Paulus Lahdapanna Raja Agripa ¹ Moko, Agripa lapneghengoko elbarana Paulus, " Yoyo papwongngo izinno paneghengo tutunna ahbelaya apoltoyo." Ahmurinnya, Paulus lapgholoroya alimmana monno lapneghenni enna pembelaannonno. ² " Ebhenyaka ngarrakehe ap etu paptuduh elbaranggu walli ella atodanga Yahudi, yaya kuanggapayo apoltonggu janna knurupongngo, Raja Agripa, ebhenyaka yaya eltakiya pembelaannunggu ellahdapammu yiya loddonno, khusus el yoyo ndidoyaka atoyo elghenne peghinni ngarrakehe ap etu eh biahangngo monno enna masalanno ngarrakehe ato Yahudi. Ebhenyaka netu, yaya lakreyo elbarammu tanna rongngoga yaya wango sabar. ⁴ Ngarrakehe ato Yahudi peghinni patta mopirronggu walli ella mbakku elkedemone, walli ella mbakku hamengenni mopironggu ellapnuna bangsanggu yaya el Yerusalem. ⁵ Ebhenyaka mengeya lamdeyo ndiyo ngarrakehe apeghinni tutunna apoltonggu yaya, ndika ehbeja, ndiyo ngarrakehe hakhiya mbanna mopironggu yaya mbanna mereke enna paknekenne enna klompok lakras walli ella agamanda yica, yaya mopirro mereke to Farisi. ⁶ Monno hennenne, yaya knehengngo el enni yiya tanna adilinggi tutunna enna pahbengngo monno paprahingngo epap dadinnya Maramba Allah elbarana ambu nuhinja yica. ⁷ Paprahingngo ndidoyaka enna pap harapappo walli ella hakbulu nduyo enna suku bangsanda yica eldukingngo, tenggered ndiyo mbak woddo elbarana Maramba Allah hetopinjanna dinjor lodo monno mbanna hudongo. Monno, ebhenyaka enna papharapadno monno yini paptuduna walli ella atodanga Yahudi, ya Raja. ⁸ Monno penhen yemmi eb anggapo mustahil mbanna Maramba Allah mbanna pakeketoyo ato mati? ⁹ Ebhenyaka ta etu, yaya knehengngo lap ngadani mbanna yaya elharusso plakuya eldanga eljanna benni a ngarana Yesus walli ella Nazaret. ¹⁰ Monno, ndidoyaka el yaya paplakunggu el Yerusalem. Yaya jakku bengo patammandi atodanga elkudus elgallu ndolonno, mengeke mbakku himbaya hakkunggu walli ella imam-imam kpalla, ndimoko waddi enne ndiyo ngarrakehe mbahukumundi mati, yaya lahtujuya. ¹¹ Menge, yaya engenna mbakku hukummundi ndiyo ngarrakehe ella ummba mbihanna monno kuberusahaya pahahanni ndiyo ngarrakehe tanna neneya. Monno, walli ellah abaninnya hekbokollonna lahdapadda ndiyo ngarrakehe, yaya elpakrihi ndiyo ngarrakehe, bahkan lundulappa elkota asing." Paulus Elceritra tutunna aktobokodda ndung Yesus ¹² Tanna enna maksudtonno waddi, yaya tenggeren engga el larra laotu el Damsyik, el engngo hakkana monno laptuguhondo walli ella imam-imam kpalla. ¹³ Enna dinjor loddona, ya Raja, lapdunna enna larra, yaya iceya enni amgohoko walli ella lakramba, elrehi amgohokonno walli ella mata lodo, enna mbanna mgohoko laklilingngonggo monno atodanga lahloko engngengga. ¹⁴ Mengeke, tenggeren yamma ngarrakehe mbamma ndobinni atana, yaya kurongngoyo enna akpokliyo eltakkiganni wango paneghe Ibrani, 'Saulus, Saulus, monpenna yoyo ebpakriga Yaya? huha yoyo tanna tandaya enna rahanna.' ¹⁵ Mengeke yaya kuklerin, ' Garranggu Yoyo, Morri?' Ahmurinnya, Miorri lapwohoko, ' Yaya Yesus, ebtenggeren mbu pakriya. ¹⁶ Ndimoko, keddebaka monno dendebaka wango witimmu. Ebhenyaka, Yaya mengeke mbakku phundonni apoltonggu elbarammu ndidoyaka pahdapangoyo yiya, tanna engdighu yoyo ebpelayanunggu monno hakhiya ebmenge eb icemmu, indidiwani tutunna yiya garrakehe paphundonggu elbarammu. ¹⁷ Yaya ndoyaka elpahlamatunggu walli ella bangsa yiya monno walli ella bangsa-bangsa hekenna, el ndiyo ngarrakehe yaya laptumbonggu, ¹⁸ tanna mbukereya amatatda ndiyo ngarrakehe tanna ndiyo ngarrakehe akwaliko walli ellakpandu laotu lamgohoko monno walli lakwuahanna amrapu indaha elbarana Maramba Allah tanna ndiyo ngarrakehe ahimbaya pengampunan eh ndoho ndanga monno himbaya tanggunna walli ella todanga epahmenge papkudusso walli ella atiwaja elbarang-Gu."" Paulus Eltakkijahaya Tutunna Papghilinnya ¹⁹ " Mokko, Raja Agripa, yaya indi perna mbakku wanni payaka pap icemmu el surgawi etu, ²⁰ ndimoko, enna akwungana, yaya lapdukinni elbarada ndiyo el enni el Damsyik, mengeke el Yerusalem monno el ngarrakehe wilayah Yudea, waddi elbangsa-bangsa hekenna, mbanna ndiyo ngarrakehe tanna amghilla monno akwaliko elbarana Maramba Allah, monno applakuya enna ndaha ngarrakehe ap etu elmere amghilada ndiyo. ²¹ Ndidoyaka, atodanga Yahudi ebdonggolunggu el Umma Mbihana Maramba Allah monno enna berusahaya wunungga. ²² Lundulappa yiya loddona, yaya mengeke mbakku himbaya enna aptolongonno walli ella Maramba Allah tanna yaya kudende yiya monno kuhakhiya, elbaranna atodanga laktappa ato atobokollo monno jakku takki heke laphekenna, kecuali payaka ebtakinna walli ella ngarrakehe a nabi monno Musa tutunna eldadi, ²³ mbanna Kristus engkrina monno mbanna wango alasanno eldadi akwunganna mbanna detengngo walli ella tomati, Ndiyo el ngandiya aliya mgohoko, baik elbarada atodanga Yahudi ato elbaranna bangsa hekenna. " Paulus elberusaha Pwani Agripa ²⁴ Tenggeren Paulus mbanna padukinni tutunna ngarrakehe ap etu ella mbanna mbelaya, Festus eltakiyaka wango akpokliya elbokollo, " Paulus, yoyo angngaka! Enna apeghemmu elhekdangana ndidoka ebjapa waraswamu." ²⁵ Ndimoko, lapwolohoko Paulus, " El Mulia Festus, yaya jakku angnga, ndimoko yaya kubdukinni el ghenne monno ebtakinggu eltama ellapngadanga. ²⁶ Ndika, Raja peghinni ngarrakehe ap etu monno elbarana yaya waddi ebdotakkinggu wango brani. Ndika, yaya kubghahinni mbanna jango lahtoyo el enni walli ella tutunna ngarrakehe apyiya el loloho walli ella perhatianno karna yiya janna ndadi ellapdoyo lakwatiki. ²⁷ Raja Agripa, payaka yoyo ebwamu el ngarrakehe nabi? Yaya kupeghunggu papwamu." ²⁸ Raja Agripa eltakiyaka el Paulus, " Eltuka waktunna ellaktudillo, yoyo mengeke ebyakinnonggo yaya tanna ndadi to Kristen." ²⁹ Mengeke, lapwolohoko Paulus," Yaya lakreyo elbarana Maramba Allah tanna lecca ato lambato, indiwongo yoyo, ndimoko waddi ngarrakehe atoyo elrongngonggo yiya loddono, eldadi mereya apoltonggu, kecuali yiya ehrantai." ³⁰ Ahmurinnya, raja eldendeka. Henyaka waddi gubernur Bernike, monno ngarrakehe atoyo ellondo engendi ndiyo ngarrakehe. ³¹ Mengeke, tenggeren ndiyo mbamdallanni enna ruanganno, ndiyo apneghengoko lahtoyo monno lahwadikongngo, " Atoyo yiya janna plakuya payaka elpantasso bandinginni enna hukuman mati ato elgallu." ³² Mokko, Agripa lapnegheng elbaranna Festus, " Yiya atoyo mengeke mbaplohohi ebhenjaka ndiyo mbadeteng elbanding elbarana Kaisar."