Papghilin Kneheng tutunna Barnabas monno Saulus ¹ Em pahdapang, enni lapduna jemaato Antiokhia, nabi-nabi monno topahkolongo, ndidoyaka Barnabas, Simeon ebtakida Niger, Lukius walli ella Kirene, Menahem pahbokollo engena Herodes, a tokko enna wilayada, monno Saulus. ² Tenggereda ngarrakehe atodanga mbanna habango elbarana Miorri monno berpuasa, Ndewa Mbihanna eltakkiya, " Plihekeganni Barnabas monno Saulus tanna kubwendeya tanggunna Yaya tanna lakwullondi ndiyo ngarrakehe." ³ Ahmurinnya, menge ndiyo ngarrakehe berpuasa monno ah bango, menge akombokondi limma elpannu katakkuna Barnabas monno Saulus, ndiyo ngarrakehe apptumbondi ehtoduyo otindi. Barnabas monno Saulus el kalbatu Siprus ⁴ Monno, mengeke mbap ptumboni otindi Ndewa Mbihanna, Barnabas monno Saulus burru ella Seleukia, monno walli ella nonno ndiyo ngarrakehe otindi el Siprus. ⁵ Eba duki ella Salamis, ndiyo ngarrakehe abdukinni linnya Miorri Maramba Allah ella Umma mbihanna ato Yahudi, menge ndiyo ngarrakehe a ngandiyaka Yohanes topapwendeda ndiyo ngarrakehe. ⁶ Monno ndiyo ngarrakehe otindi ahlokinni ngarrakehe apulau ella Pafos, ndiyo ngarrakehe a ngoleya lahtoyo totang morro. lahtoyo nabi khelle Yahudi, el ngarango Baryesus. ⁷ ndiyo a olenna Prokonsul Sergius Paulus, enna lahtoyo elpeghe, lakreya Barnabas monno Saulus emini elbarana monno mbengo rongoyo Alinya Maramba Allah. ⁸ Ndimokko, Elimas, atotang morro, ebhenyaka ngarrana paptakkiya, elgabani Barnabas monno Saulus, monno aghahini bapherinni Prokonsul walli ella atiwanya. ⁹ Ndimoko, Saulus, epahpeghenngo Paulus, abunnuni Ndewa Mbihana, lakharani Elimas, ¹⁰ monno lapnegheng, " Hai yoyo, elbanuni moleto monno ngarrakehe indaha, yoyo ndoyaka am prapu bokol, yoyo ndoyaka elmuhinni ngarrakehe el ghenne, inbengo yoyo dukka paklegeya lara Miorri el luruho? ¹¹ Hennene, icebaka, Limmana Miorri el emini elbaramu monno yoyo ellakburra monno indi iceka alodo en pirriya lodonno." Monno radangoko, amahulolo monno akapanduna elburru elpannuna monno ndiyo otinni laklilinginni lakdabaya atoyo tanna el olengo alimmana. ¹² Menge, Prokonsul netu el waniki ebanna iceya payaka eldadi monno ndiyo el benni ap apingo walli ella Miorri. Paulus monno Barnabas otindi elkota Antiokhia el kalbatu Pisidia ¹³ Eme lahdapanna, Paulus monno atodanga el olengo mbahloko walli ella Pafos dukingo ella Perga, ella Pamfilia, ndimoko Yohanes lamdalaniki ndiyo ngarrakehe monno elbaliya el Yerusalem. ¹⁴ Ndimokko, Saulus monno Barnabas pakrohiya ahlokona walli ella Perga monno lundulappa ebduki el Antiokhia, el Pisidia. Monno, enna lodo sabat, ndiyo ngarrakehe otindi el umma mbihada monno alodo nonno. ¹⁵ mengeke mba bacaya Hukum Taurat monno huroto ngarrakehe eh nabi, haktakkuda eh umma mbiha abtumbungo toyo eltakidandi eh toduyo rasul," Ndungkambu ngarrakehe, ebhenyaka yoyo ebdonni apneghen eldaha tangguna atodanga, takkibdandiki. " ¹⁶ Monno, Paulus eldede monno elwongo isyaratanna wango limmana monno eltakiyaka, " Yemmi toyo ndanga Israel monno yemmi lakbohinni Maramba Allah, rongoya! ¹⁷ Maramba Allah Bangsa Israel yiya menge mbanna pendeya ambunuhinda monno pamneteka abangsanda yica ebadoyo eltana Mesir monno alimanna lamkekete, ndiyo elngandihi loho walli ella nonno. ¹⁸ Enna madenya potto kabullu doyo, ndiyo mbanna maloyo atinya walli elhadanna ndiyo ngarrakehe el lamrada niala. ¹⁹ Monno, mengeke ndiyo mbanna mberehi eh pitu bangsa eltana Kanaan, ndiyo elwonni pandoyo enna tanah. ²⁰ Eldadi ngarrakehe amdenya 450 ndoyo. Mengeke, Maramba pakrakanniki elbarada elhakim ngarrakehe lundulappa enna Nabi Samuel. ²¹ Ahmurinnya, ndiyo ngarrakehe akreyo enna tokko, monno Maramba Allah elwonni ndiyo ngarrakehe Saul, ana kabani Kish, atoyo walli ella kalbatu Benyamin, enna madenya pottokabullu ndoyo. ²² Mengeke Maramba Allah lapdikinniki Saul, Maramba Allah elkeketoyo Daud eldadi tokkodo ndiyo ngarrakehe, el tutunna Maramba Allah menge mbanna hakhiya monno lapneghen,' Yaya mengeke mbakkutobokoya Daud, ana kabaninya Isai, atoyo el ghenne el ating-Gu, ellaplakuya eh beng-Gu.' ²³ Walli ella yila toyo, Maramba Allah, elmereke paprahin-Nya, elngandiya lahdapada Israel lahtoyo enna Pahlamatondo, ndidoyaka Yesus. ²⁴ Ebjanna ndukipongngo Yesus, Yohanes mengeke mbanna padukinni memeni tutunna ab ihaya atoyo ellam ghilla ngarrakehe ella Israel. ²⁵ Monno, tenggeren Yohanes mbanna hamengendi eh tugohonno, ndiyo lapneghen krohingo,' Yoyo garrangga yaya ndi? Yaya indi Ndiya. Ndimoko, icebaka, lahtoyo emini menge yaya, kopwitinnya elwitin-Nya yaya janna mbakku halinyandi.' ²⁶ Ngarrakehe ndungkambu, enna eh ananna abar olena Abraham monno atodanga walli ella yemmi lahbohinni Maramba Allah, yica ngarrakehe aliya pahlamata nengengo eldukinda. ²⁷ Ndika, ndiyo ngarrakehe eldoyo el Yerusalem monno ngarrakehe elngandihi ndiyo, el janna peghenni Ndiyo monno janna pahamminni ebtakinna eh nabi, eh bacada enna lodo sabata, menge lapdukinni ebtakida eh nabi netu monno enna hukummuni Yesus. ²⁸ Monno, ebhenyaka ndiyo ngarrakehe ebjanna tobokinni alasanna payaka tanna hukum wani ndukingo mati, ndiyo ngarrakehe akreyo Pilatus tanna ahmatiya Ndiyo. ²⁹ Monno, ndika ndiyo ngarrakehe bapdukinni ngarrakehe elam turoho tutunna Ndiya, ndiyo ngarrakehe ahburrinni walli ella ghayo Salib monno pamdurinni elhodinya ³⁰ Ndimoko, Maramba Allah elkeketoyo Ndiyo walli ella tomati, ³¹ monno ella pirraya lodo ndanga, Yesus laphundawuna elbarada ehtodanga el olle engendi walli ella Galilea ndukingo el Yerusalem, el henenne eldadi hakhiya tutun-Na elbarana bangsa yiya. ³² Monno, yamma elngandigu liya njaha pap prahinnya Maramba Allah walli ella ambunuhinja yica, ³³ monno Maramba Allah mengeke mbanna ukinni apprahinnya elbarada yica, eh anada ndiyo, ella keketoyo Yesus, mereke elamturoho elhuroto Mazmur kataddinya duyo: 'Yoyo ndoyaka a Ana-Gu. Yiya lodo, Yaya ndoyaka Pah mbapum-Mu.' Mazmur 2: 7 ³⁴ Tutunna Maramba Allah el keketoyo Yesus walli ella tomati, janna mbali walika ella janga, Maramba Allah eltakkiyaka,' Yaya elwonggu knurru eldaha mbiha monno papwangoyo, ebwodani a Daud.'Yesaya 55:3 ³⁵ Ebhenyonaka, ndiyo weddi eltakiya el Mazmur hekenne,' Yoyo indipahallaya Atoyo Mbiha-Mu iceya ahmengena.' Mazmur 16:10 ³⁶ Ndimoko, Daud, mengeke mbanna appindi ehmurriwialinya enna ehbennya Maramba Alla, menge matika, monno pamduruya elbarada ambunuhinnya, menge a iceya ahmengena, ³⁷ Ndika Yesus pap keketonno Maramba Allah walli ella tomati, ja iceya ahmengena. ³⁸ Ebhenyaka, tanna peghebanniki yoyo, ndungkambu, elbarana Ndiyo ndidoka padowalinya pamhaliwana adohondo ndanga elbarammu, ³⁹ monno walli en-Nya, ngarrakehe enna toyo elwani aphallahi walli ella ngar ap eme, enna walli enna yemmi janna ndadi aphallagimmi walli ella hukum Taurat Musa. ⁴⁰ Ndika, ndangawubongoko tanna payaka ebtakinna el huroto ngarra ehnabi janna ndadi elbarammu: ⁴¹ ' Icebaka, yoyo topnene! Randabongoko monno mueheng mbongoko, enne Yaya lap plakuya apghili enna dommu, enna apghili eb jabwamu, monno ap ebanniki lahtoyo eltakigunni elbarammu. " Habakuk 1: 5 ⁴² Tenggeren Paulus monno Barnabas ella lohho, atodanga lakreyo tanna ndiyo ngarrakehe apdukinni linnya enna loddo Sabat wali. ⁴³ menge mbam kaha ella umma mbiha, ndanga atoyo Yahudi monno ngarrakehe proselit ella lakbohinni Miorri monno elnomotoyo Paulus monno Barnabas, ellapneghen elbarada monno ella tulorindi ndiyo ngarrakehe tanna adokrohingngo eldolonno am manoworonno Maramba Allah. ⁴⁴ Enna lodonno Sabat walinnya, hodipika ngarrakehe atoyo elkota mbanna makaha tanna arongoyo linya Miorri. ⁴⁵ Ndimoko, ebhenyaka atoyo Yahudi el iceya hekraminnya, ndiyo ngarrakehe abannundi knorek ati monno akwuniki apgabanga elbarana Paulus monno apnenewudaka. ⁴⁶ Menge, Paulus monno Barnabas elwolohoyo mbrani monno lapneghengoko," Yiya elmbanningo alinya Maramba Allah ndipingoko elduki ullu elbarammu. Ndimoko yemmi indihimbaya monno anggapniki apoltommu janna ndadi enomuni mopirro hallu ndewa, icebaka, yamma elbali elbarada bangsa-bangsa hekenna. ⁴⁷ Ndika, henyaka Miorri mbanna wongngo pretena elbaramma yamma:' Yaya menge mbakku padadigu magohoko ella bangsa-bangsa hekenna tanna yemmi dadi ebngandiya amopirro hallu ndewa lundulapa elhupu tanna." Yesaya 49: 6 ⁴⁸ Enna atodanga eljanna Yahudi arongoyo tutunan yiya, ndiyo engge ati monno paplunguya linnya Miorri. Monno, ndangada mengeke ebpeghenni tutunna amopirro hallu ndewa, enna waniki. ⁴⁹ Monno, linnya Miorri lamhobborongngoko elkalbatu nonno. ⁵⁰ Ndimoko, atodanga Yahudi apnumwuda eh rawicoyo ndaha ella terhormato monno atodanga elmbanningo el kota, monno apamdeteyo akriyo elbarana Paulus monno Barnabas, monno ahokoyo ehtoduyo aloho walli ella kalbatu padodukana ndiyo. ⁵¹ Ndika, tenggeren ahomboyo akromboko elwitija ndiyo ngarrakehe ellahdapada atodanga Yahudi enonno, Paulus monno Barnabas a otindi ella Ikonium. ⁵² Monno, ngarrakehe muriconno abannundiki engge ati monno Ndewa Mbihana.