¹ Nane tena ane mai dero de isipapo de, awa imo saka isia angode awa buro okain be ari emo edo imo awa eve ae, ata imo awa isipapo edo rorae awa topo. ² Ata imo awa dedegari emo edo isipapo sima ari emo ainde tuda isiari, iji ainda mamo mi pipisia awa gumaia. ³ Ko daedo, neinge kinapeina babaingae itenoinge neinge awa butu da aodari neinde kainde mi bunedo esiri buro okain be ari emo esitenakane. ⁴ Ata ainda yowo edo iji be awa gumiri, God ainda mai pisiri gupusia, aodari da tuda. ⁵ Ango esisia awa ouwa averi aodari da tuda itera awa udegai esisia. ⁶ Edo ainda be awa ko imomane awa God da mamai awa tedo ainda mai da asisi awa itomane doda pipisisa ,ami dao tedo eiyo "mamo nato mamo " ⁷ Awa tedo imo mane buro okain be ari emo mai ae -ra -ta mai be ra edo imo mai be gido, God da to ango da imo awa dero de isipapo de. ⁸ Ata iji ainde, imo God gae iteto, butu da goroba ,god ae de ami imo awa etero ouwa averi ainda buro okain be ari emo esiteta. ⁹ Ata boroko imo gumudo God geta, ok tenakane imo awa God mi gosisia, nongo da imo butu wasiri bebegae, be itae ainda warere gotesi? Imo tekago matawa bunarida itai ji papa esita. ¹⁰ Imo iji edo kariga teka edo yowo edo pura mane jigama eta. ¹¹ Na imo emo adu ena, ane ebata nein ainda nato buro imo de mane ena awa tepo ena ango aiya. ¹² Doma mane, na imo mane tedo gotena, na da ango ewo, okna do ango imomane ango eiana. Ine mane namode beyae da ro ae. ¹³ Ata imomane gotewa ainda be awa pisida karu amburo mi esiri na binga dave imo mane de awa tuturo da tena. ¹⁴ Nato pisida karu amburo mi imo mane bawara atoka, imo mane namo de sini gari edo na ajire-gae ate na God da anera ango inge kupawa, na Keriso Bada imo be ainde ari inge eiyawa. ¹⁵ Nongeda, ainda ito mane ao ari ewagaewa isiri?Ko na imo mane de tarigari ena ane ko aritao aiya awa ito mane jisi topo teugedo namo de piae etewa. ¹⁶ Awa emo rare, na imo mane de de ge be tena ami eiri na ito mane gitopo emo enita ? ¹⁷ Ouwa mane imo kumaro awamane kena bamatete era, ata dave tedo ae ra. Ouwa mane re imo gadaro werigatete era, ango aro imo daedo ko awamane kena davegave ateteera. ¹⁸ Wasiri davegave be isia awa kumain matawa ata edo na imo de itae da ata awa dave. ¹⁹ Nato kinapeina, na awa tekago memesi mai kupeite kumudo era ango awa mata kupeiano, keriso ito mane doda dero kumaiya. ²⁰ Nato udo awa na boroko imode mane isite nato ge opu engo awa dodo warere gae - etna ainda be awa na awa imo mane awa daro daro be ena. ²¹ Na teu gane, imo aimi aodari da tuda itai udo esi, emo aodari ingasita ingaeyari? ²² Ko gaiari da isi ane Abramham awa mamai tote, da awa buro okain be ari gagara da edo da awa evetu udegari be ainda. ²³ da awa buro okain be ari gagara mi eingisia tamo pisi awa embo rare ata neida awa evetu udegari be ami engisiya, ge kotopu eite awara esisia ainda toda. ²⁴ Rora engogo tai anakane awa kotemotena esisia ge aiya, ko evetu mai eiya mane awara ari kotopu tote ainda dero kupera. ²⁵ Boroko Hagar, jiri sanai, Arabia sisia ainda dero kupeia edo ewetu awa bunari da ainda kinapeina de isima-edeia. ²⁶ Ata jerusalem ikane da isia amure udegari be, edo ewetu ane nato kane ai ra. ²⁷ Ko jiwari da tari isia an "dasiga- e, emo mai kumari tao ae ami euri mai kumae isima-edera, jisite aoro tedo yawa eiyo, imomane mai kumari da memesi gae itewa awa, ainda be awa kinapeina ewetu adu bamusisia ainda awa bajina be edo ewetu eu be isia ainda awa saka". ²⁸ Ata doma mane, imo mane awa da Isaac ango, awara ari pipisia ainda kinapeina ra. ²⁹ Iji ango de mai pisida to angoda kupusia mai ami nei asisida engisia mai awa dedo gaedo esisia boroko da ami gari da ango ra. ³⁰ Ata jiwari da ami ro siri ?"buro okain be ari gagara ae ainda mai de awa eve piye bamore.ko buro okain de ari gagara ainda mai mi ewetu udegari be sisa ainde mai da isipapo awa topode aiyae." ³¹ Awa embo- rare doma mane, nakane, buro okain be ari gagara ainda kinapeina ae rata ewetu udegari be isia ainda kina peina ra.