¹ Kitichichikari nu puro embo mei ta yei kepe mi eto inonoda hikeyo. Imo kesa awo, nu kitichiari pe awo nandofo ngandi ta atira. ² Tufaeto feteto penunu mamo sinenembari ta yei manda uve kose atekari hikesa. ³ Ingotena perari awo embo penunu eyo, mamo sinenembari mi ke ta mangiro firikari, mamoda mei ta ke enchukari awo ae. Einda tamonda awo na pufuri mi pundetera. ⁴ Penunu ena, nau yei ta eyo arafa ari nu ke ane. ⁵ Tupo ke humbuto ainda feteto arafata icheketo ichi oreka eyo. ⁶ Nu ke awa manda nandofo ewamei ari te ate ira. Toao teka tapa nenga ta haso awoto ari, ainda feteto embo tapa tapa ta ke mina ae. ⁷ Rora perari nau yeita awo Tychius mi ari kesewa. Umo ne tupo humbari namei eto tumondari puro embo eto Mamo Sinenembari ta puro pe cho mi ari otao. ⁸ Nanemi umo ne heketeno pafusina eia embo kito, imo mandu kosesa nangota ewamei yori ainda feteto tengoro pawari ewamei ikari ingota cho komo ta woesira. ⁹ Nane mi umo ne Onesmas ka tapa hiketeno pafusina, tumonda ari eto tupo umbari namei imo awoto nombo. Ungo mi ke aro keseva rora perari einda ichekutisina awa. ¹⁰ Aristakus, nau tipura otao, imo atekutira eto Mak te tapa, Banabas ta mei simbo ami ke euru ambo ambo eto uvera ami nu yei ta pugari kito tupo ewamei te humbuyo, ¹¹ eto Iesu awo Jastas awoto chawo eto era. Emo ne nau pure otao Mamo Sinenembari ta nandofo ngadi awo embo eto Iesu ta orope ta ami nau yei ewamei eto uvera. ¹² Epapras mi ingo atekutira. Umone ungo awoto Iesu ta puro ari embora. Imo penunu da hondate nembo pe irari imo Mamo Sinenembari ta tifafa pe awa pe kito ainda feteto aindo ae ira. ¹³ Na tota ke kaicha ena umo puro garesa pe imo embo eto embo Laodisia atera awo embo eto embo Hierapolis atera awo embo ira. ¹⁴ Luk sivo hikari tupo humbari embo, Dimas imo atekutira. ¹⁵ Atekutena, nanamei Laodisia atera eto Nympa eto oro hotofu ungota cho ta atira awo atekutena. ¹⁶ Ichi nonde chiwari evi ingota cho ta achikesera awoto nombo Laodisia embo mei ta oro hotofu ta achikesera ao ungo kesera chiwari evi Ladosia embo mei ta chiwari ra. ¹⁷ Achipas ta yei eh, asisi ta puro Iesu ta yei hiketiri humbea awo ewamei eto kose ivata ta hiketo ao pe esa ira. ¹⁸ Evi nau ateka nau ingepe tofo mi kakurena - Pol Nau pufuri pundari awo hotepu hotepu evo. Eto ewamei ari ingote atare.