¹ Ou eiai ni Eloi nu opara ipia-ipia rokoa miai. Nia u umu ukua lia aiai. ² U umu ane rokoai, uku Keriso ua enei umu liei oparai. U rokoa iokanave enei eiai, Eloi ima miaokuai. ³ Ai kapoi ni lae koravai, lipi paliei, inamu, inamu mo manipu mo umu lipi rokoa uriria miki. Ou A'a oro Eloi nu Ia'a A'a pea. ⁴ Omoro lipi, omoro evae, mo aipo omoro pakuruei. Ou omoro uriria, Eloi u ama lae riaka'apea. Ai Eloi tanikiu omoro monou okuai, ene rokoa laruai. ⁵ Lipi A'a u rokoa ama miaka'apea Eloi nu eiei Keriso laruai. ⁶ A'a na mikipe omoro paniki mokie. Uku Eloi nu iruku aneakana viria lipi A'a i. ⁷ Ou eiai rokoa lipi A'a ne pa-apuei. ⁸ Ni ou pani muru rokonave, ai eae miki ni parea u Amua Iesu laruai. Parea nu ukua oparai rokoai. ⁹ Parea nu uru' u oure; Umu, Airu mo Kopai. ¹⁰ Mo rokoa ima varomo aine ni rokoai, Amua kopai okua oparai. ¹¹ Lipi liai pa-lae riai, uku ou opara lipi uriria miki u muru nu peiou. Rokoa lipi A'a omoro okine parea rokoa miai. ¹² Ou A'a u makiri miki ou, ua vaukiai lima keia lipi kuruai. ¹³ Ai ou lipi uriria miki ua pareai ane ane imau. ¹⁴ Lipi uriria miki ua kuruane, ou A'a u parea u. Uku puka na kuruoko keia omoro u eire; A'a e, o'o pakeie, la'ane imua mere, Iesu - u parea liakana.'' ¹⁵ Inamu ima miki aune ''ni rokoai.''Ni ekara oparama rokomakei.? ¹⁶ Ima rokoa emana karikine, uku ei pani u onomo lipi nu pani ou. ¹⁷ Ou eiai lae pamuru liei, Amua nu ima lae korama keiai. ¹⁸ Ere lipi panavei, ai kava Avaea Ia'a na ni laruai ikirina moki. ¹⁹ Salamo laruai mo Avaea Ia'a nu omoro'o, Amua avioine. ²⁰ Keriso Iesu nu neo mere, Eloi Mai kopai voa okuai peipei uriria miki eiai. ²¹ A'a i arau line, uku ni Keriso nu ukua u. ²² Ae'e ni Vake pa o'ope Keriso laruai, uku Keriso u ene Ia'a Lavi nu Iokau. ²³ Vake ni Ae'e nu uku A'a urokoa laruai. Keriso u Ia'a Lavi ou. Ai kapoi Keriso u Ia'a Lavi nu Ioka A'a u. ²⁴ Ene uriria miki Keriso nu Ia'a Lavi ou. Ae'e nioko Vake ai arau liai peipei urira miki aiai. ²⁵ Vake ni Ae'e umu okavai, uku Ae'e u Keriso nu Ia'a Lavi mo. ²⁶ Keriso u ene Ia'a Lavi miki -miki ou. ²⁷ Uku ei Ae'e u Keriso nu vapara. U kape koai, epa mo apa eriau. Ai kava u Ia'a mo vapara miki ou. ²⁸ Vake ni lae miki, miki ane, ni Ae'e umu okavai. Uku ni mo ni Ae'e ane noro kape monou miki ou. A'a u koana u Ae'e miki umu oka'ane,u, ukape mo ua umu lima keina. ²⁹ A'a mo u kape laririai kuru oko keiapeou. Ai kava ua imai maika liai, navai okuai, rokoa ima miai. Uku Keriso u ene i maika lima'keina, enea u Ia'a Lavi lia eiai, rokoa miai uau mere. ³⁰ Uku ene u kape nu aruku miki ou. ³¹ Ukua u Ae'e mia, u Maii mo Aii, ane avei'ia kana. Oro monou iki aneai nava kana. ³² Ei omoro ovara miki u vaukia omoro u. Ai kava, na Keriso laruai oiviriai kuruma keina ni eiai uku ni u Ia'a Lavi mou. ³³ Ou eiai A'a mo nioko, ni Ae'e miki,miki umu okavai. Ni e'e monou nia umu lia oparai. Ae'e noiko Vake miki,miki avioiai Keriso laruai oiviriai.