¹ Ene wulla kalamba ela Kanaan, Yakub napegheni ela Mesir engo parena. Ma-ka, Yakub wenandi lambara -da ngara ha anana, "Pena ghica bata lo-londo moka iyiya njango padeke papa-yo pangu? ² Yayo kuro-ngoya engo gandumo pa hamahango ela Mesiro. Ti-byaka anyono lakahi pare tanna ghica tamopiro wa-ngo mono amba tamate." ³ Maka, hakambulu ha dungo kambuna Yusuf otu ndika la Mesiro lakahi mu-yo. ⁴ Yakub njana patum-bani Benyamin marenge dengendi hediyo. Torana, Benyamin nahawuyo du-ngo kambu ledena Yusuf. Yakub nakambohini bane-ngo nmbunako nadadi lam -barana Benyamin. ⁵ Kalamba ndobatana he- ka lorina ela tana Kanaano, maka danga toyo wali la Ka -naan otuni la Mesiro bana lakahi muyo. Landongada hediyo didoka haanana Is-rael. ⁶ Yusuf didoka gubernur Mesir rapana netu. Diyaka nakamihihi pahamahango hagandumo lambarana ngara atoyo namaiyo ela Mesir. Ngara hadungo kam -buna emindi lambarana mono akawodo lahadapa-na. ⁷ Yusuf nahandoy'hiki ngara hadungo kambuna mono natandahi hediyo, ta-pi diyo njana hapeghe ngo-ngowuy'na lambarada. Di-yo napahada kaharondi e-ne bana paneghe dengeni lambarada hediyo. Wenan-di, "Nggeka pawalimi yemi?" Hediyo apawalaho, "Yama namayo wali latana Kanaan. Yama maiyo iyiya mikahi mani muyo." ⁸ Yusuf natandahi hadu-ngo kambuna, tapi hediyo njan' pegheni banggarani diyo. ⁹ Mengeka, Yusufpo na apeka amangganipinya e-ne diyo parahana tutuda hadungo kambuna. Yusuf wenandi, "Yemi mai-yo inja kahi muni muyo! Yemi ene ana kolongo ghu-mi. Yemi maiyo tutu mipe-ghemuni ahamallima ya-ma. ¹⁰ Tapi dimoka, ngara ha dungo kambuna wena lam-baranda, "Njado, Mori, ya-ma maiyo nggabango ata-mu. Yama maiyo dimoka mikahi muyo. ¹¹ Yama ngarakehe mapadungo ka-mbungo- yama ngara kehe ana nanggama hawuy' ba-pa ghama. Yama toy' luru-ho ghama mono eme ngga -ma dimoka tutu mikahi muyo." ¹² Dimoka, Yusf wenandi hediyo, "Njado, yama bama eme nggama inja mata-ma -ta ghama yama!" ¹³ Hediyo wedaka, "Nja-dokiyo Mori, yama eme ga-ma nggabango atamu wali tana Kanaan. Yama ngara kehe mapa dungo kambu-ngo, ana wali la hawuy' ba-pa ghama. Yama hakambu-lu duyo napa dungo kambu -ngo. Dungo kambuma na katappama eni nalondo de-ngeni abapama, mono adu -ngo kambuna nahaiha ndoli mate naka." ¹⁴ Tapi dimoka, Yusuf we -na lambarada hediyo, "Nja -do! Yayo kuice payaka geni apa yayo naghene. Yemi a-na kolongo ghumi. ¹⁵ Dimoka, yayo ene ku-pakaloko nggumi tandana bana henya patakimi. Nga-rana Firaun yayo kuharo ge -ni yayo banjaku pahalaghu -mi yemi halako banjaku ice payaka ari kamurimi e-mini iyiya. ¹⁶ Nahatoyo wali layemi dika nabali habalini langale -ya akamurimi, hahawade-ko yi'a pandika langgalu ka -pandu. Hepyangoka netu, yama mangole tandana pa-ya ene yemi papaneghemi apa naghene ndewena nja-do. Hengo yemi boleto, nga -rana Firaun, yayo kuharo geni yemi ana kolongghu-mi." ¹⁷ Mengeka, Yusuf napatama ndika hediyo la nggalu kapandu dalo ene na tallu loddo. Huhana Kawungangoka ¹⁸ Langangoka tallu lod-do. Yusuf wenandika hedi-yo, "Yayo iyiya toyo nakam-bohini ene Maramba Alla. Palaku bayaka iyiya, mono yayo apa kupakaloko nggu -mi yemi mopiro. ¹⁹ He-ngo yemi ba toy' hingiro do -ghumi, nahatoyo wali laye -mi kutahani lagallu kapan-du, mono hahawadeko otu bandika ngandi muyo bali la loledemi. ²⁰ Dimoka, yemi nduka ngandimuni ari kamurimi iyiya lambarang-gu. Maka, yayo apa kupe-ghenggumi yemi ene pata-kimi naghene, mono banja-do nduka mate munika." Hediyo awawaka ²¹ Hediyo wedaka baha toy'-toy'hi, "Ghic ahukumo-ndaka tutu parawi manga-wuy'nda ghica bata bokolo-ni lambarana dungo kam-bunda ghica, Yusufpo. Ghi- taiceyaka ela kahahinda. Diyo nakarey'ca ghica tana pa tanggoharoya, tapi ghi-ca njata rongo kiya. Maka, henene ghica takahahika." ²² Menge, Ruben wena la -mbarada ehehe, "Yayo ang -ga wedonggu ghumi ambi palakuya ene nambunako lambarana a arimi netu, ta-pi yemi inja wawa rongo-gha yayo. Henene, ghica gheneka hukumo tutu ma -tena." ²³ Hediyo njan' pegheni ene Yusufpo bana hangga-loya papanegheda hediyo orona Yusufpo bana wango haloli paneghengo tutu pa-neghe dengendi lambara-da hediyo. ²⁴ Yusuf nama -ngatindi ngara baka ene pa hambaha-mbaha mono etu dibana wulupana hoyo. Maka, diyo namadikiro ha-bali ngoka mono namanda-la ndika ene koro paeha e-tu. Nggeni Yusufpo bana bali habalini nadekeka Si-meon mono napatannaya-ka menge hadungo kambu -na hawadeko ahamataro-ngoka. ²⁵ Yusuf wenaka lambarana ngara ha atana tanna paihindi hanggunida hediyo ene pare. Ngara ha dungo kambuna awoy'ngo -ka ndingi lambarana Yusuf tutu pakahi wada gandum, tapi diyo njana dekehi ha-ndingi netu. Diyo nabetindi -ka langguni daloda hedi-yo. Diyo wadi nawoy'di mu-yo ndalu lara ene papawaja ela ndalu lara lambarada hediyo. ²⁶ Maka, hediyo ahaboko -ndika hapareda ela kaledai -d mono a halakohika. ²⁷ Hudona netu, hediyo aha -ngahuka ela hawuy' pando -yo bamandahihi. Nahatoyo wali hediyo abunggeroka a ngguninda mono deke gan -dum tanggu ndarada. Di-moka, ela ngguni jalo netu, diyo naiceya andinginya! ²⁸ Diyo wenaka lambara du -ngo kambuna, "Harabani-ka! Iyiya yini ndingi tutu pa kahi wangoya pare. Nahato -yo nabetini ndingi netu ha-balini ela ngguni dalong-gu." Hediyo heka kambohi-daka. Hediyo wedaka baha toy'-toy'hi, "Payaka eme Ma -ramba Alla papalakuna la-mbaranda ghica?" Ha dungo kambuna Alapo-roya lambarana Yakub ²⁹ Hadungo kambuna ne -tu abalihika lambarana Ya-kubpo, bapada hediyo ela tana Kanaan. Hediyo apane -ghenika lambarana Yakub tutuna ngara baka etu na dadi. ³⁰ Hediyo wedaka, "Gubernur negeri netu na paneghengo kaharo ngga-ma lambarama yama. Diyo napalay'nggama yama iyi-ya ana kolongo! ³¹ Yama wemani lambarana, 'Yama toy' luruho ghama, inja ma-ta mata ghama. ³² Yama hakambulu duy' ghama na padungo kambungo, wali la hawuy' bapa ghama. Di-moka nahatoyo namandey' -ka bana mate, mono ari ka -murima na engana la Ka-naano.' ³³ Menge, gubernur ne-geri netu wena nggama ya -ma, 'Eni na hawuyo lara ta -ndana ene yemi batoy' hi-ngiro ghumi: Yi'banika na hatoyo dungo kambumi iyi-ya dengengga yayo. Ngan-di baka gandum lambara lo -ledemu. ³⁴ Dimoka, ngandi baya-ka adungo kambumu ene kamuri lambaranggu tana-ka yayo kupeghe nggumi yemi ba inja ana kolongo ghumi, tapi toy' hingiroghu -mi. Hengo yemi butakiya nahetoy' pinjana, yayo apa kupahalaya mono apa mbe -mboho kahi pare yila tana-ma yama." ³⁵ Malawengoka, hediyo kawungangoka deke pare wali langgunida hediyo, mo -no handaka ba hatoyo ato-bokoka ndingida langguni daloda. Nggeni hediyo mo-no abapada hediyo aicehi ndingi netu, hediyo ngara kehe a kambohi jaka. ³⁶ Yakub wena lambara-da, "Pena yemi mbeingyo yayo bana mbunga ngara kehe haananggu? Yusuf ndoli otunika. Simeon ndoli otunika. Mono, henene ye-mi mbeingo ngandiya Be-nyamin wadi?" ³⁷ Tapi Ruben wena lam-barana bapana, "Bapa, yo-yo pikongo buhamatehi ha-duyo ananggu hengo yayo banjaku ngandiya Benya-min baliya lambaramu. Wai -banggaka lambaranggu! Yayo eme kungandi habali-ni lambaramu." ³⁸ Tapi Yakub wena, "Ya-yo njaku pakalokoni Benya -min otu marengeni. Du-ngo kambuna ndoli mate-naka mono nduka nanika diyo anana nayi'panika wa -li ariweinggu, Rahel. Dika banengoka papayo nadadi lambarana landalu lara da-lo otu la mesir, hadana ne-tu eme wolo mungga yayo na ndoli malupunggu iyiya nahurukoni rate baku mbu -kuto."