuyo, napahingiro-Nani, yanaka akahangana netu nambodoro waingo awuy' na. ³ Yemi hingiro domoka orona liy'nggu ene pandoli taki-Nggu lambarami. ⁴ Engabaka lambaranggu Yayo mono Yayo engga lam -baranggu Yayo mono Yayo engga ela yemi. Meraka ene kahangana njana ngo-le bana wuy' kanehongo, li-kena bana makopango ela pungena angguro, hewajo-naka yemi njana kolengo bawuyo, likena yemi enga-na ela Yayo. ⁵ Yay'joka pungena ang- guro mono yemi karangga- nanggumi. Ngara atoyo na-engana ela Yayo, mono eng -ga ladiyo, diyo dika nam-bodoro awuy'na orona ban-jana maheghero ela Yayo, yemi njango paliy'mi. ⁶ Dika bahatoyo njana enga-na ela Yayo, diyo ndukana kapattinika meraka hakara-ngga mono amate marum-buko; mono eme kahahika mono gheghundika la api jalo, mono nakarangoka. ⁷ Dika yemi enga ndoy'-mi ela Yayo mono aliy'-Nggu engana ela yemi, ka-rey' baka pabayaka ene ye-mi pambeimi, mono netu eme awoy'nggumi tanggu-mi. ⁸ Bapa-Nggu eme apao-haya tutu hadana iyiya, di-doka hengo yemi wuy' da-nga mono bahenyaka, ye-mi ana hakola-Nggughu." Paretana Maramba Yehu tutu Enga Pamanawarongo ⁹ "Henyaka Byapa bana manawaronggumi; enga bamika ela manawaro- Nggu. ¹⁰ Dika yemi bupaaka do -ni ngarakehe pareta-Nggu, yemi engemi ela ma-nawaro-Nggu, meraka he-ngo Yayo baku paakani pa-retana Byapa mono enga-nggu lamanawaro-Na. ¹¹ Ngara ahadana iyiya Ya-yo kutakiya lambarami ta-naka engge ate-Nggu eni ela yemi, tanaka engge ate -mi nahangga wango. ¹² Yiy'dika pareta-Nggu; Yemi tana enga pamanawa -rongo, meraka hengo Yayo baku manawaronggumi ye-mi. ¹³ Njango manawaro narehi bokolo nahatoyo ene naharakani hungatona tutuda ngara hakalembe-na. Yemi didoka ngara haka-lebe-Nggu dika yemi bupa-halakoya paya ngara papa-reta-Nggu lambarami. ¹⁵ Yayo njaku taki waling -gumi yemi ata orona ata njana pegheni paya ene pa -paghilinya ene morina. Ta-pi dimoka, Yayo kutakinggu -mika kalembe orona ngara kehe ela Yayo rongoya wali la Byapa, menge Yayo baku panegheni lambarami. ¹⁶ Inja yemi napende -gha Yayo, tapi Yayoka nape -nde ghumi mono nahawo-tohoya yemi tanaka yemi o-tunggumi mono hahilongo wuyo, mono awuy'mi enga-na mengeka pabayaka ye-mi pakarey'mi ela Byapa la panu ngara-Nggu, Diyo enga woy'nanggumi yemi. ¹⁷ Yidika pareta-Nggu: Yemi nduka enga pamana-waromi!" Maramba Yehu Napaape-ndi Ngara Halakeda-Na ¹⁸ "Dika panu tana bana muhunggumi, yemi peghe-ni nggeni panu tana ndoli muhu nanggaka Yayo ba-njana muhu panggumi. ¹⁹ Dika yemi walimi lapanu tana, nepimoka apanu tana enge manawaroni adoy' mangawuy'na; tapi orona yemi inja wali lapanu tana ghumi, tappi Yayo dika na-pende ghumi wali lapanu tana, oro hadana netula a panu tana namuhu nggumi yemi. ²⁰ Apeya paneghe ene palanga pataki-Nggu lam-barami; 'Nahatoyo ata nja-na rehi bokolo wali lamori-na'. Dika ehehe bapakariy'-gha Yayo, ehehe wadi enga pakariy'da nggumi yemi. Di -ka hediyo bapaakani liy'-Nggu, hediyo wadi apaaka-ni ene patakimu. ²¹ Tapi dimoka, ngara ke -he baka netu hediyo apala -kuya lambarami yemi, tutu ngara-Nggu. Torana, hedi-yo njana tandaya Diyo nau-tuhogha Yayo. ²² Dika Ya -yo njaku may'ka mono ku-taki ngara keheya netu lam -barada ehehe, hediyo nja' do'ni akico dirako. Tapi di-moka henene,hediyo nja' do'ni palumungo tutu akico dirakoda hediyo. ²³ Ngara atoyo namuhu-ngga Yayo, diyo wadi namu -huni Bapa-Nggu. ²⁴ Hebyangoka Yayo nja-ku palakuya landongada he -diyo ngara apaghili panja' handaka pangoa bapalaku-ya toy' heka, hediyo nja'do-ni pelo hala. Tapi dimoka henene, hediyo ndoli iceda -nika dimoka enga muhu dangga Yayo mono Bapa-Nggu. ²⁵ Dimoka, Liyo ene namaturaho ela hurato Taurato hediyo nduka paha -gga nani: 'Hediyo amuhu-ngga Yayo njango orona.' ²⁶ Dika na Papatulumgo netu bana emeni, eme ene Yayo pautuhonggu lamba-rami wali la Byapa, didoya-ka Hungato Namaghene-ngo ene nawalina la Byapa, Diyo eme nahakahiya tutu-na Yayo. ²⁷ Mono yemi wadi eme hakahiyo orona yemi bumarenge-Ngga wali kawungana."