¹ Mengeka, MYORI wena-ka lambarana Nuhu, "Tama baka ela nuh'tena dalo, yoyo mono ngara ihi umamu, tora-na Yayo baku iceghu yoyo ha-damu naghene lapaduy'na ndalarona iyiya. ² Ngandi ole bandika pitu mbolango wali lakabokelona aharanga pahamapo, ghobo mono rar-ra. Mono, hambola wali laka-bokelona huru haranga papa -harri, iha ghobo mono ngga-bana. ³ Ngandi wadibahika pitu panggabango wali ngara kehe kabokelona akahilo lero la paringi, ghobo mono rarra, tanna enga tarohida mopiro-da ehehe yila panu tana. ⁴ Torana, ene napitu loddo walingo henene Yayo eme ku hamburu nika urra bokolo yi-la panu tana ene pato kam-bulu loddo pato kambulu hu-ddona, mono Yayo kuhamad-daya ngara tangatendekona na mopironi panu tana; nga-ra kehe baka pandoli papada -di-Nggu." ⁵ Maka, Nuhu napaghili ni-ka ngara kehe baka namato ngara baka paparetana MYO-RI lambarana. ⁶ Nuhu umurona nomo ngahu ndoy'na ene aawango bokolo netu bana detango la panu tana. ⁷ Maka, Nuhu dika haanana kabanina, ari wey'nya, mono haariwey'ja haanana atamaka la nuh'te-na orona wango bokolo netu. ⁸ Ngarakehe haranga papa kabba mono papaharri, nga-ra hakahillo, mono ngara ke-he baka napalawe yila panu tana, ⁹ tamaka ela nuh'tena dalo oleda Nuhu, namatoya paparetana Maramba Alla la mbarana. ¹⁰ Pitu loddona-ka,nalangango, wango boko-lo netu wadi nahanggayaka panu tana. ¹¹ Tutuka ndoy' kanomo ngahuna rapa mopirona Nuhu ene wulla kaduy'na mo -no loddo hakambulu pituna awulla netu, namabunggero-ka waiyo la mandatuna panu tana, mono namawukeka ngara binyana waiyo lakaram -ba. ¹² Maka, namburuka urra lapanu tana ene napato kambulu loddo mono pato kambulu huddo. ¹³ Pahe ene loddo wadina, Nuhu mono haana kabanina; Seme, Hama, mono Yafeto, di -ka ariwenya mono hatallu ha -mayina atamaka ela nuh'te-na. ¹⁴ Ole wadingoka nga-ra hehe wadi ngara kabokelo haranga utta, ngara baka ka-bokelo haranga mapo, ngara baka haranga napalaweni pa-nu tana, mono ngara kaboke-lo huru kahilo, ngarakehe na palawe. ¹⁵ Ngara haranga iyiya ta-maka ela nuh'-tena dalo ole dengendi Nuhu; bapanggaba -nggabango wali ngara kabo-keloda haranga namopiro. ¹⁶ Ngarabaka haranga ne-tu, atamaka ela nuh'tena da-lo, namato paparetana Mara-mba Alla lambara Nuhu. Me- nge, MYORI natodika abinya-na nuh'tena netu lakabendo-na Nuhu. Wango netu nalabu nika panu tana ene napato kambu -lu loddo, mono kiki' tamboka awaiyo, nuh'tena netu wadi namakeketo madetaka wali la panu tana. ¹⁸ Waiyo nata -mbo madeta mono natambo dangaka yila panu tana mala- wengo nuh'tena nahalelen-de ngoka lapanu waiyo. ¹⁹ Waiyo detana nja'parang -gangotangana lapanu tana malawengoka ngara aletena namadeta lakambu karamba wadi awonikonka waiyo. ²⁰ Awaiyo netu detango ba -na lapahoni ngara haletena, mono nalabundika hakambu-lu limaya wali lapanu tana. ²¹ Maka, namaddaka nga-ra kehe namopiro lapanu ta-na; ngara hakahilo, haranga mapo, haranga utta, ngara huruna nahungato napalawe, mono wadi ngara atoy'piyo. ²² Ngarabaka nahungato namopiro latana mara, nahu-ngato waingo iruna, namate-ka. ²³ Hejonaka Maramba Alla bana hapu keheya ihinya pa-nu tana; wali latoy'piyo lapa-ka haranga napalawe, dika hakahilo laparingi, hediyo ha-madahika wali lapanu tana. Diyaka Nuhu dika ngarana en -di ela nuh'tena dalo didohika hapakamumu. V 24Mono, awaiyo na allyolo -ka bana wonikoni panu tana ene na hangahu lima kambu-lu loddo.