¹ Njana kawungapango Loddo Rame Paskaho, Ma-ramba Yehu napegheni nggeni rapa-Na enga duki-na nggeni Diyo eme naman -dalani panu tana iyiya lam-barana Byapa, menge bana manawaroni hadoy' manga -wuy'-Na lapanu tana, Diyo namanawaroni hediyo lapa lakandupuna. ² Tengero bamuyo ngagha malo ata-manika la atena Yudaho Is-karioto, anana Simono, to-ra bana muhu kapodani Maramba Yehu. ³ Maramba Yehu, menge -ka bana pegheni nggeni Byapa ndoli haraka dani ngarabaka etu ela lambara-Na, mono nggeni Diyo eme -ni wali la Maramba Alla, mono eme nabali lambara-na Maramba Alla, ⁴ Diyo nandende wali hamuy'ngo ngagha malo mono nahali-ni njuba-Na, menge nade-keya kamba leneno mono napatayaka labengge-Na. ⁵ Menge wali, Diyo nabu -rika weyo ena hawuyo bas -komo mono naloke hika hawitida ngara ana hakola-Na menge napamaghara-ndi hawitida hediyo nawai-nika ene papatanna waina-ni bengge-Na. ⁶ Makka, Diyo dukika la-mbarana Simono Pyetu mo -no diyo wena lambarana lambarana Maramba Yehu, "Mori, Yoyo bahaya witing-gu?" ⁷ Maramba Yehu mono wena lambarana,"Paya ene Yayo papalakunggu, yemi njana mangatini henene, ta -pi dika yemi eme mangati-ni." ⁸ Pyetu wena, "Yoyo inja handaka bahaya witinggu!" Maramba Yehu nawalaho-ya, "Dika Yayo njaku baha nggumini, yemi inja kole-ngo tanggumi ela Yayo." ⁹ Simono Pyetu wena la mbara-Na, "Dika bawengo-ka Mori, amba dimoka ene hawitinggu pinggu, tappi limya wadinggu mono witi-nggu!" ¹⁰ Maramba Yehu wena lambarana, "Toyo nandoli mengena bana paiho diya-ka bahahi witina, tappi ndo -li hingiro ngara kehena. Ye -mi ndoli hingiroka,tappi in -ja ngara kehe wali layemi buhingiro." ¹¹ Orona Maramba Yehu pegheni nggarani eme na muhu kapodana Diyo, netu torana Diyo wena, "Inja ngara kehe wali layemi hi-ngiro." ¹² Makka, mengeka Ma-ramba Yehu bana menge bahahi hawiti-Na, natay' ha -balinika a njuba-Na, mono nabaliyaka ela pandoy'-Na, Diyo wenaka lambarada he -diyo, "Penaka yemi buma-ngatini paya ene Yayo papa -ghilinggu lambarami? ¹³ Yemi takigha Yayo Nggu -ru mono wadi Mori. Netu pahika orona Yayo hepinja-na Nggurugha mono Mori-gha. ¹⁴ Dika Yayo, ene ba Morigha mono ba Nggu -rugha, ndoli bahananika hawitimu, yemi wadi tanna habaha wamyi witimi. ¹⁵ Torana, Yayo ndoli woy'na nggaka tudda lambarami tanaka yemi wadi paghilini hengo ene Yayo papaghili-nggu lambarami. ¹⁶ Ene hecopinjana, Ya-yo kutakiya lambarami, na-hatoyo atana njana rehi bo-kolo wali morina, ndewadi-na njana rehi bokolo walipa -ngo toyo papatumbana. ¹⁷ Hengo yemi ndoli pe-ghe ngara kehena iyiya, ye-mi a pamaringi malalaya di -ka yemi bupaghili ndika. ¹⁸ Yayo inja paneghu ngguni yemi ngara kehe. Yayo kupegheni nggara wa -ndika ene hapende-Nggu, tappi anasto iyiya engadika hanggana, 'Toyo ene namu -yo kadepeto-Nguu ndoli nahakota yaka iru witina lahadapanggu Yayo.' ¹⁹ Yayo kupaneghenggu -mi henene, banjana duki pango hadana ngara netu nadadi, yemi eme waingga nggeni ba Yay'ka ene Diyo. ²⁰ Ene nahaecopinjana, Yayo kutakiya lambarami, ngara atoyo ene nahimba-ya toyo pautuho-Nggu, na himbagha Yayo; mono toyo nahimbagha Yayo, himba donanika Diyo ena utuho-gha Yayo." Yehu na panegheni Nggara -ni ene Eme Nanggoma-nggani Diyo ²¹ Mengeka Maramba Yehu bana paneghe henya, Diyo nakaledukoka lapanu Ndewa Biha mono nahaka-hiyo, "Hepinja pangunaka Yayo baku takinggumi lam-barami, eni nahatoyo wali layemi nanggomangga Yayo." ²² Ngara halake-dana awango hamataro-ngo wuy'da bahatoy toy'hi mono parapangka bama-ghambaro tutuna nggara-nika ene Diyo pa pane-ghena ²³ Ene nahatoyo alakede -Na londo hendengo lapa-nu kahangu atena Maram-ba. Didoyaka ana hakolana ene pamanawarona Yehu. ²⁴ Mengewali, Simono Pyetu nawoy'ni tanduko la-mbarana tutu kaliaroni lam -barana Maramba Yehu tu-tuna nggarani ene Diyo pa-kambu atena. ²⁵ Makka, alakeda ene nahendeni kahangu atena Yehu netu wena lambara-Na, "Mori, nggaranika atoyo netu?" ²⁶ Maramba Yehu nawa-lahoya, "Toyo netu didoka diyo ene lambarana Yayo nawoy'ni kadipu kambam-ba iyiya menge Yayo baku pabuluni." Menge, bana pa -buluni kadipu kambamba netu, Maramba Yehu woy' nani lambarana Yundaho, anana Simono Iskarioto. ²⁷ Mono, menge Yundaho nahimbaya kadipu kamba-mba netu, Marapu ahambi -roya. Orona netu, Maram-ba Yehu wena lambarana, "Paya ene eme parawimu, paghili malewerona!" Nja' hatoy' pangu wali he -diyo ene tengero muy'da netu mangati pena Maram-ba Yehu bana wen'henya la mbarana Yundaho. ²⁹ Napiri wali hediyo pa pangadada orona Yundaho -ka ene naketengo kawi ndi -ngi diyaka Maramba Yehu wena lambarana, "Kahiba-yaka ngara hadana ene ghi -ca pawangyo tutu rame," ndewena tanaka diyo na-woy'ngo ngara etu lambara -na toy' milla. ³⁰ Makka, menge bana himbaya kadipu kambam-ba, Yundaho otunika nalo-ho arapana netu nahuddo-ngoka. Yehu Napaneghengoka tu-tu Mate-Na ³¹ Lighurona Yundaho bana halako, Maramba Ye-hu wena, "Henene rapa na-ni Ana Toy'piyo bapamala-nguya mono Alla apamala-nguya liyo la Diyo. ³² Di-ka Alla apamalamguya ela Diyo, Alla wadi eme apama -languya Diyo lapanu pola toy'-Na, mono eme apama-languya Diyo ene pamale-waroya. ³³ Ngara ana-Nggu, Ya-yo eni marengenggu yemi dika diyaka hema wali. Yemi eme kandabagha Ya-yo, mono hengo ene Kutaki -nggumini lambarana toy' Yahudi, henene Yayo kutaki wadya lambarami, 'Nggeka Yayo pandoy'nggu, yemi inja pikongo.' ³⁴ Hawy'ni pareta mbaru Yayo kuwoy'nggumi lamba-rami, didoka tanaka yemi pamanawarongo wuy'ngo, meraka hengo yayo baku manawaronggumi yemi, he -wajongoka yemi wadi bu pamanawarongo wuy'ngo. ³⁵ Dika bahenyaka, nga-ra kehe toyo enga peghe nani nggeni yemi diyaka ngara ana hakola-Nggu, di-doka hengo yemi bupama-nawarongo wuy'na." Paapena Maramba Yehu la- mbarana Pyetu ³⁶ Simono Pyetu nakali-aro lambarana Maramba Yehu, "Mori, nggeka Yoyo pandoy' lay'mu?" Maramba Yehu nawalaho-ya diyo, "Nggeka Yoyo pao-tunggu, yemi inja pikongo banamatogha Yayo hene-ne, tappi eme yemi eme na -matogha Yayo." ³⁷ Pyetu wena lambara-Na, "Mori, pena yayo banja-ma pikongo namatoghu Yo -yo henene? Yayo eme hara -kani hungatonggu tutu-nggu Yoyo!" ³⁸ Maramba Yehu napa-walaho, "Yemi eme haraka- ni hangatomi tutu-Nggu? Ene nahecopinjana Yayo ku -takiyaka lambaramu, ha-manu banja' kuko pango ndoli pandalumuka bu ma-ngengga."