¹ Napa iha loddongo, Di-na anana Lea mono Yakub aloho ba kahara-harango waricoyo ela pandoy'ngo netu. ² Diyo naiceyaka e-la Sikhem, anana Hamar toy' Hewi nakawahaya loda netu. Sikhem nangandiya-ka Dina mono amanggay' dengenika. ³ Dimoka, atena Sikhem heka manawaro nanika Dina, maka nakanabuka ambeinyani alakara netu. Si -khem napalohoyaka ihi atena lambarana lakara netu. ⁴ Sikhem wenaka lamba-rana bapana, "Tulungga dekeya awaricoyo iyiya ta-naka yayo kunika dengeni." ⁵ Yakubpo napegheni ene Sikhem bandoli padi-ryakoka Dina, anana. Dimo-ka, ngara ha ana tengero hendi lamarada dagha nga -ra ha-harangada, maka di-yo njan' rawingo papayo pa -rapango ba balihi. ⁶ Mengeka, bapana Sik-hem, Hamor, otunika lato-bokoya Yakub tanna pane-ghe wani tutuna Dina. ⁷ Menge ngara haanana Yakubpo arongoyaka aliyo tutuna Dina, hediyo wadi abalihika wali lamarada mo -no heka mbani daka orona Sikhem bandoli hamekeya-ka Israel bamalingo denge-ni ana minyena Yakub tora hadana njana lakango para -wija. ⁸ Taba hewyalina, Hamor wenandi lambarada hedi-yo, "Atena Sikhem ndoli ma -ngguna dengenika Dina. Pawali banika Sikhem na-deke bayaka bana ariweini. ⁹ Mabika ghica tapa ape wuy'bandaka. Pakaloko bandika ana mi-nyemu lambarama yama mono yama eme mawoy'hi haana waricoy'ma yama la mbaramu. ¹⁰ Tanaka he-ngo, yemi namapikongo bu olenggama yama, mono yi-ya loda pada namabungge-ro tanggumi. Londo baka yi -la dalo, dangga bangoka, mono kaha bahika hahara-ngamu etu." ¹¹ Sikhemo wadi napane-ghe nika bapana mono ha lamonena Dina, "Hebango-ka yayo bumilla ate ngga-ka, yayo enga palaku nggu-ni ngara baka etu ene yoyo pakambu atemu. ¹² Karey'baka lambarang -gu walli piri henya danga-na ene yoyo pakarey'mu mono yayo kuwoy'nggumi lambaramu namato ene pa karey'mi. Dika, woy'nggani a lakarra netu tana ku ari-weini." ¹³ Orona lawinye-da hediyo ndoli hambango dengenika, ngara haana ka -banina Yakubpo awalaho-ya Sikhem mono Hamor wangoka akalo tipuda. ¹⁴ Weda hediyo, "Yama njana mapikongo palakuya; yama njama harakani lawi-nyema lambarana kabani njana sunato torana hada-na netu madirakoka yama. ¹⁵ Yama ene mawoy'ngo kalongga dika patana iyiya yoyo buwawa doyo: yoyo diyaka mera pango yama basunato ngara hakabani na endi lambarama yama. ¹⁶ Dika bahenyak, ngara atoy'mu nakolengo nika de -ngeni ana minyema yama wali kabokeloma yama, mo -no ngara toyo layama nani -ka dengeni ha waricoyo wali kabokelomi yemi ma-ka ghica talondo pahawuy'- ngo mono hawuy' bangsa-nda. ¹⁷ Taba hewyalina, he-ngo yemi inja sunatoka, ya-ma mangandiyaka Dina mo -no mabali ghamaka." ¹⁸ Patana netu nandaha bana pangadani Hamor mo -no Sikhem, anana. ¹⁹ Alakeda mone netu, di doyaka parehi pahamboto-na bapana, njana helu tun-da yaka rahi bapaghilini o-ronaka baheka mbeinyani ana minyena Yakubpo. ²⁰ Maka,Hamor mono Si-khem otu ndika lambala bi-nya kota hediyo apaneghe nika lambarada hakabani els kota netu. ²¹ Ngara atoyo iyiya mbe -ngo kanduy' dengenda ghi -ca. Oronaka netu, pawali bandika hediyo alondo de-ngenda yila negerinda ghi-ca mono adanggango iyiya torana loda pada iyiya natu -tu dialona tangguda hedi-yo. Tanaka ghica tadeke a-na minyeda hediyo taariwei -ngo ghica, mono haana mi -nyenda ghica lambarada hediyo. ²² Dimoka, yini patana e-ne pakarey'ja ngara atoyo etu tanna tamopiro paha-wuy' dengendi ghica mono hawuy' bangsa taka: ngara baka akabani wali laghica nduka sunato pango mera hengo hediyo. ²³ Inja he- wajongo harangada, hado-yo, ngara haharangada he- diyo hahawadeko enga doy'ndandi ghica? Maka, mabika ghica tata o'oni pa-tada hediyo tanaka hediyo engada balondo dengenda ghica." ²⁴ Ngarabaka hakabani naloho wali mbala binyana kota netu a wawa dengeni-ka Hamor mono Sikhem, a-nana. Maka, ngara hakaba -ni kota etu a sunatoka, ngara naloho wali mbala bi -nya kota netu. ²⁵ Tallu lo -ddo wali nyaka, ngara toyo ene pandoli sunato etu e-nga pada bahaddu. Duyo wali anana Yakub, Simeon mono Lewi, apeghengo he-diyo arapana etu enga ha-malli padaka. Maka, hediyo hotu ndika ela kota mono a hamate hika Hamor mono anana, Sikhem. Menge wali -ka hediyo angandiyaka Di-na loho wali laumana Si-khem mono ahalakoka. ²⁷ Haanana Yakubpo ho-tundika lakota akedu ndi-ka ngara baka etu ene na eni anyene orona paya pa ndoli pawolo rawimya Sik-hem lambarana lawinyeda hediyo. ²⁸ Maka, ngara haanana Yakubpo angandi kehehika haharangada ehe -he mono ngara baka etu hawadekongo naengo ihi-nya kota mono amango. ²⁹ Hediyo angandi ngara ke -hehika ngara baka adoy'na ngara atoyo netu. Menge wadi hediyo angandi wadi-hika ngara haariweija mo-no haanada hediyo. ³⁰ Taba hewyalina, Yakub wenani Simeon mono Lewi, "Yemi wolongoka parehi da -nga wanya huha tanggu-gu. Ngara atoyo lapandoy'- ngo iyiya enga muhu nang-gaka. Ngara toy' Kanaan mono toy' Feris akawaliko nggabangga yayo netu. Ghi -ca hakicolonda. Hengo ehe -he yila pando'ngo iyiya a-pa hawuy'ngoka nggaban-da ghica, yayo enga moho-ngguka. Mono, ngara kabo -kelonda namada paole de-ngenggak yayo." ³¹ Tapi Simeon mono Le-wi weda, "Pena ghica tapa-kalokondi ehehe barawini lawinyema hamerani pela-curo? Ehehe paghili danika hada na hala lambarana la-winyema yama!"