¹ Niini jliaji talricanaati Darío inaa naomajica njaji paperra namatsietaji lri ricoda jliaji panti namatsietacawa lrico paperra Babilonia lrico. ² Njite lri ricoda jliaji yacaalre cadaana dalri matsia lriipitana Acmeta, Media lrico, naoketa papje paperra nacalripanda jaico naco; cayo lricaiteca níni. ³ Talricanati Ciro iniita caojli italricanaataca, lricadaa nanjíica njaji lrinaco jliaji iacoti lrinaa cawa nanaitjaca Dio iipana Jerosalén rico: ''Jirreta senacjaotsa jliaji panti iino carro carro maaficalri niini. Icadaotsa jlipocoa daimídalri jirreeta carroatsa nanaco. Ventisiete metro watsa lriyenpnca njite ventisiete metro tsacja lrimacaiteca, ⁴ Icadaotsa naorsoawa jliipoco naco madalricjaa jiipada nacanipe njite iorsoeta nanaco pacjaa jaico walrinepe sho. Njite njoá watsa icaoña nadenji capji talricanaati ipalaratan sho. ⁵ Idieta tsacja njaji owirro njite njaji inaanitidape palrataitape Dio iipana lricope Nabocodonosor idenji Dio iipana lricjoite, Jerosalén ricoda lricadaa carrona panti macade lrico Babilonia ricoda. ⁶ Njitedalri, jliaji talricanati Darío icaite Tatnai irso, jliaji gobernador narso njaji yacaalre pemajle perri Ooni Eufrate irso; caaconaite Setar Boznai irso, njite narso njaji nakitsiñape, lriaco narso cayoji: ''Jienaotsa teeco naoya'' ⁷ Corriotsa noma imaca nacapaca njaji idenjicape Dio iipana. Nja tsaotsa idenjini njaji judionai, jliaji gobrtnador naapiya njaji pekipenai caconaaperri. A tsaotsa neemeta jliaji Dio iipana lriema carrom tsa jliaca padapanam. ⁸ Njite njoa, talricanaati Darío, nonaa inaitjaca narso njaji pekipenai caconaaperri judionai idenjicape Dio iipana cayoji: Nasho njaji palaraata iniwalri talricanaati irsoape Ooni Eufrate pemajle, icaoña shopaotsa njaji atsianai idenjicape wadentja yami catoa nadenjica. ⁹ Njite jalredaoca icoam irsotsaotsa iaca narso vaken, carnero, cordero tsacja namjaitaope lrirso jliaji Dio eenolricojle. Iaa tsacjaotsa narso trigo, yokirra, jaicotjeda ianaa, aceite tsacja coancatsa nacaiteca njaji sacerdotenai Jerosalén ricope, jecoapicoam watsa iaca narso wadee canacaica narso. ¹⁰ Inaitjaotsa cayo nadee carro ofrenda Dio enolricojle dalri irso, natatjá carro nonaco, njoa talricanaati, njite nanaco njaji noenipe. ¹¹ Nocaite tsacja, coca cadaa imjepata jliaji nonaalri inaitjá carro, nonaotsa njetaca apana lriipana icoanjai namorró carro lrisho, njite nakejloatsa jliaji panti pjiomi matsipeda corretsani. ¹² Njite jliaji Dio iofaalri nainai njaji judionai jliametacaotsa pjiomi njaji talricanaatinai iomacape iemaca nacjoete, o coca cadaa imacadawalretaca jliaji Dio iipana Jerosalén ricoda. Njoa, talricanaati Darío icadaa nja iacoti inaitjá carro. Jliaji nodanalri irsotsa inaitjacani kjeya cayotsa nocaite capisho. ¹³ Niini Tatnai, Setar Boznai, njite njaji nakitsiñape nanaitja pjiomi cayoji talricanaati Darío inaa capisho nanaitjaca. ¹⁴ Njaji pekipenai caconaaperri judionai nadenji jliaji panti cayoji Hageo njite Zacaría icaite apishona nanoparrotacaa lrico. Na denji jliaji panti cayoji lrinaa capisho nadenjica jliaji Iraelnai iDiote; Ciro icaite capisho, Darío njite Artajerjes tsacja, talricanaatinai Persia lricope. ¹⁵ Nawayaketa nanaitjaca jliaji panti madalridaa nao Adarpi naco, sei walria naco oonia Darío italricanatacawa naco. ¹⁶ Pjiomi njaji inaiki aimadan Iraelnai, sacerdotenai, Levitanai, njite pjiomi njaji inaiki nadenji pia nacatiima taacawa nacaite cádanaco Dio irso lriipana. ¹⁷ Naino cien totro, cien carnero, coatrociento cordero Dio iipana icjaote. Naino tsacja doce cabrio atsiana ofrenda sho namatsicanaa icjaote njaji Iraelnai pjiomi, apana papoco naco nanacjoite njaji Iraelnai. ¹⁸ Nacadaa tsacja nadenjicalreo njaji sacerdote Leitanai nadenji carro papocope naoyawaca Dio irso Jerosalén rico, cayotsa Moise idana capisho lripaperran lrico. ¹⁹ Niini njaji inaiki nadeji pia pada jiipai nacojle nawacaacawa nawaada carro Pascoa catorce jalredaoca naco pawalria iniita carropi naco. ²⁰ Njaji sacerdotenai njite Levitanai, pjiomi namatsietaacawa maatsirri ioya, niini naino maaficalri Pascoa icaoya naicjaote njaji idiacapemwa njepaite lricojle pada jiipai nacjoite, njite njawaca waaca tsacja imatsietaacawa maatsirri ioya. ²¹ Njaji Iraelitanai injalri jatjantsa neepe njaji maaficalri nainoji Pascoa lrico, nanacjoite njaji idiacapemi njepaite lricojle pada jiipai nacjoite, icaamitsa njaji jienitaaca capewa namatsicana ioya njaji apaana inaiki, icaamitsa naoma pjaca wa Minalri, Iraelnai iDiote. ²² Nawacaacawa itiimati rico nainja carro Pascoa njite Peetje Meewí dalritsa, siete jalredaoca. Wa Minalri icadaa catiima carrona, ima jliatsa ipadameeta lricaolre jliaji talricanaati Asiria lricoda lrinacjoite carro lrinaitja Lriipanao, Lriipanao jliaji Iraelnai iDiote.