Paulus el Pulau Malta ¹ Mengeke yamma mbamma langanni halamato, yamma el peghinni mbanna enna pulau ebtakki Malta. ² Enna to asli pulau laphundonni ndaha atidja langtakkada. Ndika, ndiyo ngarrakehe aplerukko api monno ahimbagamma yamma ngarrakehe karna enna akwungana mbanna urra monno udara mbanna mringi. ³ Tenggeren Paulus mbanna kahahi enna hakranggada monno ambolohi elpannu api, lah iha amlologho mbani elloho karna hekbonohonno menge paklele wunaka ellimana Paulus. ⁴ Tenggered eh tolodo asli iceya hahranga mbani mbamterengo ellimana Paulus, ndiyo ahwadikongngo apneghengoko engendiki ehtoheke wadi, " Jappa ragu walingoko, yiya atoyo ndidoyaka topwunu. Hejomonoka ndiyo mbana halamato walli elwemahi, enna keadilanno janna pahhalaya amopirro." ⁵ Ndimoko, Paulus laphalahi enna hahrangnga mbani el api ndolo monno ndiyo janna manugha memepangngu. ⁶ Atodanga ellappangadani Paulus elbakka ato lakbutuku monno elmatika weda. Ndimoko, menge ndiyo amdennya mbanna magangnga monno janna iceya hodi elhala eldadi elbarana, ndiyo laphekangoko apngadana monno eltakiyaka mbanna Paulus ndidoyaka a dewa. ⁷ Enna pahdapangngo, elsekitarronno apdoyo, enni tanna adonna akpalla nena Pulau elngarango Publius, elhimbagamma yamma monno eljamunggama hekdahana eltaluya loddo. ⁸ Enna waktunna, mbapanna Publius lamdurru ellapdommo ndurrungngo karna lamrendukko monno elhoborrongngo. Paulus el emini lamatanna monno lahbani, menge elmboti limanna ellaktakkuna enna atoyo monno eltonggohoko . ⁹ Mengeke eldadi, atodanga ahwadikongngo el pulau wadi eltenggere hadduda emewadiki el Paulus monno laptonggohohiki. ¹⁰ Ndiyo ngarrakehe wadi hekpa akadanggammaka yamma monno tenggeren yamma mbamma handiyo haloko, ndiyo ngarrakehe ahdihiki epahbutumma yamma. Paulus Laotunna el Kota Roma ¹¹ Mengeke tallu wulla lampalangnganga, yamma mbamma halokoko elkapalla walli ella Aleksandria, ellahloko el pulau amdennya wulla mringi elwango Dioskuri enna lambangngonno. ¹² Mengeke mbanna nduki el Sirakusa, yamma ndoyo nonno tallu lodo. ¹³ Walli nyonno, yamma haloko laotu elwemahi monno nduki el Regium. Mereho lodona, apringi selatan laprupungo, monno enna loddowalinya, yamma nduki el Putioli. ¹⁴ Enonno, yamma mbamma tobokihi ehndungkambu atiwayo monno tanna adoyo engendi ndiyo ngarrakehe selama pitu loddo. Menge, yamma otunggamaka el Roma. ¹⁵ Monno, eh ndungkambu atiwayo enonno, tenggered mbarongngogamma tutunna yamma, emenggama enonno lundulappa el Forum Apius monno Tres Taberne tanna atobokogamma yamma. Enna Paulus icehi ndiyo ngarrakehe, ndiyo elbersyukurro elbarana Maramba Allah monno atinnya lapghahi. Paulus el Kota Roma ¹⁶ Tenggeren yamma mbamma nduki el Roma, Paulus apaklokinni tanna eldoyo knehengngo, engendi enna aprajurito lahtoyo elkawalloyo. ¹⁷ Tallu loddo walinnya, Paulus elkahahiki akpalla Yahudi ellapdoyo, monno mengeke ndiyo ngarrakehe amkahaka, ndiyo eltakika elbarada ndiyo, " Ndungkambunna, hejomonoka yaya jakku plakuya payaka elgabani bangsanda yica ato adatondo eh ambunuhinja yica, ndimoko yaya pakrakandiki mereke totamma elgallu walli ella Yerusalem elbara limmana atodanga Roma. ¹⁸ Tenggered ndiyo ngarrakehe mengeke mbapprehengga, ndiyo ngarrakehe bengngo phallangga yaya karna jango alasanno tanna hukumanno matngga yaya. ¹⁹ Ndimoko, karna atodanga Yahudi jawawa, yaya mboto atika ndetengngo banding elbarana Kaisar, indi engngo wallinya yaya eb engngo tuduhanno tanna gabbani bangsanggu. ²⁰ Ndika, ndidoyaka ebhewana, yaya mengeke mbakku kreyo tanna icenggu monno apnegheng elbarammu karna yaya paptanna wango yiya rantai tutunna eh monnona Israel." ²¹ Mengeke, ndiyo ngarrakehe lapnegheng elbarana Paulus, " Yamma indihimbaya huroto tutummu walli ella Yudea monno jango lah iha walli ndungkambu atiwayo el eminni yiya tanna elwongngo liya ato eltakiyaka hodi eljanna ndaha tutummu. ²² Ndimoko, yamma mbengngo rongngoyo walli ella yoyo payaka ebtakimmu karna tutunna sekte yiya, yamma peghinni mbanna enni atodanga elgabbani." ²³ Tenggeren ndiyo ngarrakehe mengeke mbanna pendeya lahloddo tanna Paulus, ndiyo ngarrakehe emindi elbarana Paulus ellapdoyo pamdurungngo, marengngendi lahwuyo rombonganno atodanga. Walli kaphudda lundulappa hudanna, Paulus eltakkijahaya elbarada ndiyo ngarrakehe tutu hakhiya tutunna Kerajaannono Maramba Allah monno berusaha paghahinni ndiyo ngarrakehe tutunna Yesus, ndahanna walli ella Hukum Taurat Musa, ato enna hurotonno ngarrakehe eh nabi. ²⁴ Enna ahwadikongngo atoyo eldadi apghahinna walli ella payaka ebtakinna Paulus, ndimoko enna ahwadikongngo jabenni tutu wanni. ²⁵ Tenggeren ndiyo ngarrakehe jabenni lahwadikongngo atoyo, ndiyo ngarrakehe otindi mengeke Paulus mbantakiya yiya ebtakinna, " Henyaka mbanna nghenne payaka ebtakinna Ndewa Mbihana elbarana ambu nuhimmu walli ella Nabi Yesaya, ²⁶ ' Otinni elbarana yiya bangsa monno takibananniki: Yemmi elrongoyo, ndimoko janna pernah mbanna peghenni, monno yemmi el iceya, ndimoko indipernah eb mengertinni. ²⁷ Ndika, a atinnya yiya bangsa mengeke mbanna tebe monno enna roktillu mboto mbanna rongngoyo. Ndiyo ngarrakehe mengeke mbanna todiya amatanna. Tanna, amba iceya wango matatda ndiyo ngarrakehe, rongngoyo wango roktilluda ndiyo, mam peghinni wango atitja ndiyo ngarrakehe monno akwalikokok. Ahmurinnya, Yaya laptonggohohi ndiyo ngarrakehe.'Yesaya 6:9-10 ²⁸ Karna netu, hombanaka tutunna yiya yemmi pahpeghimmi mbanna ahlamato walli ella Maramba Allah mengeke mbanna takkiya elbarada bangsa-bangsa hekenna monno ndiyo ngarrakehe arongoyaka." ²⁹ [ Mengeke Paulus lapdukinni ebtakinna netu, ngarrakehe atodanga Yahudi otinni wango ndanga enna aphekenna apngadanga walli ella ndiyo ngarrakehe.] ³⁰ Paulus eldoyo amdennya nduyo andoyo eb enni el umma pakhewenna kneheng monno el himbaya ngarrakehe atodanga el eminni elbarana, ³¹ tenggeren mbanna padukinni liyo Kerajaannonno Maramba Allah monno paknekenni tutunna Miorri Yesus Kristus wango mbannu branni monno jango halangannono ngar ap etu. [[ayt.co/Kis]]