¹ Yakub nahamataro ngo -ka mono naiceya Esau ba-na mayo. Esau emeni dika na pato ngahu kabani. Ma-ka, Yakub nahabaghe ndika haloledena pato kabokelo. Lea mono haanana hawuy' kabokeloya, Rahel mono Yu -suf hawuy' kabokeloya, mono haduyo kaleku mbo-roda dika haanada hediyo duyo kabokelo. ² Yakubpo napaghenendi -ka haduyo kabokelo kale-ku mborona ela aro. Me-nge, Lea mono haanana la kabendoda hediyo. Rahel mono Yusuf kabokelo kan- dupuna. ³ Yakub mangawuyo na-halakoka lahadapada hedi -yo. Tengeroda diyo tarohi-ka halako arongo la Esau, diyo namokoka lapa udoko -ya tana hambitungo. ⁴ Hengo Esau naiceyaka Yakub, diyo napalayaka to-bokoya. Diyo nadepelo nika limyana ndapoya Yakub mono nandapo yaka koko-na mono naudoko yaka. Mengeka, hediyo hatoy' du -yo a hoy'ka. ⁵ Nggeni E-sau nakeketoya koba mata-na, diyo naicehiki hawarico -yo mono haanada. Diyo wenaka, "Nggarandika nga -ra hatoyo iyiya pamarenge -mu? Yakupo nawalahoya, "Hediyo didohiki haananda pawoy'na Maramba Alla la mbarana atamu iyiya." ⁶ Mengeka, duyo kaleku mborona Yakubpo mono ha anada hediyo otundika lambarana Esau. Hediyo a kawodonika. ⁷ Mengeka, Lea mono ha anana otundika ela Esau mono amoko wadinika. Patundungoka Rahel mono Yusuf otundika lambarana Esau mono amokoka. ⁸ Esau wenaka, "Payaka kambu atemu ngara kehe kabokelo ene natobokogha etu wayo?" Yakub nawalahoya, "Iyiya pawoy' ngguni lambaramu tanaka yoyo himbahi." ⁹ Dimoka, Esau wena, "Yo -yo inja dimoka buwoy'ke-hehi ngara pereheyo netu lambaranggu, dungo kam-bunggu. Yayo kupanggana -pango." ¹⁰ Yakub wenaka, "Nja-do, yayo kukarey'ghu lam-baramu! Hengo yoyo wali ateni buhimbagha yayo, hi -mba bahika pereheyo ene pawoy'nggughu. Yayo heka ndahana atenggu baku ice -ya habalini arupa matamu. Meraka baku iceya rupana Maramba Alla. Yayo heka manggaluronggu baku ice ghu buhimbagha yayo. ¹¹ Maka, yayo kukarey'ghu himbahi hapereheyo ene pawoy'nggughu. Yayo kuko -lengo narehi wali ene pa-wang'nggu." Oronaka Ya-kub nakareyo langatakaya tanaka Esau nahimbahi pereheyo netu, maka Esau nahimbahika. ¹² Mengeka, Esau wena-ka, "Henene, yemi pangalo -lobanika halakomi. Yayo ene ku halako ulunggumi -ka." ¹³ Dimoka, Yakub wenani lambarana, "Yoyo pegheni ha ananggu ahamali. Mo-no, yayo dika andangga wa -dipanggu ene hakababa harangnggu mono ha ana haranganggu netu. Hengo yayo baku pahahha ndika hediyo alli maroy'hi ene na haloddo, ngara haharanga enga mateda. ¹⁴ Maka, ahalako uluhika. Yayo eme kutundunggumi ngangare-nggu tanaka hapi mono ha haranganggu hahawadeko amopiro, mono haananggu njan' alli mbeghelo. Yayo kutobokoghu ela Seir." ¹⁵ Maka, Esau wenaka, "Dika bahenyaka, yayo ene kumandala nika napiri toy' nggu namarenggumi tan-na atulu nggumi." Taba hewyalina Yakub na-walahoya, "Yoyo heka nda-hanaka atemu lambarang-gu. Yoyo pawali bangoka bupalakoya hada hengo." ¹⁶ Maka, yiya loddona E-sau nakeddeka halako ha-balingo ela Seir. ¹⁷ Taba hewyalina, Yakubpo haotu nika ela Sukot. Anyene, diyo nadari nika uma tang-gu mangawuy'da mono nggaluda haharangana. To -ra naka etu, apandoy'ngo napangara nika Sukot. ¹⁸ Yakub napakandupu-yaka halakona wali la Pa-dan-Aram ela kota Sikhem, la Kanaan bana duki nda-ha. Diyo napandahaka ko-mbongona ela mango mba -ra kota. ¹⁹ Diyo nakahi-ka kalanda tana nawalingo hangahu malela amaho ka-ka nggabango pandoy' ko-mbongo nahawuyo lolede Hamor, bapana Sikhem. ²⁰ Diyo napakedeka nahawuyo altaro anyene tanggu hamboto Alla. Diyo napangara nika pandoy'-ngo netu "El Alla Israel."