Paulus Lakreyo Otu Lahdapanna Kaisar ¹ Tallu lodo walinnya, Festus elduki el Provinsi, menge ndiyo otinni walli Kaisarea el Yerusalem. ² Imam-imam kpalla monno ngarrakehe aktakku Yahudi agabbani Paulus, monno ndiyo ngarrakehe aphahani Festus, ³ tenggeren mbakreyo ihi atinnya elbarada ndiyo ngarrakehe aptumbondi atodanga ngandiya Paulus el Yerusalem, menge ndiyo ngarrakehe akambu atinni eljanna ndaha tanna awunuya Paulus ellapduna alarra. ⁴ Lapwoloho Festus monno Paulus engdiya mbanna amtahanga el Kaisarea monno mbanna ndiyo knehengo el eminni ennono lecca. ⁵ ", wenaka, " Hobanaka ngarrakehe aktakku elbarammu yemmi burru ennono olengggu, monno eb engoko hodi walli ella lahtoyo yemmi, hobanaka ndiyo ngarrakehe lakreyo pahahango lahdapada ndiyo ngarrakehe." ⁶ Menge Festus eldoyo elbarada ndiyo ngarrakehe janna rehi walli ella panda poto ato hakbululoddo, ndiyo elbaliya ella Kaisarea. Menge, mereh alodono, ndiyo lodo ellak krohi pengandilanno monno lapretehi tanna ngandiya Paulus ella lahdapadda. ⁷ Tenggeren Paulus dukikka, atodanga Yahudi el burru walli ella Yerusalem adende akleleya, monno akreyo tuduhan mboleto gabbani Paulus, eb jappa makkada mbaphundoni abuktinna. ⁸ Tenggeren netu, Paulus lapdukinni pembelaannono, " Yaya jakku paghilinni elhalla pabaka enna apgabbanga, el Hukum Taurat Yahudi, Umma Mbihanna Maramba Allah, ato Kaisar." ⁹ Ndimoko, eb bengoko pandahaya a atinnya atodanga Yahudi, Festus lapneghengoko elbarana Paulus, " Payaka yemmi elbengo ndetengo el Yerusalem monno a adiligimmi lahdapanggu walli ella takkidikkijakada yiya?" ¹⁰ Ndimokko, Paulus lapneghengo, " Yaya tenggeren mbakku dende lahdapanna enna pengadilan Kaisar, ebdonna yaya mba adililonggo. Yaya jakku halla payaka ellahdapadda atodanga Yahudi mereke yemmi knehengo elpeghe. ¹¹ Ebhenyaka, yaya elhalla monno lapghilinni el janna ghenne elghenneke mbahukumonggo mati, yaya indi kabanni palaya apoltoyo walli ellah hukumanno mati. Ndimoko, ebhenyaka limoleto walli ella ndiyo ngarrakehe ellahdapanggu janna ghenne, indi engngo lahtoyo eldadi pahrakongngo elyaya lahdapadda ndiyo ngarrakehe. Mokko, yaya lakreyo ndetengngo banding el Kaisar." ¹² Ahmurinnya, menge Festus elrunding engenni Sanhedrin, ndiyo elwolohoyo, " Yemmi mengeke ebdetengo elbanding elbatrana Kaisar, mokko elbarana Kaisar yemmi enge otugummi." Festus laklerengo elbarana Raja Agripa Tutunna Paulus ¹³ Mengeke elpiriya alodo el langanga, Raja Agripa monno Bernike elduki el Kaisarea tutunna awonna pa akango elbarana Festus. ¹⁴ Tenggeren ndiyo ngarrakehe andoyo ennonno elpiraya loddo, Festus eltakiya tutunna kasussonno Paulus elbarana raja, wenaka, " Enni lahtoyo eldoyo mereke totamma elgallu el Feliks. ¹⁵ Ebhenyaka yaya engga el Yerusalem, imam-imam kpalla monno eh tommo tuyo Yahudi apdukinni aliyo abgabanga monno akreyo ndiyo hukumminni. ¹⁶ Yaya elwolohoyo ndiyo ngarrakehe mbanna indihennya ehbiahango enna atoyo Roma tutunna pakrakanni lahtoyo sebelommo mbatuduya ebtobokongngo el toptudu, arupanna monno arupanna, monno ndiyo awonni kesempatanno tanna lapdaha pembelaanno ellahdapanna atuduhanno anetu. ¹⁷ Mokko, tenggered ndiyo mba emindi amkaha yiya, yaya jakki tundaya yiya kasusso, ndimoko mereh alodonno, yaya lodo el lakrohi pengadilanno monno lappretehi tanna atoyo netu angandiya lahdapanggu. ¹⁸ Ndimoko ngarrakehe atotuduh eldende, ndiyo ngarrakehe jappandukinni atuduhanno el indaha mereke eh pahabayanggu. ¹⁹ Ndimoko, ndiyo ngarrakehe ndipimoko ebdodda hodi pappa wangoyo atoyo tutunna a agamada ndiyo ngarrakehe knehengo elngaranna Yesus, elmati, monno Paulus lap ghahinni mbanna ndiyo mopirro. ²⁰ Ebhenyaka yaya bingungngo penwengoko mbakku pareheya ngarrakehe yiyo, yaya kuklerengngo payaka ndiyo ehbennya otinni el Yerusalem monno a adiliya ennono tanna a kasusso yiya. ²¹ Ndimoko, Tenggeren Paulus mbanna detengo elbanding tanna atahanni monno amaganni ebwotohonno Kaisar, yaya lapretehi tanna ndiyo engtahadani lundulappa mbap pangandini elbaranna Kaisar." ²² Mengeke, Agripa lapnegehen elbarana Festus, "Yaya waddi bengngo rongngoyo ndiyo knehengngo. " " Mereho Festus lapneghengoko, " Yoyo engnge rongngomunni. " ²³ Moko, enna lodona pahdapanna, Agripa monno Bernike eminni ella ngarrakehe ndahanna monno eltama elruang pengadilanno mrengnge ngarrakehe pasukanno militer monno ngarrakehe aktakkunna kota netu. Ahmurinnya, mereke appretenna Festus, Paulus a ngandiya tama. ²⁴ Festus lapnegheng, "Raja Agripa monno ngarrakehe el enni el olenggamma yamma yiya. Icabaka yiya atoyo, epak rennya ngarrakehe atoyo Yahudi elbaranggu, elndaha el enni el Yerusalem monno el enni yiya, wango kyokongngo monno yiya atoyo janna ndadi amopironno ndeyo. ²⁵ Ndimoko, yaya tobokoyo mbanna ndiyo janna plakuya payaka elmere hukumanno mati. Monno, ndiyo eldetengngo banding elbarana El Mulia, yaya elwotohoyo tanna abngandinni elbaranna Kaisar. ²⁶ Ndimoko, yaya jango papndonggu elpasti papturoho elbarana ndiyo. Ebhenyaka hennenne, yaya mengeke mbakku ngandiya yiya atoyo lahdapammu ngarrakehe, monno waddi lahdapammu yoyo, Raja Agripa. Ebhenyaka ta anetu, mengeke mbakku preheya yiya el enni, yaya enni hodi papturohunggu. ²⁷ Ndika, eb janna tamaka el akallonggu tanna pangandini lahtoyo elgallu eb indi engoyo tuduhannono ella jelasso elbarana."