¹ Nakane buga da buro emo ata Keriso mi udegari pipisisiya, awa tedo, darido petewo, gaegae edo tekago torawo jigama euye. ² Giwo nane Pol, mi imo de mane tena imo emo aimi ito tamo piteto ainto kapera, awa dave da ro Keriso da yeida kumai yaera giyo. ³ Nane mi ito mane emo berari dayei da tekago tena awa imo emo da aimi doteto tamo ainto kapara awa ao dari berari awa amo amo eyo. ⁴ Imo emo aimi aodari awa gebe ango eta gido awa Iesu mi imo awa kapedo dowaya edo imo mana toregari mana gata. ⁵ Tumoda ari ge be ari, asisi da doda itaiya gido awa nato kane ewa gaewa awa gumaya . ⁶ Bada Iesu da yeida awa imo tamo ainto kapari ta kapaeri roviravi berari, ata da kain be tumodari buro eiya ainda do awa dubo bari guamiya. ⁷ Imo dave be tupeta, emo da aimi imo wasiri gebe awa kera eoteke beigaera givo. ⁸ Mina mina ewa awa emo imo mane dao siya ainda yeida edo gumae era. ⁹ Ame badari siwo saka be piata ami awa ame berari tapeteta awa badaya. ¹⁰ Nato tumodari bajina awa Bada da yei da isiya awa tedo imo mane gaegae edo kotemari nei demo da piowe. romi esiri imo buria eta ami katari da oiaiya,imo emo da aimi eteta awa. ¹¹ Dodoma, nanemi matawa tamo ainto kapari awa karigedo tena, nogo nogo edo na matava doreite isi maedevi ?ainda do ainda awa mina mina edo gadedo orega awa dodo teu gosisia. ¹² Emo aimi imo danana era. ¹³ Daotato imo maneawa udegari da dao sisiya, dero dave itewa. Awa tedo gaegae edo udegari da itewa awa tamo pisi da udo eowe, edo, dubo bari mi konda minara eite isiwo. ¹⁴ Aodari berari awa dadaima aodari da kina ma da sisida, "daotato ito demo awa dubo kumuyo da imo akuta dubo kupeta ango awa. Imo daotato de motou edo akuta inata gido awa imo be gido gogo eyo imo mina dodo inara. ¹⁶ Ata nane mi tena, ainto asisi de daedo eyo, ango ata ami awa jimbo da udo tamoda awa itaya. Jimbo da udo tamoda awa asisi de daedo ari tao ae. ango edo mina mina ara ete ami awa imo buro nei daro ari tao ae ra. ¹⁸ Ata imo asisimi gisi jiaya awa, imo awa aodari da tuda itae. ¹⁹ Boroko be tamoda jimbo ainda kariwa awa, jita baita, wasiri bebe gae. ²⁰ Owe kewari, ina kae, gitopo ,jiwa dudunu, sini gamari, dedo ari ari mina ari, piyae gamae ,tano gayari. ²¹ Mina kumari, un okain inari emo, okain mata mata ineite dubo dave ari, edo iwata gari gari ango edeta awa mane mamo God da avigari dero da torayae. ²² Ata asisi da nide awa dubobari, yawa yawa, bega, kera ari ewa gaewa ari, tumo da ari. ²³ Netegari, edo akuta simagari roviravi einda aodari awa itae. ²⁴ Emo ave Dada Iesu da awa tamo da jimbo da udo awa berari orega da dorisia ae mina kumari okain be edo udo ede. ²⁵ Nakane asisi daedo itenakane, inge kane asisi da ainto ana kane. ²⁶ Nakane gae gae edo atuka piari witari, sinigamari emo nei de aiyae, mina kumari bebegae emo nei de nei ayae.