Paulus el Kota Korintus ¹ Mengeke ta etu, Paulus lamdalaniki Atena monno otiniki el Korintus. ² Monno, Paulus eldukidikki atoyo Yahudi elngarango Akwila, walmurinya Pontus, mbudukinnya walli ella Italia merengendi arwennya, Priskila, karna Klaudius menge mbanna preteya ngarrakehe atoyo Yahudi madalanni Roma. Paulus el eminni elbarada ndiyo ngarrakehe, ³ monno karna ndiyo ngarrakehe engo pakghilija elmereke, Paulus eldo engendi monno lapghili engendi ndiyo pandaha kombongo. ⁴ Monno, Paulus el wongngo pangadanga el umma mbihana ndeloko-ndeloko loddo Sabat monno elberusaha tanna apghahhi atodanga Yahudi monno Yunani. ⁵ Ndimoko, enne Silas monno Timotius aburru walli ella Makedonia, Paulus lakwungoni pahrakinni apoltonna tanna lapdukinni alinnya Miorri, tenggeren mbanna hakhiya topinja elbarada atodanga Yahudi mbanna Yesus ndidoyaka Kristus. ⁶ Ndimoko, enne ndiyo ngarrakehe agabani monno atolonni Paulus, ndiyo laphallihi hakhihinya monno lapneghengoko elbarada, " Ruttumo enni ella kattakumu mengwumu! Yaya kuhinguru. Kwungana henenne monno landulappa eme, yaya ku otungga elbarada eh bangsa-bangsa heken." ⁷ Ahmurinnya, ndiyo lamdallanniki abdonna monno el otinikki el ummana el ngarango Titus Yustus, enna toyo indi Yahudiya laktambani Maramba Allah, el ummana enni lahbalinya Umma mbiha. ⁸ Krispus, katakku Umma mbiha, elwaniki el Miorri monno ngarrakehe atodanga eldoyo el ummana, monno atodanga Korintus el mengeke mbanna rongoyo Paulus elwaniki monno ab ihohiki. ⁹ Menge, Miorri lapneghengoko elbarana Paulus enne hudana walli papicena," Ambu kabohi, ndimoko engebamuku mubnegheng monno ambuhiwemu, ¹⁰ karna Yaya engenggengge elbaramu monno jango lahtoyo elgabbagu tanna pakrighu yoyo karna endi eh umatang-Gu hekdangada yiya elkota." ¹¹ Mokko, Paulus eldoyo ennonno lahdoyo numwulla, tenggeren mbanna pakneken linnya Maramba Allah elbarada ndiyo. Paulus lahdapanna Galio ¹² Ndimoko, enne Galio elah ndadi prokonsul Akhaya, atodanga Yahudi enne pahwungo ati akedde gabbani Paulus monno a ngandiya ellah lahdapanna krohi pengadilanno, ¹³ monno atkiayaka, " Yiya toyo tenggeren mbapengaruhi atodanga tanna aktambani Maramba Allah elgabani hukum Taurat." ¹⁴ Ndimoko, enne Paulus hodipika epambungkerwana aghobana, Galio lapngehengoko elbarada atodanga Yahudi, " Enna yiya ndidoyaka enna masala langgaroyo ato indaha lantakka, hai toyo Yahudi, yaya patutu mbaku tangunggunni enna masalamu ebtakimmu. ¹⁵ Ndimoko, ebdiyaka yiya masala tutunna ebtakimu, monno eh ngara nanga, monno enna hukummu knehengmu, uruhmbayaka apoltommu knehengmu. Yaya jakku wawa ndadi hakim tutunna yiya masala." ¹⁶ Menge, Galio el hokohiki ndiyo ngarrakehe walli ella ruangannono pengadilan. ¹⁷ Mengeke ta etu, ndiyo ngarrakehe adogolloko Sostenes, katakuna umma mbiha, monno apaluka ellah lahdapanna ruanganno pengadilan. Ndimoko, Galio janna kahariniki tutunna nenne. Paulus elbalika Kota Antiokhia ¹⁸ Mengeke ta etu, Paulus eldoka pirralodo, menge lakreka mbali engendi eh ndungkambuna atiwanya monno otindi el Siria, olena Priskilla monno Akwila. el Kengkrea, Paulus mengeke mbanna gutiya alogenna karna ndiyo mengeke mbanna pandaha parahingngo. ¹⁹ Ahmurinya, ndiyo adukika el Efesus monno Paulus lamdalaniki Priskila monno Akwila anonno, ndimoko ndiyo knehen eltama el umma mbiha monno lahmbaghingoko pangadanga el toyo Yahudi. ²⁰ Ebtenggeren ndiyo ngarrakehe mbareyo Paulus tanna eldoyo lamdeyo, Paulus janna wawa, ²¹ ndimoko lakreyo elbarada mbali monno lapneghengoko, " Yaya eme mbialingga elbarammu mbanna wonggo kesempatanno Maramba Allah." Monno, ndiyo el otiniki walli ella Efesus ²² Mengeke ndiyo mbanna mburu el Kaisarea, ndiyo eldetengo monno elwondi salam elbarada jemaato, menge elburru el Antiokhia. ²³ Monno, mengeke mbanna hamengeni pirra lodo enonno, ndiyo lamdallaniki abdona monno laklilingniki lahwuyo abdoyo la otu labdoheke elkalbatu Galatia monno Frigia, tenggeren mbanna wondi paghahi eh muriconno. Apolos el kota Efesus monno el kota Korintus ²⁴ Enna lodonna, enni atoyo Yahudi elngarango Apolos, walmurinnya Aleksandria, eminni el Efesus. Ndiyo ndidoyaka lahtoyo tokollo elpeghe monno eldicoko elhuroto mbiha. ²⁵ Yiya atodanga mengeke mbanna paknekindi tutunna alaranda Miorri monno lahmangata el ndewana. Ndiyo lapneghengoko monno pakendi pendelangtakaya tutunna Yesus, ndimoko ndiyo dukpegenaniki tutu pah ihana Yohanes. ²⁶ Ndiyo lakwungoni apnegheng brubuk el umma mbiha, ndimokko en Priskila monno Akwila arongoya, ndiyo ngarrakehe atinguya ella lakrahan monno elwonni pangadanga elbarana laranna Maramba Allah lamlewere. ²⁷ Monno, enne Apolos el mbengo langani el Akhaya, ndungkambu atiwayo lapghani monno el turohoyo elbarada eh muriconno tanna elhimbaya patta eminni. Enna mbanna duki ndiyo, ndiyo ndanga mbanna bantundi ndiyo ngarrakehe walli ella pamnoworonno el wanniki, ²⁸ karna ndiyo eltonggoro mbanna gabbani atodanga Yahudi elladapanna umummo, tenggeren mbanna pahundonni Huroto Mbiha monno Kristus ndidoyaka Yesus.