¹ Maka, Maramba Alla naa-peya Nuhu mono ngara hara -nga utta, lappaka haranga mapo ene naendi la nuh'tena dalo netu. Mono, Maramba Alla narawi nika paringi napo -ghika panu tana maka awai-yo namburuka. ² Diyo wadi natodika amata -na waiyo lamandatuna panu tana mono ngara habinyada hawaiyo naendi lakaramba, malawengo urra nahangahu-ka mburuna lakaramba. ³ Awaiyo nawonikoni panu ta-na natambo mburuka lapaka lakandupuna hangahu lima kambulu loddo netu wiyo na tambo mburu. ⁴ Pahe wulla kapituna mo-no loddo hakambulu pituna ene wulla netu, natarahakoka nuh'tena netu ela kabunduko lete Ararato. ⁵ Awaiyo napa -ngalolu ngoka mburuna lap -pa wulla kahakambuluna. Ene loddo kawungana ene wulla kahakambuluna netu, ngara hambughuda haleteda ahundaka baicehi. ⁶ Langangoka pato kambu-lu loddo, Nuhu nabunggero-ka ene papandahana ela nuh' tena netu. ⁷ Mengewali, di-yo napahallayaka nahaihha kahilo hanggako netu nalera hotu-homeka lapaka waiyo namburu wali lakabendona panu tana. ⁸ Mengewali, Nuhu wadi na -pahallaya nahabeyo kahilo merpati tanna peghe wani a harendena waiyo l'panu tana. ⁹ Tapi gimoka, merpati ne-tu njana toboko pandoy' ran-dakona orona waiyo njana ha -rede pango lapanu tana me-nge merpati netu nabali ha-balini la nuh'tena. Nuhu na panade nika limyana mono nggapakoka merpati netu, na -ngandi habalini nuh'tena dalo. ¹⁰ Langango pitu loddo, Nuhu napahalla habalini mer -pati netu wali nuh'tena. ¹¹ Mamalo loddona, merpa -ti netu nabaliya lambarrana Nuhu mono nangandi roy' za -itunu hangalu ela ghobana. Tanduko mamika, Nuhu nape -ghenika ene waiyo namaha-ruka lapanu tana. ¹² Maka, Nuhu namangga-ngo helu pitu loddo wali, na-pahala habalini merpati netu. Rapana iyiya, merpati njana helu balika ela nuh'tena. ¹³ Tutu ndoyo lolo mopiro-na Nuhu nomo ngahu iha, pa -he loddo kawungana wulla kaihana netu, waiyo namaha-ruka wali panu tana mono Nuhu nabunggeroka kawen-dona nuh'tena mono nakaha-ranika panu tana naharende-ka. ¹⁴ Tutuka loddo kaduy' kambulu pituna wulla kaduy'-na, kabendona tana mara na-harokoto pinjaka. ¹⁵ Mengewali, Maramba Al -la wena nika Nuhu, ¹⁶ "Lo-ho baka wali la nuh'tena ne-tu, yoyo,ariwaimu, haanamu, haariwaija hediyo. ¹⁷ Pahalla kehe bahika nga -ra namanga hungatoda pao- lemi, ngara kahilo, ngara ha-ranga, dika ngara baka etu napalawe yila panu tana tana-ngara hehe namapiko-ngo ugharo nggahako mono nababato yila panu tana." ¹⁸ Maka, Nuhu alohoka dunggu ariwey'ja, haanada, mono hamayina. ¹⁹ Ngara kehe haranga ut-ta, ngara haranga napalawe, mono ngara kahilo alohoka wali la nuh'tena. Ngara baka haranga naloho wali nuh'te-na, namato huru kabokelona. ²⁰ Mengewali, Nuhu napa-keddeyaka nahawuyo alataro papaoha wanani MYORI. Diyo nangandika napiri beyo kahi-lo mono napiri haranga kaba menge namarakohi hahara-nga netu ela altara nggaba-ngo maraka patunu lambara-na Maramba Alla. ²¹ MYORI nahawoyaka ma -rakona Nuhu, mono netu na maghanangoka Diyo. Maka, MYORI wenaka la ate dalo-Na, "Yayo njaku helu habolla harra dnika panu tana oro pe -lo halana toy'piyo, apa pe'a-manaka wini atena toy'piyo bana manggayo walingo ba-na bana bangngu pango. Mo -no Yayo wadi njaku helu ha-madda doyaka ngarabaka na manga hungatona yila panu tana pandoli henggu papala-ku-Nggu. ²² Nggeni panu tana baen' pani, wulla tondo mono wulla nguti, maghenggelo mono mbanaho, maratana mono righico, dika deloko mono huddo eme enga naka eni."