¹ Nai, ou aiai, Amua anu tipura A'a, na nikima keina enavai rokoa ima ua lae'nilaue oparai. ² Na nikima keina ni rokoa ovara miki arau liai mo A'a ima oparai mo kevere ana maikalia rokoai, ene uriria monou iki Amua nu umu laruai. ³ Ni venea mikiane Avaea anu kiripai airu laruai. Ni lae ipi-ipia miki ane, kiripai rokoa karikine Avaea ane Iesu ai pirima rokoa keiai airu laruai. ⁴ Ene kape monou, mo Avaea monou, ua ni laea nilauei oparai, lae korava monou miki ua nilauei laea kiri. ⁵ Ou Amua monou, pirima rokoa monou mo bapatiso monou. ⁶ Mo Eloi monou, peipei uriria nu Mai, u peipei uriria nu Mai u peipei uriria miki nu ovarau, mo peipei uriria miki u'u laruai. ⁷ Nai niane ene, uriria miki, umu lae miaka akunave ipi'ipia maka pei opara Keriso nu umu pei. ⁸ Ia'a omoroa kuruoko keia oparai; Ua upa miki inuei pani u lipi iki era vaka inu nave, mo ikiri nave lipi laruai mo u A'a umu pei ekunave. ⁹ Ei voa nu miki oiana ''u inunave'' u liri mane nave Kae upa arau miki mako'o. ¹⁰ Kae upai liri manei A'a u monou, kapoi ua monou inunave, peipei uriria nu upa miki Kaia pairi. Uku pei uriria miki u pei ou. ¹¹ Keriso u A'a voromo iaki miaka ekunave, apostolo liai, varomo peroveta A'a. Varomo evanelia A'a varomo omoro A'a, varomo ipaokia A'a. ¹² U ei iva pakara miaka ekunave A'a era'a enavai, ou eiai iaki okavai, Keriso nu kape. ¹³ Pani uriria miki u kape upai laokama keiai, enaviriai enea pirima'rokoa nu kiripai rokoa mo Eloi nu ukua nu evera auokuane, mo ene Keriso nu vapara evopoa miki nu maka auokuane. ¹⁴ Keriso ua kariakima keia ukua ene ou aiai, ene uku a vakiaka kae ukua, kavaea lipi a evukiaka kae ukua, mo A'a lipi omu epoma omoro lipi viria ukua ene ou uku apea. ¹⁵ Ou eiai kava ene voa miki kurua iki nu umu laruai ene koko la'ava inuai oka e'e uriria miki mere; uku Keriso u ene uku A'a monou ou. ¹⁶ Keriso u kape ovara miki karikiai inanave mo u monou iki peipei ipa ekanave mo u kape laruai paiakami enavokoma keia oparai mo ou kape oroa iaki monou iki liane, u ovara liakana u e'e umu laruai. ¹⁷ Ou aiai na lae nakiai mo ipa, nakiai ei pei uriria Amua laruai, noro gentil A'a rokoma keia ou oparai monou paroko'makeiei, lea koravai lipi ane ou. ¹⁸ Oro omu lae korava muru mere u'uru kiapeo mo oro Eloi ane rokoa eria u, uku oro eria inamu kaipu,kaipu mo oro umu kani miki ou. ¹⁹ Oro makiri eriau, oro opara lipi rokoa laruai ikiri oko rokoma'keina,mo oro pani uriria imunu lipi lae koravai monou rokona. ²⁰ Kava enea Keriso aiai ipanikie opara apea. ²¹ Na ipa miki ouni ou omoro virinave ,ni u ipa miki uku voa miki Iesu laruai. ²² ene ni ipa'niki'nave, ni rokoa eni vake e liei peipei lipi avene, ou a'a eni'i aunakae u opara dipi a'a o, uku u laekorava u lipi ou. ²³ Ene ipanikinave ni laekorava avaea laruai ni umu pei miakana. ²⁴ mo ni a'a norea aine Eloi ua kariki'nimi'nave o oparai ima miki mo ia'a miki. ²⁵ Ou aiai euae omoro avene, nomo uriria miki voa voa miki kuruai, nomo vara'vara a'a ne, uku ene uriria miki, a;a monou. ²⁶ Iruku paliei mo namea paliei mo lare pa lirimaokei ni iruku ane roko'viriai. ²⁷ avaea lipi oka'pamia'okuei. ²⁸ Ni koana, avapu limakeia a'a u avapu lari'liai u eve iaki linamoki uku a'a durupu iki pai'ekava'kana. ²⁹ Ni ani mere voa lipi pa kuruai, paioka omoro monou kurune a'a era'inavai oro lae lia pei uku ni omoro a'a pai'ekava'kana oro a viriane. ³⁰ Eloi nu Avaea Ia'a pa irukuei ene ia'a maka u akunave ene Iesu ipaliei lare. ³¹ Omoro lipi pa kuruei, lae lari pa miei, iruku pa diei, a'a ne voa pa'akinave a'a voa lipi paokei ou liana avaea lipi rokoa pa miai. ³² A'a ima lioine, umu imane, lipi akinane, aneai nane emana, uku Eloi u Iesu laruai enei ima ainave.