¹ Tiwese bedeu irahudi raryberenyre Jyje-ò tyby webinadunymy ratximyhỹmy. Taita rare itxeremy, ixiheki ridyre inatxi tariòre boho, Efrom e Manasses. ² Inyõ rybemy rare Ijaò-ò: —Ariòre Jyje rareri adee itxeremy. Ijaò ixidi rarurunyre, kia rexisỹnyre herina-ò. ³ Tai rarybere Jyje-ò: —Deuxu ibutumy Tanidehehekỹ-di wadee rexitỹnynyre Luz hãwãki, kua Kanaã su ki, kia tarybehikỹ wadee riwahinyre. ⁴ Tii wadee rarybere:-diarỹ arawinykre sõemy mariòrenykre, kia ariòreriòrereny hãwãdu hãwãdumy rexiwinyrenykre.-diarỹ ariwahinykre kaa suu ariòreridòrereny dee, kia ihõrõrenykremy ikiemy. ⁵ Kia Ijaò tarybe ritõranyre myỹ rarybemy Jyje-ò: —Ka tahe wiji, ariòre boho Efraĩ e Manasses boho kaki Egito ki ruarenyre, kia-diarỹ ka-ò anakrekotyremy, kia ka boho wahõrõ roire. Efraĩ e Manasses boho wahõrò roíre, kia Ruben e Simeaõ boho weserenyle. ⁶ Txibo kai ijõ ariòrereny ijõdijkre wana, tii boho ahõrõrenymykre, kia Efraĩ e Manasses boho seriòrerenymykre, kia ihõrõrenylemykre. ⁷ Kawesemy rewinyreri Rakeli-òraruki, adi wahe. Iny boho Mesopotamia ribi dòòsedenydeu, kia iu wabederyrynau, tiki rurure Kanaã hãwãhãkỹki, kia urihimyòmy Efrata koki ritehemynyrenymy.-diarỹ retuunyre kuaki, ryweijàtiki. (Efrata heka wiji BeIém wesemy raerymyhỹre.) ⁸ Kia Ijaò robireu Jyje riòre boho my, rỹỹrasire: —Ka boho tahe mobo roire? ⁹ —Kia riòre boho Deuxu wadee kaki riwahinyre Egito ki rirawyònyre Jyje. Ijaò rarybere: —Bidilidike wabireki kia-diarỹ warybewihikỹ ariwinykremy. ¹⁰ Ramatuarinyreki Ijaò rue rabinabinamy raremv hỹ, kia tii retehewike aõkõre. Jyje ridyrerenyre weryrybò mahàdu ityy-ò, kia tahe tii riaxiòtinyrenymy iry-ò ruòrenyre. ¹¹ Ijaò rarybere Jyje dee: —Diarỹ rahõtinyre tiu ixyby umy arobiõkresỹny, ka tahe wiji Deuxu riwawahinyre ariòre boho my arobikremy. ¹² Taita Jyje-ditadenyde iny inatxi tyby wyòtyre ribi, kia tatiòhumy resemy taòsỹny su-ò ritidire. ¹³ Ilemyta Efraĩ rimyre tebò ruru weribi-di, kia Manasses rimyre tebò hywe weribi-di, kiata Ijaò tyyki ritamanymyhỹreny. Kawesemy tahe Efraĩ rỹire Ijaò hyweweribiki, kia Manasses tahe rỹire Ijaò ruru weribiki. ¹⁴ Ijaò taaxiò riterenymy kia wibàmy riijaranyre, kia ritidiniy tebò ruruweribi ludu Efraĩ ratiki, kia werurubò tỹmyra rareki, kia tebò hyweweribi ludu Manasses ati tyre ritidire, kia heka adela rare. ¹⁵ Ilemyta tarybewihikỹ riwahinyre Jyje dee, rarybemy myỹ: Deuxu, tuu waha boho Abraaõ kia lsaque rerinanymy roirenyremyhỹ, kaa weryrybò boho-ò arybewihikỹ biwahinyke. Arybewihikỹ biwahinyke Deuxu kai, wary-di tetehemy atximyhỹte budoeni-dinodu wesemy, kia wabededỹỹnana-di ibutumy wiji dorile. ¹⁶ Kia arybewihikỹ biwahinyke Anjo-ò, kia riwahedỹỹnyre ibutumy bede-òhãru-òhãru ribi Kia wani txi nohõti reamy rarekre iyhyrareny ribi, kia waha bohorenyni txi tule Abraaõ e Isaque. Kia tii boho sõemy iriòrereny ijõdikre, kia sõemy iriòreriòrereny ka hãwã hãwãhãkỹki. ¹⁷ Jyje tai awimy rahãõre kia tyby my robireu, tebò ruruweribi ludu ritidireu Efraĩ rati tyre; iurenana tebò rimyre, kia ratakremy Efraĩ rati ribi, kia Manasses rati tyre ritidire. ¹⁸ Kia riòbitinyre: —Kõre waha; kaweseke aõkõre. Kaa heka wariòre adela rare; bilidike ebò ruruweribi ludu irati tyre. ¹⁹ Ka Ijaò tahe teramy reare kia rarybere: —Diarỹ reeryre, wariòre,-diarỹ reeryre. Manasses riòreriòrereny iny mahãdureny nihikỹmy relerenylekre. La iseriòre tỹỹbò tahe ixyby aònityhymy iratyrekre, kia iriòreriòrereny relerenykre sõemy hãwã hãwãhãkỹmy. ²⁰ Kawesemy Ijaò tarybewihikỹ riwahinyre kua txuu rarybemy: —Israelitas mahãdu riuherenykre anireny rybewihikỹ riwahinykremy. Tii boho raryberenykre myỹ: —Kia Deuxu arawinykre iwese Efraĩ e Manasses deereny riwinyrenyre wesemy. Kawesemy tahe Ijaò ritidire Efraĩ, Manasses komy. ²¹ Tai rybere Jyje-ò: —Timybo kai teteheteri,-diarỹ arurukre. Ka Deuxu tahe awana ratxikre, kia aradykre ahãỹna mahãdure su-ò. ²² -diarỹ ariwahinykre Siquém adee kia aseriòrereny dee aõkò. Siquém heka kua bede-di rahãỹnanyre, amorreus niahãdureny ribi, kia resumy watõniri-di, wawaxiahãte-di.