¹ Doma mane, emo nein awa jimbo ro mi bunaiya, awa imo awe asisi da iteta ami ambuye ari asisi mi ambuye eite konade ewo.Imo atuka goteite eyo, ko imo daedo bawari da durote. ² Emo nein da bouga mina kumaewo, ko ango mi Keriso da aodari awa awo beaiya. ³ Ko emo aimi imo emo be ango kotemata, ata imo emo beae awa imo atuka udumoteta gio. ⁴ Emo dada awa ainda buro topo awa udugedo gosite ro etata awa imo akuta dasiga ata, emo nei da awa aiye. ⁵ Ko dada awa ainda bouga topo kumudo ainto ana kane. ⁶ Emo awa ge da atopatari kumiya ami rorae dave berari emo atupasiya ainde kano kano eiyo. ⁷ Dowato imo udumeore .God awa udu maiyae edera ko emo mi ro uresiya, ane imo re ainda be awa daedo kumaya. ⁸ Ko emo aim ito jimbo da we ito tamo pisi da ureteta awa tamo pisi da jimbo ainda awa bebegae awa kumata emo da ami we asisi da uresia, awa asisi da ainda awa itari natopo asisi da ainda kumaiya. ⁹ Dowawo nakane wasiri dawegawe ari awa beowo eonokane, ko ainda iji de ainda natokane buro enakane ainda be awa kumana kane,ko neige buro awa dowayae gido awa. ¹⁰ Awa emo berari, nakane to pirigari kumana kane engo de, nakane wasiri ewa gaewa emo berai de anakane, ouwa awekave ri tumo da ari orobe da itera awa mane de. ¹¹ Gi owe bibain ro nato ipa topo mi imo kena gagurena eiwa gio. ¹² Ouwa aimi pisi da dave gave edo ami imo do kumdo oro do wasiri ari tamo ainto kapari kariwa kumatete era gio. Emo mai awa era ane tepoko Keriso da orega awa tedo deoreke dedegai era. ¹³ Ko ouwa aimi kaimi tamo ainto kapari kariwa kumdo era ami aodari amo amo aera, ata emo maida jipapa awa imo tamo ainto kapari kumatete jipapa era, ago ato emo mai awa ito tamo pisi awa tedo dareite dao ito jiaro erarate era . ¹⁴ Ata na dariga ge tai ae rata Bada Iesu Keriso da orega aida dariga ge tana, to ango da butu wasiri nato yeida beteiri,edo na butu wasiri da besitena. ¹⁵ Ko tamo ainto kariwa kapari tako kariwa kapaeri awa ajigaiyae, ata ro ajigedo eiya ane wasiri teka gumari ra. ¹⁶ Emo berari dero tega ango da isima edera awa, doari edo bega awa mane da yei, da ango God da avigari emo mai Israel da yei. ¹⁷ Boroko edo, bamteiya ainda doawo na emo da aimi bouga piyoye, ko nato tamo da Keriso da kariwa kumdo ena re. ¹⁸ Doma mane, natokane Bada Iesu Keriso da toregari ito mane asisi de dada itare -awara gebe.