Paulus monno Silas el Kota Tesalonika ¹ Enna lodopahdapango, enne Paulus monno Silas menge mbalangi Amfipolis monno Apolonia, ndiyo adukika el Tesalonika, el engo umma mbihanna Yahudi. ² Menge, enne mbiahana Paulus, ndiyo eltama elbarada, monno enna tallu lodo sabat apneghengoko ndiyo walli ella Huroto Mbiha, ³ tenggeren mbatakiya monno awondi bukti ebhenya Kristus tanna lakriyo monno eldetengo walli eltomati, enne atakkiya, "Yiya Yesus, el tenggeren patdukinggu elbarammu, ndidoyaka Kritsus." ⁴ Menge, enna ahwadingoko walli ndiyo ngarrakehe wondi paghahi monno ahbolong engendi Paulus monno Silas, olendi ehtodanga Yunani akbohinni Maramba Allah monno indihodipidandi eh warcoyo dol oro. ⁵ Ndimoko, atoyo Yahudi aknoreke ati monno alekihiki enna pirra coyo indaha enne tukongo haloko ellapdo umummo, ndiyo ngarrakehe a kahahiki atodanga monno apndahaka indaha elkota, menge a serangniki enne ummana Yason tenggered mbakdabaya Paulus monno Silas tanna angandihya aloho el todanga. ⁶ Tenggered ndiyo mbatobokoyo Paulus monno Silas, ndiyo atinguya Yason monno eh pirracoyo ehndungkambu atiwayo ellahdapada ehtobokollo kota, menge akyokongo," Yiya atoyo, abkacaucoyo adunia, menge a emindi yiya. ⁷ Monno, Yason ahimbaya ndiyo ngarrakehe, monno ndiyo ngarrakehe aplakuya gabbani Hukum Kaisar monno atikaya enni tokko, ndidoyaka Yesus." ⁸ Atodanga monno ngarrakehe tobokollo el kota akbohiki mbarongoyo tutunna netu. ⁹ Monno, mengeke ndiyo ngarrakehe ahimbaya enna jaminanno walli Yason monno enna akweadingo, atodanga aphallahiki. Paulus monno Silas Otindi el Kota Berea ¹⁰ Ndungkambu Atiwayo leca aptumboni Paulus monno Silas, enna hudana, el Berea, monno tenggered ndiyo mbaduki, ndiyo a otindi el umma mbihana ato Yahudi. ¹¹ Ato Yahudi ennonno rehijaha ati walli ella atodanga el Tesalonika monno ndiyo ngarrakehe ahimbaya alinya Miorri enna semangata lantak, monno tengered mbakaharani enna Hurotu Mbiha ndeloko-ndeloko tanna apeghewani elghenne. ¹² Ebhenyaka, ndanga wali ndiyo awani, termasuko enna warcoyo monno kabani Yunani eldoro orro eljanna ndanga. ¹³ Ebhenyaka, enna atodanga Yahudi el Tesalonika apegehinni mbanna linnya Maramba Allah ebtakkida Paulus el Berea, ndiyo ngarrakehe weddi a otindi el Berea tanna akedindi monno tanna jakdanna atija atodanga. ¹⁴ Menge, alecaka, eh ndungkambun atiwayo aptumbonni Paulus otinni duki ella wemahi, ndimoko Silas monno Timotius engdoda enenne. ¹⁵ Atodanga el olenna Paulus angandiya nduki ella Atena, monno menege mbahimbaya liya walli Paulus tanna Silas monno Timotius lecca a emindi, ndiyo ngarrakehe Otindi. Paulus el kota Atena ¹⁶ Tenggeren Paulus mbanna magandi ndiyo walli ella Atena, ndewanna elrahaya huha elpoltonna mbanna icehi elkota mabannu mbipatung berhala. ¹⁷ Ndidoka, ndiyo paptukarra wana pangadanga el umma mbiha eh todanga walli ella bangsa hekenne lahbohinni Maramba Allah, monno eldonna a umummo, ndelokonno, eb endi atodanga nenne. ¹⁸ Ehpirra coyo topeghe pangadanga walli klompok Epikuros monno Stoa waddi apnegheng engeni. Monno, ehpircoyo atakiyaka," Payaka ebtakinna toboleto yiya?" Enna ahwadikong etakkiyaka, " Henyaka, ndiyo henenne ndidoyaka lahtoyo lapdukindi ehlija eh ndewa jahpegheng, " mbanna ndiyo lapdukinni alinya Yesus monno enna amkeketonno. ¹⁹ Menge, ndiyo ngarrakehe alekihi monno angandihi ella Areopagus, monno tenggeren Mbapnegheng, " Ndadi yamma mbampeghinni ehpakneken elbaru payaka elyoyo papdukimmu? ²⁰ Ndika, yoyo tenggeren ebngandihi enna ahwadingoko pamngoroh ndengengo roktillum yamma. Yamma mbengo peghinni payaka ehmaksudtummu tutunna ngarrakehe ab etu." ²¹ ( Enna netu, ngarrakehe atoyo Atena monno atodanga jahpeghen enna adoyo ennonno elbiahani hamengeni awaktuda ndiyo ngarrakehe monno japlakuya payaka ebtakida monno arongoyo elbaru. ) ²² Ndika, Paulus eldende elapduda Areopagus monno eltakiyaka," Hai atodanga Atena, yaya lakharani ngarkehe ap etu monno yemmi tokko agamamim. ²³ Ndimoko, enne yaya tenggeren mbakku klilingini monno kuharani eh papsembahbammi, yaya weddi kutobokoyo enna lahwuyo a altara lamturuho yiya, ' ELBARANA ALLAH JAHAPEGHENG.' Ebhenyaka, payaka yemmi papsembahmbammi eb indi peghenni, ndidoyaka ebtakinggu elbaramu. ²⁴ Maramba Allah lapdadiya apannu tana monno ngarrakehe el enni eldolonno, mbanna Ndiyo ndidoyaka Miorri akramba monno apannutana, janna ndoyo el ndodollon enne hakreke papdahana limma topiya, ²⁵ ndiyo weddi janna layanni walli ella limana topiya, ndiyo ranggaka benyani enne hodi walli el Ndiyo kneheng monno awonni elbarada apgarrabaniki elmopirro, monno ahungoto, monno ngarkehe ap etu. ²⁶ Monno, Ndiyo lapdadiya, walli ellahtoyo, ngarrakehe abangsa umata topiya tanna adoyo el pannu tanna yiya, menge eb engdihi musim-musimmo monno ebdodukkana ebdomopirroddo ndiyo, ²⁷ tanna ndiyo akdabahi Maramba Allah, monno ebhenyaka ndiyo ngarrakehe angoleya atodoyo monno atobokoyo Miorri ebhennya Ndiyo janna maroyo walli ella yica ngarrakehe. ²⁸ Nimoko, eldolonno Ndiyo, yica mopirro, ahguniki, monno enni. Ayub 12 : 10 Merek weddi pujangga-pujanggamu kneheng eltaki, ' Ebyica weddi henenne ndidoyaka walmurin-Nya.' ²⁹ Ebhenyaka, yica ndidoka walmurinnya Maramba Allah, yica ndika janna pangadani monno keadaannonno Ilahi mereke ndoka, ato Perak, ato watu, lahmeremwuna papdadinnya walli ella papghilinna monno papngadana topiya. ³⁰ Ebhenyonaka, menge mbaphallahi enne loddo pakbangnga angengoya, hennene Maramba Allah atakiya ngarrakeheni enna atoyo ndanga ebdongarrakehen tanna lamghilla, ³¹ mbanna Ndiyo menge mbanna pendeya enna loddo monno ndiyo tanna elhakimini patannu tana eldolonnono elghenne walli ella lahtoyo elmenge pahpende-Na, menge Ndiyo elwonni buktinno elbarana ngarrakehe atodanga elkeketoyo Atoyo netu walli ella tomati." ³² Monno, ndiyo ngarrakehe arongoyo tutunna a Ndetonno walli ella tomati, enna pirracoyo ellakwungoni neneya, ndimoko enne ahwadingoko atakiyaka," Yamma mbengo rongogum yemmi tutunna yiya." ³³ Mokko, Paulus otinni walli ella lapduda ndiyo ngarrakehe. ³⁴ Ndimokko, enna ahwadikongo atoyo ahbolongoko elbarana monno enne waniki, ewedinni Dionisius, olenna Areopagus, monno lahtoyo warcoyo elngarango Damaris, monno enna ahwadikongo atoheke el oleda ndiyo.