Paulus monno Barnabas endi elkota Ikonium ¹ Monno, eldadika, el Ikonium, Paulus monno Barnabas atama engeke el umma Mbihana atoyo Yahudi monno apneghengoko henyaka monno am ptomboko ndanga atoyo, atoyo Yahudi monno atoyo Yunani, el wani. ² Ndimoko, atodanga Yahudi el janna wani apnummaka atodanga el indi Yahudiya monno apruhohi apngadada ndiyo agabamdi atoyo elwani. ³ Monno, ndiyo enna adokka anonno enna amdeya monno engana mbap pnegheno brani el tutunna Miorri, elwonngngo haksiya tutunna aliya pamnoworron-No, menge elwongo tanda-tandana pamngoroh dengangoyo eldadi walli ella limmada ndiyo ngarrakehe. ⁴ Ndimokko, atodanga elkota nonno ahmbaghingngo, ahwadikongngo endi elbarada atodanga Yahudi monno ahwadingngo endi ella mbarada eh rasul. ⁵ Ebhenyaka a usaha papdaha, ndahaka enna atodanga indi Yahudi ato atodanga Yahudi, monno enna ngarrakehe pemimpinodo ndiyo, tanna pakrihi monno a gheghuhi ngarrakehe eh rasul wango watu, ⁶ menge Paulus monno Barnabas apeghendi monno aplaka ella Listra monno ella Derbe, elkota ella Likaonia, monno ella kabllibatu elbarana. ⁷ Monno, ennonno, ndiyo ngarrakeje angeda mbap ndukinni a Injillo. Paulus el kota Listra monno elkota Derbe ⁸ Ella Listra, enni lahtoyo tenggere loddonno monno lahmalli awitinya, lakliku walli ella kambuna innyana monno janna halokopongo. ⁹ Enna atoyo tenggeren mbanna rongoyo Paulus ebtenggero paneghen, menge Paulus mbanna kaharanni monno ella iceya monno enna engo atiwanya tanna tonggohowongo wena. ¹⁰ Paulus eltakkinanni wango akpoliyo elbokollo, " Dedebaka luruh wani awitimmu." Menge, enna atoyo laklohokoko monno enne elmuleka haloko. ¹¹ Enna atodanga mbanna iceya papdahanna Paulus, ndiyo ngarrakehe aplohoko takki wango pneghen Likaonia, " Ngarrakehe Dewa mengeke mbaburru ehlimada ellapduna yica ellaprupwuna topiya!" ¹² Atodanga nenne paptakki Barnabas mereke Zeus monno Paulus mereke Hermes henyaka ndiyo ellapdukinni takki. ¹³ Imam Dewa Zeus, ella Kuillonno enni laknellek kota, el ngandiya anna lembu ghobbo monno anna bunga elmbinya tamana a kota. Ndiyo monno atodanga bengo wongo persembahanna kurbanna elbarana Paulus monno Barnabas. ¹⁴ Ndimoko, ebhenyaka enne rasul Barnabs monno rasul Paulus mbanna rongoyo tutunna, ndiyo ngarrakehe aterikoyo akhihida ndiyo monno aplaka tama el lapduda atodanga, monno akyokongoko, ¹⁵ monno atakiyaka," Ndungkambu ngarrakehe, penna yemmi ebhemmigamma yama ? Yamma weddi topigamma mereke yemmi monno ngandiya liya ndaha elbaramu tanna yemmi kwaliko walli ella janna ndaha monno ebaka elbarana Maramba Allah elmopiro, ella lapdadiya akramba, monno atanna, monno awemahi, monno ngarrakehe el enni eldodolonno. ¹⁶ Atu walla murinnya, ndiyo laphallahi ngarrakehe a bangsa lahloko mengewuna knehengngo. ¹⁷ Ndimoko, ndiyo janna pahallaya apolton-Na ebjanga hakhiya. Ebhenyaka, ndiyo laplakuyaka eldaha monno elwonniki urra wali lakramba monno wulla wuyo ella papndaha atija monno pahmuyo monno engge atiya." ¹⁸ Hejobodaka ebtakiya ngarrakehe, ndiyo ngarrakehe huha apdukodanni atodanga elwongngo persembahanno kurbanno tutunna ndiyo. ¹⁹ Ndimoko, atodanga Yahudi emindi walli ella Antiokhia monno Ikonium, monno mengeke mbalekeya atodanga, tanna ndiyo ngarrakehe agheghuya watu Paulus monno angandiya lohho ellakneleko kota papngada elmatika Paulus. ²⁰ Ndimoko, ehmuriconno aklilingini Paulus, ndiyo eldede monno elbaliya tama elkota. Enna lodowalinya, ndiyo otiniki marengendi Barnabas el Derbe, mbalihi elkota Antiokhia elkalbatu Siria ²¹ Mengeke ndiyo ngarrakehe mba ndukinni a Injillo el kota monno mengeke mbap pamdangani a murico, ndiyo ngarrakehe awalihi el Listra, monno el Ikonium, monno el Antiokhia, ²² tengered mbap ghahi eh ndewada eh muriconno, elwonni paghahi ndiyo ngarrakehe tanna atekunno el atiwaja, monno atkiya ebhenya yica mbata tamma ella Kerajaannono Maramba Allah walli ella lakriyo. ²³ Tenggeren Paulus monno Barnabas mbanna pahundoni elbarda penatua ngarrakehe ndiyo ella barada jemato, menge mbahbayango monno mbapuaha, ndiyo ngarrakehe pakrakanniki elbarada penatua elladapanna Miorri, elbaran-Na ndiyo ngarrakehe menge mbawani. ²⁴ Ahmurinnya, ndiyo ngarrakehe alangani Pisidia monno aduki ella Pamfilia. ²⁵ Menge, tenggeren ndiyo ngarrakehe mba burru ella Atalia. ²⁶ Walli eja nonno, ndiyo mba otindi ella Antiokhia, padoda ndiyo ngarrakehe menge pakrakinni elbarana Maramba Allah tanna apghilli pahmengede. ²⁷ Tenggered ndiyo mba duki monno amkaha engendi ehjemaato, ndiyo ngarrakehe atakki keheya apap ndadinnya Maramba Allah elbarada ndiyo ngarrakehe monno penwenaka ndiyo mmbanna menge mbungkereya mbinnya atiwaja enna bangsa-bangsa heken. ²⁸ Monno, ndiyo ngarrakehe adoyo engendi ehmuriconno lamdeya.