Timotius El olenni Paulus monno Silas ¹ Paulus weddi el emenni el Derbe monno Listra. Monno, icebaka enni lahtoyo muriconno ennonno, ngarana Timotius, ana walli ella lahtoyo warecoyo Yahudi el menge wanni, ndimoko a bapanna walli ella toyo Yunani. ² Ndiyo apeghenni ndaha eh ndungkambu atiwayo el Listra monno Ikonium. ³ Paulus elbengo Timotius otinni engeni, monno ndiyo el lekeya monno tanna sunataya walli atoyo Yahudi eldoyo elkalbatu nonno. Ndika, ndiyo ngarrakehe apeghenni monno a mbapanna walli ella Yunani. ⁴ Tenggered ndiyo ngarrakehe mbah loko langngani eh kotadanga, ndiyo apdukinni ketentuan-ketentuan tutunnna atoyo elwani tanna awani, eh menge papwotoho eh rasul ngarrakehe monno eh penatua el enni el Yerusalem. ⁵ Monno, eh jemaato papdende eldodolo walli atiwayo monno ajumladdo ndiyo lamtumbo ndeloko-ndeloko. Maramba Allah lakwulloni Paulus el Makedonia ⁶ Menge, ndiyo ngarrakehe otindi alangandi awilayah Frigia monno Galatia menge ahadinni walli Ndewa Mbihana tanna atkkiya linnya el Asia. ⁷ ebaduki el Misia, ndiyo ngarrakehe a berusaha otindi el Bitinia, ndimoko Ndewa Yesus janna bengngo ndiyo ngarrakehe. ⁸ Monno, menge mbalangani Misia, ndiyo aburru el Troas. ⁹ Enna pamnurrada elhunda elbarana Paulus enna hudanna. Lahtoyo walli el Makedonia tenggere dededa monno akreyo elbarana, wenaka, " ¹⁰ Menge Paulus mbanna Iceya amnurrana etu, yamma berusaha tanna malewer otu el Makedonia, menge pahwunniki ebhennya Maramba Allah menge mbakwullagamma yamma tanna mbampadukinni a Injillo elbarada ndiyo ngarrakehe. Amghiliana Lidia ¹¹ Ebhenyaka, menge mbakalete kapallo walli ella Troas, yamma langangaka el Samotrake, monno enna loddona otu el Neapolis, ¹² monno walli eja el Filipi, a kota ullu walli ella kalbatu Makedonia monno lahwuya kota jajahannonno Roma. Yamma eldoyo elkota pirraya alodo. ¹³ Menge, enna loddo Sabato, yamma otugamma ellaknellek mbinnya tamma kota laotu ella tillu lokoweyo, lapdoyo enne yamma mbamma pangadanga tanna ennonno engo pandoyo hambango. Monno, yamma lodo monno mamma pangheng engendi ehrawicoyo eltenggeren mbamkaha. ¹⁴ Lahtoyo waricoyo elngarango Lidia, walli elkota Tiatira, lahmahango kamba ungu pamlanguwongoyo Maramba Allah. Miorri elbungkereya atinya tanna lakharanga payaka Paulus paptakinna. ¹⁵ Monno, menge Lidia monno ngarrakehe atodanga eldoyo el ummana lap ihohiki, ndiyo lakreyo elbarama yamma, wenaka," Henyaka yoyo eb anggapangga yaya elwani lapghahi elbarana Miorri, eme mbamuku el ummanggu monno ndobaka ennonno." Monno, ndiyo laphahagamma yamma. Paulus monno Silas el Gallu ¹⁶ Tenggeren, yamma mbamma otugamma el lapdoyo pahbango, lahtoyo a ata warcoyo, eldongo ndewa pamnurruwongo eltobokogamma yamma. Ndiyo elngandi utudanga elbarana abohonno walli ella lamnurrana. ¹⁷ Enna warcoyo elnomotoyo Paulus monno yamma mamma kyokongoko, " Yiya atodanga atanna Maramba Allah lamdete akwuahanna, ellapdukinni lara pahlamatowamu!" ¹⁸ Ndiyo lakrohi aplakuya pirraya alodo. Paulus, elbani langtakka, lakwaliko monno lapneghengoko elbarana enne ndewa, " Yaya kupretenggu yoyo elngarana Kristus Yesus lohobaka walli ella ndiyo!" mengeke, enne ndewa lohhoko, nenne waddi. ¹⁹ Ndimoko, ngarrakehe eh bohonno iceya mbanna bengo ndiyo ngarrakehe wonni utu jangako, ngarrakehe adogolloko Paulus monno Silas, monno atinguka ngandiya ellap doyo umummo lahdapada enna kwuahaya. ²⁰ Monno, tengeren ndiyo mba ngandiya Paulus monno elbarada Hakim-hakim katakku, ndiyo ngarrakehe apneghengoko, " Yiya atoyo ndidohiki atoyo Yahudi monno tenggered mbap kacoyo yiya kotanda yica. ²¹ Ndiyo ngarrakehe papkenniki a adatto el janna ghenne elbaranda yica himbaya ato plakuya mereke toyo Roma." ²² atodanga elkedde kehe a gabbani Paulus monno Silas monno ngarrakehe eh hakim kota atirrokoyo hakhihida Paulus monno Silas, monno apretehiki ndiyo tanna paluhi ehtoduyo wandi tokko. ²³ Mengeke engepadda mbapaluhi Paulus monno Silas wango danga palu, ndiyo ngarrakehe agheghuhi elgallu ndollo monno apretihi el kattakku gallu tanna Paulus monno Silas adagindi ketattindi. ²⁴ Mengeke mba himbahi pretetda, ehhakkatakku gallu aptammadikki Paulus monno Silas el gallu ndollo monno aptannihi ehwitija ndiyo wango blenggu. ²⁵ Enna kira-kira amdehudda, Paulus monno Silas tenggero habaja monno alodo lodonni Maramba Allah, monno eh toyo el gallu dollo weddi arongohi ndiyo. ²⁶ Menge, radangoko eldadi agempa elbokollo monno apondahi lamgedengoko. Monno, radangoko ngarrakehe eh mbinnya monno enna blenggu ngarrakehe atoyo elgallu ndolo mbanna phallingo. ²⁷ Enna Katakku gallu elkedde monno el iceyaka eh mbinya ngarrakehe a gallu am mbungkereke, ndiyo elkahukyaka a mbanda monno hodipika papwunu wuwanna enna poltonna ndiyo lapngadani ngarrakehe eh toyo gallu aplaka ngarrakeheke. ²⁸ Ndimoko, Paulus lakyokon wahingoko, " Ambu mbahayanni apoltommu monno yamma yigamma yiyo!" ²⁹ Ahmurrinya, akkatakku gallu lakreka lampu monno laplaka tama, menge tenggeren mbanna kadandaka, ndiyo ella sujutokko ellahdapanna Paulus monno Silas. ³⁰ Mengeke netu, ndiyo elngandihiki ellaknellek monno lapneghengoko, " Mboho-mboho, payaka paplakunggu tanna kuhlamatawango?" ³¹ Monno, ndiyo awolohoko, " Wabiniki elngaranna Miorri Yesus monno yoyo ahlamatgukku, yoyo monno ngarrakehe atodanga el enni el ummamu." ³² Ahmurrinnya, Paulus monno Silas apdukinni Linnya Miorri elbarada haktakku gallu monno ngarrakehe eh toyo el enni dollono ummada. ³³ Mengeke, ndiyo elngandihi Paulus monno Silas, enne hudana, monno enna alokihi hamnughada ndiyo ngarrakehe, menge ndiyo monno el bara olena leceka ab ihohi. ³⁴ Ahmurrinnya, aktakku gallu angandihi Paulus monno Silas el ummana monno awondiki muyo. Monno, ndiyo hek engge atija, menge ndiyo ngarrakehe atoyo el endi el ummana a waniki Maramba Allah. ³⁵ Ndimoko, enne ndijoro lodona, eh hakim-hakim kota aptumbondi enna hakpliha, monno apneghengoko, ""Pahallabahiki enna nahtoyo!" ³⁶ Monno, aktakku gallu lapdukinni elbarana Paulus, eltakkiyaka, "Hakim-hakim kota menge laptumbondi tanna aphalanggu. Ndidoka nene, pahallabahiki hennene monno otubaguku ella engge ati!" ³⁷ Ndimoko, Paulus lapneghengoko elbarada ndiyo, " Atodanga el menge pallugamma yamma ellahdapanna el umummo, janna maranda, atodanga ndidoyaka atoyo elnegara Roma, monno abetugammaka elgallu ndollo. Menge, penne hennene ndiyo mbaplohogamma hiwenge? Joddo! Hobadaka ndiyo kneheng a emmendi monno aplohoghamma yamma." ³⁸ Enna hapliha apdukinni ebtakida elbarada enne hakim-hakim kota. Ndiyo ngarrakehe akbohinni mbarongoko Paulus monno Silas ebtohi walli ella Roma. ³⁹ Monno, ndiyo ngarrakehe emindi monno akreyo maaf ella barada Paulus monno Silas. Mengeke ndiyo ngarrakehe mbaplohohi Paulus monno Silas, ndiyo akreyo tanna ehtoduyo amdallani enna Kota. ⁴⁰ Menge, ndiyo ngarrakehe alohho walli el gallu monno tamma el ummana Lidia, monno ndika ndiyo ngarrakehe a iceya eh ndungkambuna atiwango, Paulus monno Silas apghandiki eh atija ndiyo, menge a otindiki.