¹ Nomo loddona banja-na dukipango Loddo Rame Paskaho, Maramba Yehu otunika la Mbetania, pan-doy' londona Lazaruho, etu papakede habalinya wali la mate. ² Anyene, diyaka pahandiy'dani ngagha ma-lo tutuna Maramba Yehu; mono Myarta tengero laya-nani, tappi Lazaruho ngga-bango nahatoyo wali hedi-yo eni nalondo ela menja dunggu Maramba Yehuda. ³ Menge wali, Myaria na dekeya naparaduyo kati mi -nya narwastu namurni na heka pawalina, maka naoro nika witina Maramba Yehu mono napaghara wani long -gena. Maka, ela uma netu nahanggiyaka wey' wuy' mbangi. ⁴ Dimoka, Yundaho Iska-riato, nahatoyo lakeda-Na ene eme nanggomani Diyo, wena, ⁵ Pena aminya wa -ngi netu inja hamaha mu-nika diyo nawalingo tallu ngahu ndinaro mono ba-gheni ngara toy' milla?" ⁶ Diyo bana wen'henya inja tora lumu henyani ela toy' milla, tappi orona diyo batoy' keduya, mono orona diyo nangandiya kawi ndi-ngi, diyo ndamangoka ba-na deke ndingi ela kawi dalo netu. ⁷ Makka, Maramba Yehu nawalahoya, "Inja diyo wa-ricoyo netu, diyo paghilinya -ni nggabango handiy'nani tutu loddo tanongo-Gha. V 8 Torana, toy' milla rngana ela mbarami, tappi Yayo in-ja baku olenggumi." Ngara Imama Kapala Mimi-rongo Hamateya Lazaruho ⁹ Inja hekanaka nanja'ha -ngare dangana toy' Yahudi barongoya Maramba Yehu bana eni la Mbetania, hedi-yo otundika anyene, inja di-moka orona Maramba Ye-hu, tappi tutu ice wadiya La -zaruho ene papakede ha-balina Diyo wali lamate. ¹⁰ Menge, ngara ha imama kapala kambu atengo ha-mateya Lazaruho wadi. ¹¹ Orona Lazaruho, da-nga toy' Yahudi amandala-nika hediyo mono awainika lambarana Yehu. Yehu Tamaka ela Kota Yeru -salemo Meraka Tokko ¹² Delokoka tana, atoy' danga ene nadalongo wole -ko netu, like rongo dani Maramba Yehu naemeni la Yerusalemo, ¹³ hediyo a dekeka ngara roy' kerre mo -no hotundika lakadeloko tutu himbya dani Diyo mo-no kedeka wihha wihhada. "Hosana! Namaringi malala Diyo namaiyo lapanu ngarana Myori, Tokko Israelo!" Mazmur 118:25-26 ¹⁴ Mengeka nakolengo-ka nahabeyo kabondi nda-ra rarra, Maramba Yehu na kaleteka, henyaka namatu-raho: ¹⁵ "Amba kambohi, hei lakarrana Siono! Icebakala! Tokkomu emenika, nalondo lakabendona naha -beyo kabondi ndara rarra." Zakharia 9:9 ¹⁶ Akedena, ngara hala-keda-Na njan' mangatini paya ngara etu baka, tappi nggeni a Maramba Yehu ba pamalanguya, hediyo dika bamangatini nggeni ngara etu ndoli maturahodaka tu-tuna Diyo, mono nggeni he -diyo ndoli pahalakodandi-ka ngara kehe netu tutuna Diyo. Toy' Danga Napaneghengo tutuna Maramba Yehu ¹⁷ Dika, ngara toyo ene namarengeni Yehu pahe Di -yo bana kawuloni Lazaru-ho naloho wali larate dalo mono napakede habalini di -yo wali lamate engadaka bahakahiya. ¹⁸ Toranaka netu, danga toyo nahimba-ya Yehu orona hediyo baro-ngoya ene Diy'yaka na pa-ghilingo tanda mangaraho netu. ¹⁹ Makka, ngara toy' Farihi wedka bahatoy' toy'hi, "Yemi iceya, payaka ene ghica pakambuatema njana loloho. Ice baka, nga-ra pakombokona nuhha e-ngadaka banamatoy' Diyo!" Yehu Natakiya tutu Mopiro mono Mate. ²⁰ Pahe rapana netu, e-wadindi ngara toy' Yunani landongada hediyo naotu-ndi la hambayango ela ra-me netu. ²¹ Ehehe atobo -koka Filipuho, nawalina wa -li Betsaida ela Nggalilea, mono wena lambarana. "Maramba, yama mbengo tobokoya Maramba Yehu." ²² Filipuho otunika lataki nani Andreaho; maka An-dreaho mono Filipoho otu ndika mono lataki nanika Maramba Yehu. ²³ Maramba Yehu napa-walaho, "Rapana nahangga -ka tutuna Ana Topiyo hapa -malangu wangoya. ²⁴ Ene nahecopinjana, Yayo kutakinggumini lam-barami, likena wiha pare bana kanabu latana mono nama-te, awiha netu enga diyo ba -hawuy' pini; tappi hengo a wiha netu namate, diyo ha-hilona dangaka awuy'na. ²⁵ Toyo ene namanawa-roni hungatona, eme nam-bunga hungatona, tappi a toyo nanjana manawaroni hungatona yi'lapanu tana iyiya, eme bana karaghaya tutu mopiro hallu. ²⁶ He-ngo bahatoya nalayanong-ga Yayo; nggeka Yayo pan-doy'nggu,enyen' wadi pela-yano-Nggu pandoy'na; dika nahatoya nalayanongga Ya -yo, Byapa eme nahambo-toya diyo." Yehu Napanegheni tutu Mate-Na ²⁷ Henene, ndewa-Nggu nakaleduko. Payaka eme pataki-Nggu? 'Byapa, naha-numaragha Yayo wali rapa-na iyiya?' Tappi dimoka, tu-tuna pandoy' arongo iyiya Yayo emengga rahinya iyi-ya. ²⁸ Byapa, pamalangu -ya ngara-Mu!" Makka, ro-ngoyaka aliyo wali la huru-ga, "Yayo napaohayaka nga -ra-Nggu mono Yayo paoha -ya wadiyaka." ²⁹ Toy' danga ene nden-de enyene mono narongo-ya natakkiyaka nggeni netu aliy'nya kanduruko, tappi nahawade, "Nahatoyo ma-lekoto napaneghenika lam-bara-Na!" ³⁰ Maramba Yehu nawa-lahoya mono wena, "Liyo netu parongo inja tutuna habaningo ngowuy'-Nggu, tappi tutu habaningo gho-mi. ³¹ Henene didoka pa -hakimo ngoya panu tana iyiya, henene wadika naka-wahaya panu tana eme ho-koyaka. ³² Mono, hengo Yayo ba pamadetanggaka wali lapa -nu tana iyiya, Yayo eme ku -tingu keheya toyo lambara -Nggu." ³³ Maramba Ye-hu kutakiya hadana iyiya tu -tu pahiy' dengeni hamate-ya amerana paya ene Diyo eme bana mate. ³⁴ Toy' danga netu nawa -lahoya Diyo, "Yemi ndoli ro -ngoyaka wali la hukumo Taurato nggeni Kritu eme engadiya baeni lappa muri wali muriwali; penaka bana mapikongo Yoyo bawena, 'Ana Toy' piyo netu bandu-ka mandaiani?' Nggaranika Ana Toy' piyo netu?' ³⁵ Maramba Yehu nawa-lahoya hediyo, "Diyapika he -ma wadi Manggakaho ne-tu eni pamarengemi. Hala-ko baka batengerona Mang -gakaho netu bana epyani tanaka akapandu eme am-ba nakawhaghumi; torana toyo ene nahalako la kapan -du njana pegheni nggeka diyo pandoy' la'na. ³⁶ Rahinya yemi badoy'-ni Manggakaho netu, wai'-bangoka ela Manggakaho netu tanaka yemi dadi wa-ngo ngara ana Manggaka-ho." Mengeka pataki hewa-nani, Maramba Yehu otuni-ka bana kambuni ngongo wuy'na wali hediyo. Napiri Toy' Yahudi Njana Waini lambarana Yehu ³⁷ Hejamanaka Maram-ba Yehu bana pahalakoya dangaya tanda mangaraho la arona hediyo, hediyo e-ngadika inja waija lambara -Na, ³⁸ tanaka nahangga wango patakina ene papa-dukina etu Nabi Yesaya. "Myori, nggaranika ene na waini lambarana papaduki -ma yama? Mono, lambara nggaranika limyana Myori ene pandoy' papahundanani?" Yesaya 53:1 ³⁹ Didoyaka torana, hedi -yo njana pikongo waini orona Yesaya wadi wena, ⁴⁰ Diyo dikd na pambura -ya matada hediyo mono na patonggorohi ateda hediyo, tanaka hediyo amba ice wango mata hediyo mono amangati wango ateda hediyo, menge amawaliko lapaka Yayo baku patanggahoya hediyo." Yesaya 6:10 ⁴¹ Yesaya nataki ngara-keheya iyiya orona diyo ndoli icenanika biha mandi -nya Maramba Yehu mono diyo napaneghe nika tutu-na Diyo. ⁴² Hejomonaka, danga wadi ngara pemimpino ene nawaingo lambarana Mara-mba Yehu, dimoka oro kam -bohida lambarana ngara toy' Farihi, hediyo paneghe pamanggakohoni oro kam-bohija eme appa harrahika wali sinagoge. ⁴³ Torana, hediyo rehi mbei -ni himbaya malangu toy' piyo wali latoy'piyo walingo malanguna wali ela Maram -ba Alla. Pakanekana Maramba Ye-hu Hakimoni Toy'piyo ⁴⁴ Mengewali, Maramba Ye -hu nakayokongoka, bana we-Na, "Ngara atoyo ene nawaingga lambara-Nggu, njana waini lambara-Nggu, tappi lambaranani Diyo na patumbangga Yayo. ⁴⁵ Mono, ngara toyo ene na ndoli icegha Yayo, naice wa -diyaka Diyo ene napatum-bagga Yayo. ⁴⁶ Yayo ene namaiyo nggabango Manggakaho ela panu tana iyiya, tanaka ngara toyo nawaingga lam-bara-Nggu njana ndoyo la kapandu. ⁴⁷ Dikka baha-toya bana rongoya pataki-Nggu, tappi diyo njana na-matoya, Yayo njaku hakimo -ni diyo; torana Yayo baku emengga inja tutu hakimo ngguni nuha mone, tapi tu-tu hamanumara ngguni pa -nu tana. ⁴⁸ Nggarani natolako-gha Yayo mono njana him-baya pataki-Nggu, maka a liy'nggu ene Yayo pataki-nggu eme kuhakimoni diyo eme lakandupu loddo. ⁴⁹ Orona Yayo njaku pa-negheni tora hambei'-Nggu, tappi Byapa ene na patumbangga Yayo nawoy' -Nggani pareta wali deta payaka ene paenga taking-gu mono Yayo papaneghe-ngo. ⁵⁰ Mono, Yayo kupe -gheni nggeni apareta-Na didoyaka mopiro hallu. To- rana netu, hadana Yayo pa-padukinggu, Yayo kupadu-kini hengo ene patakina Byapa lambara-Nggu."