¹ Maramba Alla napamari-ngi malalayaka Nuhu dika ngara anana, mono wenandi lambarada hediyo, "Paana-ambuka, ugharo baka, mono panu baka panu tana. ² Ra-haya kambohi mono kaghipo -ko lambaramu endi wali la ngara haranga nayini lapanu tana, ngara baka hakahilo le-ro laparingi, ngara baka hara -nga napalawe latana, mono ngara baka igha lawailorro; hediyo ngarakehe paharaka-ndika ela limya detamu. ³ Ngarabaka namanga hu-ngatona mono ngara nahang -gerekoni panu tana didoka pahamuy'mi. Yayo kuwoy' ngguminika ngara baka nabu -kulo rumba hangalu lamba-ramu. ⁴ Tapi dimoka, ambi muyo damaka yemi kabiyo namanga hungatona, ene na manga ruttona edalo. ⁵ Torana, Yayo enga luki-ghu walahona lapanuna rut-tomu, didoka hungatomu; wa -li ngara haranga Yayo kuluki -ya eme, mono ngara toy'piyo Yayo wadi eme kulukiya hu-ngatona toy' piy' heka. ⁶ Diyaka, nggarani napa ndoroya rutto toy'piyo, aruto -na eme apandoro wadinani ole toy'piy'na. Toranaka, Maramba Alla na padadini toy'piyo namatoya nggambaro-Na manga wuy'na. ⁷ Mono youo, paana-paambuka dika ugharo nggahako baka; panu baka panu tana mono tambo baka dangami lapanuna." ⁸ Menge, Maramba Alla we -nandika ha anana, ⁹ Hene-ne hamataro banikala, Yayo ku hawukuya Kirundandi-Nggu dengenggu yoyo mono wuy' wallamu eme la aro, ¹⁰ mono wadi dika ngara na manga hungato dengenggu yoyo; ngara hakahilo, ngara ha haranga mapo, mono nga -ra ha haranga utta na ole de -ngenggu naloho wali nuh' te -na-- dika ngara haharanga yila panu tana. ¹¹ Yayo ku habilu nggumini Liyo njandi-Nggu dengenggu yoyo: Njang' jongoka ngara namanga hungatona pahelu hamadda waiwango bokolo; njang' jongoka helu nuh'wa-ngo bokolo nahamohoya pa-nu tana." ¹² Maramba Alla wena, "Iyiya tanda wali Kiru ndandi ene Kuhawukuya ela Yayo mono yoyo, mono nga-ra namanga hungatona na olenggu yoyo, tangguna wuy' walla hallunape: ¹³ Yayo ene kutay'nggumi-ni alepo-Nggu la karamba nggabango tanda Kiru nda-ndi ela Yayo mono panu tana. ¹⁴ Nggeni eme Yayo ba-ku hamburuni a karamba yila panu tana mono alepo netu nahundaka elaawngo, ¹⁵ Yayo dika baku apeya Kiru ndandi tutuna Yayo mono yoyo mono ngara na manga hungatona tanna namopiro mono njangoka helu wango bokolo naha-madaya ngara namopiro. ¹⁶ Piri ene alipo netu ba-na eni lakaramba, Yayo ku iceyaka mono kuapeyaka Ki -ru ndandi njango ndukana tutuna Maramba Alla mono ngara baka namanga hu-ngatona namoiro lapanu ta -na." ¹⁷ Malawengo, we-naka Maramba Alla lamba-rana Nuhu, "Iyiya tandana wali Kiru ndandi ene paha- ku-Nggu ela Yayo mono ngara namanga hungato mopiro yila panu tana." Nuhu Mono Haanana ¹⁸ Ha anana Nuhu aloho wali lanuh'tena didoka Se-me, Hama, mono Yafeto. Hama didoyaka bapana Ka-naana. ¹⁹ Ehehe toy' tallu didoka anana Nuhu, mono wali hediyo dadika ngara kehe toy' piyo ene namaha-barango yila panu tana. ²⁰ Nuhu na maneryoka mono nakawngango bana pandaha kaligho angguro. ²¹ Napaiha loddongo, Nuhu inuka waiy' angguro mono aghanayaka, mono diyo nakalolonaka ela kom-bongo dalona. ²² Maka, Hama, bapana Kanaano, naiceyaka bana kalolona bapana mono na paneghendika hadunggu kambuna atengero endi la-kadeloko. ²³ Tapi dimoka Seme mono Yafeto adeke-ka hawalla kanggi mono a hapelonika latadu mbaleda hediyo, menge ahalako wa-li kabendoka mono apawo-loko nika a bapada nakalo-lo. Hediyo apatond ndika harupa matada maka njan' iceyaka bana kalolo bapa-da. ²⁴ Namawalekoka Nuhu wali lamambokona, diy na-peghenika paya papaghili-ana kamurina netu. ²⁵ Oronaka netu, diyo we -naka, "Bolla harra bangoka Kana -ana! Tanaka a ata banika gara hadungo kambuna." ²⁶ Nuhu wadi wenaka, "Pamalangu bayaka MYORI, Allana Seme! Tanaka Kanaano a ata banika. ²⁷ Tanaka Alla apadialoni Yafeto, tanaka diyo ndoy' baka la kombongona Seme, mono tanaka Kanaana a ata banika wadi banika." ²⁸ Langangoka wango bo -kolo, Nuhu enge mopi-ro panna tallu ngahu lima kambulu ndoy' wadiy pana. ²⁹ Maka, ngara kehe lolo mopirona Nuhu banaiha ngahu lima kambulu ndoy'- panaka, menge maka na mate.