¹ Ukua, ni Ai'i mo Mai'i ane ima virieie ai, Amua laruai ovake u imau. ² Ni Ai'i mo Mai'i, ane avieiai, uku ovake u ni pina vupu miki ou. ³ Ou mere ni ima lia kana mo rokoa va'au miakana ei Kae upai. ⁴ Mai'i e ni ukua lipi pamaika liei, kava erana inae mo opara ima ipaekine mo anana eine Amua nu rokoai ⁵ Aivara'a ni iaki nu Mai'i nu voa kamaia liai miki ni umu ane. Mo voa ima miki kamaia liai, ovake ni Keriso laruai kamaia liakana. ⁶ Viria kamaia line amua a'a na inamu kaema keia pani. Monou apea oro kopai eiai. Ou aiai viria ima line ipi-ipa Keriso nu aivra A'a oparai. Ni umu mere Eloi inu lae lioiai. ⁷ Ni umu miki mere lioiai. Ni Amua nu lae lioina A'a aia pea. ⁸ Ou aiai ene ipau ene A'a ua ima liane, u umu pei miakana Amua laruai,u akoapea A'a nu aivara lina. ⁹ Amua, ou opara ipi-ipia ekane ni aivara iki, pakore eie. Ni ipa lia keiai oro mo ni Amua ane Kaia pairi. ¹⁰ Ika niki, kani oiai Keriso laruai mo u venea iva laruai. ¹¹ Eloi nu iara aruku okane. Uku ni imai oiakana. Avaea lipi nu vaukia voa aiai. ¹² Ene iara u aro mo kape anema liaka'apea, kava avaea lipi nu venea mo omu mai oroane. Iva mo eai lare nu muru. Avaea Ia'a na iara ekava kana, Kaia pairi. ¹³ Ou eiai Eloi inu iara aruku okane uku ni kani oiakana ei avaea lipi nu pani. Nia pei uriria aia keiane, ni kani oiaka. ¹⁴ Kani oine'e, ni iara aruku aine; mako pereta voa miki, ¹⁵ u'ukari vavai rokoa ima, tamaka okavoko oiai, ia'a omoro airu kuruai ¹⁶ Oka e'e laruai pirima rokoai oine, ni ovake aneoko iara ivai uriria miki muru akana. ¹⁷ Uku asi aine ioka aiai mo Avaea nu kaia u Eloi nu omoro. ¹⁸ Ni noki uriria miki laruai mo ane'ane, pani uriria miki noki li'inamakei Avaea laruai oiviriai. Ei' eiei laruai, inamu imamiki kaemakeiai aneoko oka e'e laruai nia Eloi nu aivara iki noki eka'a pani. ¹⁹ Mo nai aiai noki line uku omoro u ikuai vairu akana naiai ani auane. Noki li'ine uku naioko ipalima keina venea mo vaukia voa Ia'a omoro'o. ²⁰ Ei omoro ueiai, nai u aivara iaki A'a oro nai tipura i kaimi'nave. Ou eiai na noki kanimiki li'inave ei omoro ueiai. Uku nalae omoro kuruai ei Kae upai. ²¹ Tisikas, umu ipa A'a mo u pirima'rokoa iaki Keriso laruai, ua niki akana na koana mona ekara oparama lie 'Aa na rokoa laruai. ²² Naia oiviriane niai'i, ei iaki ueiai, ni uau mere ipaliakana ene ekaraopara iki ana. Ou mere ni umu paioka omoro aiakana. ²³ Airu noroane mo umu, pirima'rokoane Eloi ai mere Keriso Iesu laruai. ²⁴ Umu lae ovara miki enana A'a u koana Keriso Iesu lairuai, lae miki'miki ane pirima'rokoa lia iki.