¹ Napiri rapa loddo wali, Yusuf nataki nani, "Bapamu na hadduka." Maka, diyo nangandihiki haduyo, Ma-nasye mono Efraim, mono otunika latobokoya bapa-na. ² Maka Yusufpo nadu -kika napiri toyo apaneghe-ni Yakub, "Anamu, Yusuf, enika nami nggelokoghu yoyo." Israelo njana makka-ngoka, tapi diyo nakahhaya a kalotona mono nalondo lapandoy' manduruna. ³ Menge, Yakub wena lambarana Yusuf, "Alla Na Ndukamboto napahunda ngongwuy'na lambaranggu ela Lus, ela tana Kanaan. Maramba Alla napamaringi malalaghu yayo anyono. ⁴ Alla nawena lambarang-gu, 'Yayo ene kurawinggu bangsa nabokolo. Yayo e-me kuwoy'nggumini tana iyiya awuy'wallamu nggaba -ngo doy'da hediyo lapa muriwali muriwali. ⁵ Henene, yoyo endi ha duyo anamu. Haduyo ana-mu a dadi iyiya banjaku pa- ngo yayo. Hadiyo anamu iyi -ya, Efraim mono Menase, ana kehe wadinggundi. He-diyo mera wadika Ruben mono Simon tanggunggu. ⁶ Taba hewyalina, dika yo -yo banengo anamu wali-mu banjapandy hediyo, ha lakeda etu doy'mundi. Tutu -na doy' pahelu, hediyo e-nge taki wadihi namato ngarana Efraim mono Me-nase. ⁷ Halakonggu wali ela Padan-Aram, Rahel na mate ela tana Kanaan nja-na maroyo wali la Efrata. Hadana iyiya didoyaka pa heka huha wanggu. Yayo kutano nika anyono,lahingi lara arongo la Efrata(hene-ne patakingo Betlehem). ⁸ Menge, Israel naicehi haduyo ana kabanina Yu-suf. Israel wena, "Nggarani henge iyiya?" ⁹ Yusuf wena lambarana bapana, "Iyiya ha ananggu. Hediyo iyiya didoka ha ana-mu ene pawoy'na Maram-ba Alla lambaranggu ela Mesiro'" Israel wena, "Ngandi bahi-ka ha anamu lambarang-gu. Yayo tanna kupamari-ngi malalaya heme diyo." ¹⁰ Israel namalupuka mo -no hamatana a ghaworo-ka. Yusuf nangandihiki ha anana tukeya bapana. Isra-el na udoko hika mono na unggulo hika hediyo. ¹¹ Israel wena lambara-na Yusuf, "Yayo njaku han-daka baku pangadani ena yayo baku helu iceya rupa matamu walimu. Tapi iceba -kala! Maramba Alla nawo-longo baku ice habalinggu yoyo mono ha anamu." ¹² Yusuf natinguhi ha ana-na lapanu babana Israel mono diyo kawodo lahada-pana bapana. ¹³ Yusuf natayaka Efraim lakaraha kawanana mono Menase lakaraha kaley'nya Israel, mono Menase eni lakaraha kawanana. ¹⁴ Taba hewyalina, Israel napahembaloni halimya mono limya kawanana lapa -nu katakuna Efraim, a ana kamurina Yusuf. Mengeka, diyo natayaka limya kaley' nya lapanu katakuna Mena -se, ghalyoko Menase ana bondi nani. ¹⁵ Israel na-paamaringiya Yusuf mono wenani, "Yayo kuhambayanggu lam -barana Maramba Alla nala -yanoni ene ha ambu nuhi-nggu, Abraham mono Is-hak; lambarana Maramba Alla na Dagha-kandighu lapa iyi -ya loddona, ¹⁶ Malekoto nandoli ka-hukog nangga yayo wali la mbunako, pakanuru kigha ha ana mo-ne ihiha. Tanaka liya hediyo ngara atoyo na apeya nga-ranggu mono ngarana ambu nuhi-ma yama, Abraham mono Ishak. Yayo kuhambayani tanaka apanu tana napanuya wuy' wallana hediyo." ¹⁷ Yusuf naiceya bapana nabandaloya limya kawana -na lapanu katakuna Efra-im. Yusuf njana ndahaka a-tena tutuna etuwayo. Yusuf nataranika halimyana bapa -na tanna alimyana wali la katakuna Efraim ela kataku -na Menase. ¹⁸ Yusuf we-na lambarana bapana, "Ba-pa, alimya kawanamu eni lalakeda nahala. Menase dika ana bondinggu. Tay'ba -yaka limya kawanamu la-panuna." ¹⁹ Hejomonaka, abapana natularoni mono wena, "Ya -yo kupegheni, Ana. Yayo kupegheni. Menase ana bo -ndimuni. Diyo eme naboko -lo mono bpaya nadanga to -yo. Taba hewyalina, Efraim napa ari enga rehinya da-nga walingo ladiyo. Mono, wuy'wallana Efraimo narehi pango bokolo." ²⁰ Menge, Israel napari-ngi malalaya hediyo ene lo-ddona netu. Diyo wena, "Umatona Israel eme napa -keya ngaramu nggeni hedi -yo napamaringi malalaya atoyo. Hediyo eme wedaka, "Hebyangoka Maramba Alla napadadinggu nameraya Efraim mono Menase."' Hejonaka Israel bana rawi-ni Efraim rehi bokolo wali ela Menase. ²¹ Mengewali, Israel we-nani lambarana Yusuf, "Ha-mataro banika, loddo mate -nggu natukeka, tapi Mara-mba Alla enga ohunanggu-mi. Diyo eme nangandi ha-balinggumi ela tana ambu nuhimi. ²² Yayo kuwoy' nggumi lambarami tanggu -mi narehi bokolo wali pa-ngo ene hadungo kambu-mu, didoka loda pada pade -kenggu lahaberongo wa-ngo teko mono pana wali la ngara toy' Amori."