1
Uku ei voai na, Paulo,Keriso Iesu tipura a'a Gentile ni aiai.
2
Na nikima'keia ni oma viria ia'a peipei maikarioko opara Eloi nu umu lae ane u naiai miaka ikunave ni aiai.
3
Naia ipa'lima'keia avae ana ikikama keia pei varomo na ni ouaiai kiki'nima'keina. ou vaukia voa miki, mau'u miki na nikinave
4
Naia ei voa ama erere'e, ni ipariakana na lae laruai ei vaukia voa miki Keriso aia.
5
A'a airu mo laruai ei voa miki ipaekieipeo'o a'a ukua uririai.kava eai u oma ikikave avae'ana u apostolo mo peroveta a'a ei iaki aiai auokavei iki.
Ei vaukia voa miki u eire, Gentile a'a oro iva'a eku'aka'keina,oro'ko omoro lavi a'a varomo. ou liana keriso laruai avea omoro oro mi'inave.
7
Na aivara a'a linave, Eloi nu omoro aiai U umu pei
ikunave u umu lae miki merenaia u iva'a iaki liai.
8
Nai'ai- na A'a arau miki ou A,a uriria miki laruai ai umu lae miaka ikunave nai Eloi nu voa kuruai gentil A,a oro veveape limakeia iki marimari Keriso laruai.
Na pani paku nu laekorava iki'i kavakana pareai A'a uriria miki ipaliai-Eloi a Kae upa ei karikie pani kuruape lie omoro.
10
Ei pani paku nu laekorava u omoro lavi laruai iki'i kava'kana. Oueiai Kaia pairi laruai, Ia'a A'a oro ikiriai anea kana pei aira miki Eloi nu lae evera ai'i.
Ei voa ua vara liane uku Kaia pairi nu vaukia lae korava. U lae koravai everekia kana Keriso Iesu ene Amua.
12
Ene Keriso laruai lae iviri ane mo miki ane rokoa ipali'ina uku ene pirima rokoa Keriso laruai.
13
Ou eiai na lae nikiai, lae pa'aina liai uku na ni aia oka kani enama keina, u ni vapara ima u.
14
Ei voa u eiai na ari epu aima keina Mai ai.
A'a u koana A'a avai uriria nu neo Kaia pairi laruai mo Kae upai.
Na noki laruai na u okina u vapara nu marimari nikuai, u iva na venea nikuai, u Avaea ni laruai.
17
Na noki li'ina Keriso u ni Umu laruai rokoai, pirima rokoai mo ni kikipu aea kana u umu laruai.
18
Nalae ni venea liai uku ni ipa liakana, Iesu monou pirimarokoa iki ene u peava u va'au u upa mo eporo ipariakana.
19
Mo ni ipa liakana Keriso nu umu, A'a evera ima na evopoa emiakana.
20
A'a mo ipapea u ama, u leko mo A'a mo u ama aneokiaka'apea, u iva ene lae laruai.
21
Uai vapara ima omoro Lavi laruai mo Keriso Iesu laruai, pani va'au A'a uriria miki laruai opai opai ''Oaiou.''