¹ Imo mamo sinenembari amimi mei hotofu mi undari kito amone me hotofu inda mamo sinenembari ta ungope peta anumbeto atira aminda yei rora yo atira awo humbesaira. ² Utu rora awo hotepevo ate pusu ta rora awo mane hotepe sa ewa. ³ Imo petesa eto nu wasiri amone mamo sinenembari ta yei hotofu mei mi hikesaira. ⁴ Mamo da mei ane nu wasiri ra, awo embo mei hotofu pugesa ira amone imonde tapa eto ewamei da hikesaira. ⁵ Petari hikesa ira pusu embo mei da yei, amone rora viro faima, vuchekae, tini kambari, chiro puro sasamuka eto hando ambu, amone asisi ambu ra. ⁶ Rora eito to amimi eoro avo mamo sinenembari ami ta tini kambari nembo pe pugagira. ⁷ Imo rora amide atima eto uvea amone wasiri amiga tapa eto yima fuma eto uvea. ⁸ Ate imo poroho eto kito awo rora cho memesi, tini kambari, mina sasamuka, ke garesa eto nu pe ta ke tefotafo agea amide. ⁹ Ke sokova mina ara eowe, imo embo mandu aminde ivata kawata kiti awo teu keyo, ¹⁰ Eto imo embo eha chiro kari eha te embo sinenembena awoto nombo ae. ¹¹ Einda cho aminda ano Grik Jiu, tamo mendo tiwari eto tamo mendo tiwae, hofirir tu tiwari embo mei, sasawa vechari embo, puro garesa ari embo mei , embo puro atae, ate perari ane mei hotofu eto mei hotofu perari ta cho ta. ¹² Awo embo mamo sinenembari ta ucho embo mei ane hotofu, tupo hubari pe, safo ari cho, ke tapa ingari eto chamo chamo. ¹³ Hondate mina ara eto osa mina ara evo. Embo amimi embo tapa yoka tupo ewamei ae uve kito, mama da mei ungo hotepeto kito toto eto ira awoto nombo awo embo mei awo hotepeto kito towo. ¹⁴ Ate rora perari amida chota amone tupo humbari atesa ira kito ane ewamei da vetu ra. ¹⁵ Nu komo awo toyo mei hotofu ta peka ami chingama are. Peka amimi ari umone tamo tapa amida chawo esara eto pe atekutera. ¹⁶ Mamo da mei da hotofu ke ta gayafa ke mi sirari tupo kete haveni de chakekate eto asisi ewamei da haveni de ya uve mamo sinenembari chakeka ewo. ¹⁷ Rora perari pe awo inemi esa, ke mi esite mo iwata kawata esite awo perari mei sinenembari ta chavota eyo. Mamo sinenembari ainda yei atekari hikesa ira. ¹⁸ Asini mei, ungota iu pono da ke ingito ambo ambo ewo, awo mei sinenembari ta tombuta wasiri ewamei. ¹⁹ Iu pono ingota asini mei tupo humbuwo eto tefotafo teowe. ²⁰ Hinafena ingota aia-mama ta ke yo era awo ingito hera ewo ane mei da yei osa ari pe ra. ²¹ Mama mane ungota hina feina ta yei ke garesa mi eove, awo ungo tupo ewamei ae eore. ²² Puro embo mei, ingota kitichichiekari mi tamo visi ta rora perari yo esera awo ingiwo, mane titi mi kose puro esawa, amimi embo tupo ewamei esera ate pe cho osa te eto mamo sinenembari ochu uve ewo . ²³ Puro yo ea, nu cho ta asisi mi mei sinenembari ta yei ea awoto eyo ate embo ta yei ea awoto eoe. ²⁴ Imo kosea nu ewamei ari kitita yo uwea ane Iesu ta yei humbesa amone mei sinenembari awo hondate uwea. ²⁵ Ate embo awe uchae ari wasiri usina aminda riroga amone humbesa ira, eto cho aminda awo karita karita awo atesae ra.