Na pouka ungo embo yo inge hufena awo ungo kawa ena, eto ungo Laodicea atewa ainde eto embo nembo pe nau tamo visita tombukae ainde tapa. ² Nau puro eiya ena ami ungo ta cho erurirari eto amimi jumbari tupo humbari mi tapata uwe ewa kaewa eto ke moha pe hundo pugarita embere ainda ungo mamo sinenembari tupo hotofu mei imo suka awo kesa. ³ Tohota cho ta tupo ke eto chiro kari te enchukari atira. ⁴ Ke eiya ena ainda pe awo embo nei mi ke sokova iriroro kepe eowa ena. ⁵ Nau tamo visi mi ainda na inga ataera ate na ingae atena asisi ta, nau fetari eto hotofu mei tumonda ari sovera awo kose chakekaena. ⁶ Mamo da mei humbea awo embo tohota ucho ta aindo eyo. ⁷ Nu tumonda ari awo tohota cho ta eto yo imo atofatetero kosea awo to chakeka porekami. ⁸ Imo eounga ao chiro kari embo mei mi pusu ta wasiri tefo tafo ainda hundo pambaro keriso ta wasiri awo toe. ⁹ Tohota cho ta mamo sinenembari awo enembo tamo ombuto atimaetira. ¹⁰ Imo tohota cho ta sirari eto embo ane awara ari hikari embo eto kiti chigari perari ainda inda atira. ¹¹ Tohota cho ta imo tapa eto susu tumo tiukari ra, ane tamo arafata aerate Iesu ta cho ta. ¹² Imo ane yei hotofu mi egetero Iesu ka tapata uncheta woeto ehako erurea tumonda ari mamo sinenembari ta yei. ¹³ Nu petari mi tamo nu tiukae awo Iesu mi hotepeto kito toto hundo tapata isina. ¹⁴ Ari sasamuka perari tiuketiri wowosina orekata vitito. ¹⁵ Amimi sovera eto awara ari umo hundo arafa isina awo oreka ta sovera mi hundo teukutisina. ¹⁶ Awo embo, embo amimi mane ungo pondo ichi, hariga eha eto ichi hotofu te yai eto indari indiro wo ke mane esa. ¹⁷ Mamo da mei da utumonda rora perari ichekesa ira. ¹⁸ Embo nei amimi tohota mina humbari mi eto utu angia chakeka mi awo ingana hasesa ira ingo embo eito ane Iesu mandu kito atiri tefo putewa ingota hotepari mi. ¹⁹ Mamo sinenembari ami ingota tamo perari simba ira tei singi eto pambuto hofirita. ²⁰ Imo mamo da mei ka tapa pusuta peteto kito, yo ambo pusuta imo chigei. ²¹ Tamesi eoe chigoe eto andifo eoe. ²² Perari machesaira chingama esae. Embo ta atofatari eto ke mi ira. ²³ Ago tari emo tupo ke imo eunga ari ingora ae embo perari ta tamoda. Awarate ingo amo pouka nei yo aera tefo tamonda ucho awo embo.