Yakobus A wunuya monno Petrus Papnonggolla Herodes ¹ Enna lodona, Tokko Herodes lahkotaya alimmana elpannuna atoyo walli ella jemaato tanna pakriyo ndiyo ngarrakehe. ² Ndiyo elwunuya Yakobus, a ndungkambuna Yohanes, wango habanda. ³ Ebhenyaka Herodes mbanna iceya papdahana ehbenyaniki a atinya ngarrakehe toyo Yahudi, ndiyo pakrohiya adonggolo Petrus weddi. Eldadi enna lodo Ndaha Roti Janna Pakpena. ⁴ Menge mbanna donggoloyo Petrus, ndiyo laptamaniki el gallu dolo monno pakrakaniki ella poto aprajuriti tanna adaganni, monno menge Paskah, angandiya elahdapanna atodanga. ⁵ Monno, Petrus atahanni el gallu ndollo, ndimoko ahbayangngo krohingngo eh jemaatonno Petrus lahdapanna Maramba Allah. Malaikato Miorri laphallayaka Petrus walli ella gallu ⁶ Enna Hudanna, Herodes elngandiya Petrus elak kdelek, Petrus tenggere mdurunna ella barada enna Prajurit ehtoduyo, abtannaya wango dubuyo rantai, monno ehtokandi lahdapanna mbinnya tenggeren mbadaginni agallu. ⁷ Monno, icebak, lahtoyo amalaikatonno Miorri eldede elbarana Petrus monno acahaya ellamgohoko elgallu dollo, menge enna malaikato elpallu akrahanna Petrus monno lapkedeya, menge lapneghengoko, " Lecabaka kedde!" Monno, ehrantai amhalingoko walli ellimana Petrus. ⁸ Menge, Malaikato lapneghengoko elbarana, " Patanna mbaka amegemmu monno tabahiki ekopwitummu. " Monno, ndiyo laplakukka henyanik. Ahmurrinnya, ndiyo lapneghen elbarana, "Tabayaka enna Jubah monno nomotbanggakh yaya!" ⁹ Menge, Petrus lohoko monno elnomotoko a malaikato. Ndiyo janna peghen mbanna payaka eldadi papdadinnya a malaikato caya, ndika papngadana ndiyo eb icanna paphunduwumnanniki. ¹⁰ Ebtenggeren langngadandi eh tokandi ak ikhana monno kduna, ndiyo ngarrakehe ndukika el mbinnya tamma mbahi lahdapango elkota. Enna mbinnya lambumkerre mengwuna elbaradah, menge ndiyo ngarrakehe alohoko monno ahlokoko nduki ella annakhiku larra, monno radangoko malaikato mbanna mandalanni Petrus. ¹¹ Ebhenyaka Petrus mbanna apiya eldadi elpoltonna, ndiyo lapneghengoko, " Henenne, yaya hetopinjana mbakku peghenni Miorri mbanna ptumboni Malaikatonno monno pahlamatonggo yaya walli ella limmana Herodes monno walli ella ngarrakehe pahbennya atodanga Yahudi." ¹² Menge Petrus mbanna apiya, ndiyo otinniki el ummana Maria, innyana Yohanes epaptaki Markus, ebtenggeren atodangan mbanna makahha monno ahbango. ¹³ Ebhenyaka Petrus mbanna tendunni a mbinnya tamma, lahtoyo rawicoyo lapghilli elngarango Rode eminni elbungkerraya a mbinnya. ¹⁴ Menge mbanna peghenni akpoklinnya Petrus, monno hek enggenna ndiyo janna mbungkereka a mbinnya, ndimoko laplayaka eldodolonno monno eltakidandi eb enni Petrus tengger dedenna el lahdapanna mbinnya tamma. ¹⁵ Ndiyo ngarrakehe atakinanni Rode, " Yoyo indighenne!" Ndimoko, Rode engenna mban takki henyanni, monno ndiyo ngarrakehe engtakidandi, " ndidoyaka enna malaikatonno." ¹⁶ Ebhennyaka, Petrus engena mbanna tendunni, monno ndiyo ngarrakehe abungkerenni mbinnya, menge iceyaka Petrus, ndiyo ngarrakehe arandangoko. ¹⁷ Ndimoko, menge Petrus mbanna wongo isyaratanna wango limma tanna kdanna wong wena, ndiyo eltakidandi elbarada ndiyo penwenaka Miorri menge mbanna palohoyo walli elgallu. Monno, ndiyo lapneghengoko," Takkidandi yiya elbarada Yakobus monno elbarada ehdungkambu atiwayo." Menge, ndiyo otikniki lapdoheke. ¹⁸ Enna dinjirlodono, eldadika enna ahbereng bokollong ellahdapadda enna happrajuritti tutunna eldadi elbarana Petrus. Tutu matinnya Herodes ¹⁹ Ebhenyanka Herodes mbanna kadabaya Petrus monno janna tobokoyo, ndiyo lapreheya ngarrakehe todagangnga monno elwondi prete tanna ndiyo ngarrakehe awunuya. Menge, Herodes elburru walli Yudea laotu el Kaisarea monno eldoka anonno. ²⁰ Hitu, Herodes tokko mbaninya ngarrakehe atodanga Tirus monno Sidon, menge apahwungoko, ndiyo ngarrakehe otindi lahdapanna Herodes, monno mengeke balekeya Blastus, eltukang uruhoyo a ummana tokko, ndiyo ngarrakehe akreyo tanna damebaka tutunna enna akalbatuda ngolewongo anmuyo walli ella Herodes. ²¹ Enna lodonna paptakida, Herodes eltakka khihi tokkona, ellodo eltokona pengadilanno, monno lapdukinni atakki ellahdapadda ndiyo ngarrakehe. ²² Enna toktappa engena mbanna kyokongngo, " ndidoyaka akpoklinnya allah, indi topiya!" ²³ Radangoko, lahtoyo Malaikatonno Miorri lakpokonni monno ndiyo janna wonniki pamlanguya a Maramba Allah monno ndiyo amuniki katinjollo, menge matika. ²⁴ Ndimoko, linnya Miorri engana mbanna bukullo langtakka. ²⁵ Menge, Barnabas monno Saulus abalihi walli ella Yerusalem menge ndiyo ngarrakehe ahmengeni apelayanannodo ngarrakehe, tenggered balekeya Yohanes epaptaki Markus.