Paulus Lahloko el Kota Roma ¹ Mengeke mbanna wotohoyo ebhenya yamma mbamma haloko el Italia, ndiyo ngarrakehe pakrakanniki Paulus monno enna ahwadikongngo totamma elgallu elbaranna lahtoyo perwira pasukan agustan, elgarangngo Yulius. ² Yamma ndetengngo el Kapallo walli ella Adramitium el lecca mbanna haloko laotu elpelabuhan ndanga el wemahi Asia. Yamma mbamma haloko a olemma Aristarkhus, toyo Makedonia walli ella Tesalonika. ³ Enna lodo walinnya, yamma mbamma ndukika el Sidon. Yulius monno Paulus eldaha ap olkededa pakharrawuda monno elwonni Paulus ellamatindi eh olkedena monno a uruho payaka ehperluna Paulus. ⁴ walli onno, yamma otugammaka monno haloko nomotoyo Siprus karna apringi elgabbani eplaotung. ⁵ Mengeke yamma mbamma haloko langani awemahi enna amlonna wemahi Kilikia monno Pamfilia, yamma ndukika el Mira el Likia. ⁶ Onnonno, enna perwira eltoboko lahwuyo a kapallo walli ella Aleksandria eltenggeren mbanna laotunna el Italia, moko ndiyo lapdikingamma yamma el kapal netu. ⁷ Yamma mbamma haloko lambat hodi elpiraya lodo, monno mamma huhah lantakka mbamma nduki el Knidus. Karna apringi janna ndadi engngeni yamma eb otunggamma rehi maroyo, yamma haloko nomotoyo wemahi Kreta el laotu tanjung Salmone. ⁸ Yamma lahloko langngani tanjung monno huha langtakka monno nduki ellahwuyo apdoyo elngarango Pelabuhan Indah, el onni elbarana Kota Lasea. ⁹ Karna yamma mamma peghinni elmuehengngo eldanga waktunna, monno hennenne, ahlokonno el wemahi elbahaya karna masa puahannani ato Yahudi ellangngangaka, Paulus lap apindi ndiyo ngarrakehe, ¹⁰ monno lapnegheng elbarada ndiyo ngarrakehe, " Ndungkambu ngarrakehe, yaya iceya mbanna haloko yiya andaganni enna aruhanna monno enna rugi bokolo, indimoko ehmotinnya monno akapallonno, ndimoko waddi enna hungotondo yica." ¹¹ Ndimoko, perwira netu elrehi wani elbarana nahkoda monno elmorinnya akapallo walli ella ebtakinna Paulus. ¹² Karna janna ndaha ebdoyo el pelabuhan enna wulla mringi, enna ahwadikongngo atodanga elpahwungo tanna otu haloko walli ella nonno monno ebhejaka ndiyo eldadi ebdukini Feniks, lahwuyo pelabuhanno el Kreta, el lahdapanna laotu el barat daya monno el barat wemahi, monno eldoyo enonno enna wulla mringi. Apringi lapghahi langtakka eldukinni akapallonno Paulus ¹³ Tenggeren apringi mbanna spoghi walli ella selatan, ndiyo ngarrakehe apngadanni mbanna ndiyo mengeke dukinni eppa kambu atitja. Ebhenyaka netu, ndiyo ngarrakehe atinguya enna jangkarro monno ahlokokoka el wemahi Kreta. ¹⁴ Ndimoko, janna ndeya ahmurinnya, apringi mereka topan, ebtakki Euroklidon, lapringi walli ella pulau netu. ¹⁵ Tenggeren a kapallommo yamma mbataya pringi monno janna makangoko mbanna hadapanni wiguronno, yamma mamma ndukkaka monno mamma pahallaya akapallommo yamma lamgedengoko. ¹⁶ Tenggeren yamma mbamma haguniko langngani a pulau katappa elngarangngo Kauda, hekhuhanna yamma mbamma berhasillo mbamma wandi enna sekoci kapallommo yamma. ¹⁷ Mengeke elngandiya a kapallo mbanna tinguhi sekodi elpannu kapallo, ndiyo ngarrakehe awango klorro penolongngo tanna lapghahi akapallo. Karna ndiyo akbohi lahangga ella Sirtis, ndiyo ahburindi eh alat ngarrakehenne akapallo sehinnga aphallahiki enna ehkapallodo ndiyo amgedengngo. ¹⁸ Enna loddo walinnya, karna yamma akedegamma pringi badai elpahbohingoyo langtakka, atodanga akwungoniki akpattingo pahboti elkapallo. ¹⁹ Monno, enna loddo ktalluna, ndiyo ngarrakehe akpatingoko alat ngarrakehe walli ella limma mengwuda kneheng. ²⁰ Karna mataloddo ato hamdunna jahundaka elpiraya loddo monno abadai janna katappaka elbaramma yamma, elmuehengoko enna harapannommo yamma tanna ahlamatagamma. ²¹ Karna hekdanganna atoyo elmengeke mbanna otinni amdennya monno jango anmuyo, Paulus eldende ellapduda ndiyo ngarrakehe monno lapneghengoko, " ndungkambu ngarrakehe, ebdipimoko yemmi elnomotoyo ebtakinggu monno indihaloko walli ella Kreta prapangngo indidukini enna hengo nenne angoleyo ruhanna monno aruginja hennene. ²² Ndimoko henenne, yaya kutulorrunggimmi yemmi tanna engdiyo ebtabah karna elbarammu jango elmuehengngo ahungngotonno, kecuali muehengngo ankapallo. ²³ Ndika, enna hudanna, enni amalaikattonno Maramba Allah, eldongga yaya monno yaya pakwodunggu, eldende lahdapanggu, ²⁴ tenggeren mbakku panegheng,' Ambukabohi, Paulus. Monno, icebaka, Maramba Allah mengeke pamnoworongngo elbarammu monno ngarrakehe atodanga ella lahko engngenggu.' ²⁵ Ebhenyaka, ndungkambu ngarrakehe, paghahinni a atimmu karna yaya wani enna Maramba Alla mbanna ngarrakehe eldadi mereke mbanna takkiganni elbaranggu. ²⁶ Ndimoko, yicca egnge terdamparando el lahwuyo a pulau." ²⁷ Ndimoko, enna huda hakbullu potonna, tenggeren yamma mbamma magedengo enna amlonna a wemahi Adria, amdennya hudanna, ngarrakehe awak kapallo akambu atingngo mbanna ndiyo ngarrakehe tenggered mbatukaya apannu tanna. ²⁸ Ndiyo ngarrakehe ahorongoko watu kambu atingo monno atobokoyoka amdattunna aweyo ndukku buluya depa. Tenggereda, ndiyo ngarrakehe mbakambu atinnni monno apeghenni amdattunna hakbullu limaya depa. ²⁹ Karna yamma kabohi ndoyo elwatu karang, ndiyo ngarrakehe ahburinni pottoya enna jangkarro walli ella buritan monno ahbango tanna loddo leccabaka mbanna dinjorrolodo. ³⁰ Ndimokko, tenggered ehpirracoyo awak kapallo mba berusahaya tanna aplayo ehpoltotda walli ella kapallo monno mengeke mbah burunni sekoci elwemahi monno moleto mburrinni ajangkarro walli ella haluanno, ³¹ Paul lapneghengoko elbarada perwira monno aprajuritonno," Ebhenyaka atodanga hennenne jadoyo eldodolonno akapallo, yoyo indingoleyo ahlamata." ³² Mengeke taetu, ngarrakehe aprajurito aktarrihi enne haklorro sekoci monno aphallahiki elwemahi. ³³ Tenggeren fajar mbanna duki, Paulus lakrejiki ndiyo ngarrakehe tanna adekihi enna ahwadikongngo ehmuyo, monno apneghengoko, " Yiya loddona ndidoyaka loddo hakbulu potto yoyo mbanna krohi emmu ella lamrandinya monno atahangngo klamba karna indimuyo mempangngu. ³⁴ Karna, yaya kukreyo tanna adeke walli ella pirraya pahmuyo tanggunna pahlamatawammu. Ndika, jango lahkayo alongge elmuehengngo walli elbarammu yoyo. " ³⁵ Mengeke mbanna takiya netu, Paulus eldekeya a roti monno lahbangoko elbaranna Maramba Alla lahdapadda ndiyo ngarrakehe, monno elmberihi eh roti, monno lakwungoni amuyo. ³⁶ Mokko, ndiyo ngarrakehe apghahindi atitja monno ndiyo ngarrakehe knehengo amuyo. ³⁷ Adangada yamma ngarrakehe el endi nonno eldolonno akapalo 276 toyo. ³⁸ Mengeke ebmuyo dukingngo mbahu, ndiyo ngarrakehe paleweka akapallo monno aletengngo gandum elwemahi. Kapal el Moho monno Ngarrakehe Penumpang Ahlamato ³⁹ Tenggeren mbanna dinjor loddo, ndiyo ngarrakehe japeghenni eb enni apannu tanna, ndimoko ndiyo ngarrakehe akharraniki lahwuyo ateluko elwemahi, ebdodda ndiyo awotohoko tanna abdikinni akapallo ennonno mbanna ndadi doyo. ⁴⁰ Moko, mengeke mba gheghunni a jangkarro, ndiyo ngarrakehe amdalanniki el wemahi ndolonno, monno enna waktunna elmereke, aphallahiki haklorro kemudi monno adetengngo layarro el lahrannya ahdapanna akapallo tanna apringi engnge ngandijandi ndiyo ngarrakehe elwemahi. ⁴¹ Ndimoko, akapallo eltobokoyo akarang ebdopap tobbokoda eldubuyo wemahi sehingga eldende akapallo. Haluan akapallo elpakangngo monno janna ndadi ahkudikonno, tenggeren buritonno akapallo mbanna moho karna laptaya abannu. ⁴² Ngarrakehe hakprajurito engngo apkambu atija tanna wunuya ngarrakehe totamma elgallu tanna jango toyo elngani monno laplaya apoltonna. ⁴³ Ndimoko, netu perwira, elbengngo tanna pahlamatahi Paulus, ahandanni enna ebkambu atitja. Ndiyo lapretehi tanna atodanga eldadi mbanna ngani tanna aklohoko ulu walli ella kapallo monno laotutda elpannu tanna. ⁴⁴ Monno, akrehidja endi elpannu kapamballo, ewedinni el wango alat hekenna walli ella kapallo. Moko henyaka, ngarrakehe atoyo eldukikka elpannu tana monno halamato.