¹ Galeisians kawaari ain mi ito mane tamo do bouga pipisiri ane ito mane jisi beda Bada Keriso awa orega da doritera . ² Rorae re daeiwa na ito mane iei da gai jipapa ena imo mane asisi mo aodari awa amoamo edo ami kuputewi ta ko ge ingitewa ami ge be edo kuputewi? ³ Imo mane be kawa ta? Tuturo asisi mi esitewa awa boroko tamo pisi mi itae ai tedo ewita? ⁴ Imo mane memesi bajina be kupewa amo tepo kupauta ge be berari tepo kupawa? ⁵ Imo ami asisi imo imo mane de pisideia amo edo kore ari buro ito mane teoro da edeia amo aodari buro mi edo eairi ta ko ingido gebe ari mi edeiri? ⁶ Da Abraham mi "God gebe esiri ainda dave esisia ainda kotopu ari pipisisa, ⁷ Da ango awa " ouwa aweri tumoda ae evia awa Abraham da kinapeina ra . ⁸ Jiwari da re God mi emo aumo awa tumodari ainda toregari kumara gosisa binga dave matu Abraham de sisia ane , "Ito toda emo bagina be nasi babain da itera awa ao ari kumara sisia. ⁹ Awa emo rare, ouwa awe tumoda era awa Abraham de dae do ao ari kumara,emo tumoda ari emo ainde. Aabain da itera awa ao ari kumara sisia . ¹⁰ Berari aimi aodari amoamo ara kotemedo era ,awa bouga da tuda isi maedera, awa ebo gayari da isia re,"emo berari aimi ao da ove jiwarida awa vevetedo ae edo iwata piae awabuoga da itara." ¹¹ boroko itaga eiya ane emo da awe aodari mi ae God da doda awara ae, ainda be awa ge be ari ami ari emo kokopi da itara." ¹² Ata aodari awa ge be ari da ae, ata "emo aimi buro aodari da eiya awa ainda itaiya. ¹³ Keriso nakane aodri da bouga da udegosisia da nato kane bouga edo ko ove jiwari da ra, "emo berari aimi ni da ekogoteia awa bouga da isia. ¹⁴ Ango da awa ao ari Abraham da awa emo aumo da iei gumae esia Iesu Keriso da to da, ango ari ge be ari mi Asisi da tari petari awa kumae etena kane . ¹⁵ Dodoma, da ge emo enemo da tega da tena. Emo da awarapiari petari dado emo da ami demo da piai ae oko tekago tamoda piaiae, da aodari mi pisiri pepoteia da awara. ¹⁶ Eire tari pepete gari awa Abraham de ainda ve de, engo tae," ainda ve mane de" jiwae be de site tae ata ane da kakima be de sisia edo vedo, "ane Keriso awara ¹⁷ Eire ane engo site tena. Aodari, gupusia duberi 430 itae esiri, awa matu da God mi piari temari pisiri peposia awa demoda piae. ¹⁸ Ko isipapo de awa aodari mi piaia gido, awa ko awa matu piari petari da ango edo gumae esia, ata God mi ainda piari petari da Abraham de pipisisia . ¹⁹ Aodari da be amo rori? Awa tamo da pipisitera ainda be awa jimbo durero gido awa isiari Abarham da ve mi gumarete awa kane piari petari ari da. Aodari awa anera mi etero goroba esisia ge sirigari emo kena. ²⁰ Eiri ge sirigari emo awa jiwae de sia ata God awa dakaki. ²¹ Awa tedo awa aodari awa God da piari pepetegari de mina mina eiri ta? Kokopi be ango ae! ko aodari mi wasiri piae esia gido awawa kokopi itari awa be aodari kena gumae esia. ²² Ata jiwari da rorae berari awa jimbo da tuda gajisia. God engo esisa ane nakane toregari da piari petari tumoda ari mi Iesu Keriso da doda awa da aimi ge be eia ainda piai awa esisia. ²³ Eire gebe ari gumae gisida, nakane aodarida tuda kumudo bunari, gadari da da isima ko gebe ari arapa arete tedo esisia. ²⁴ Awa emo aodari awa nakane sima, tewiriko Keriso gupusia, ango ari nakane awara ari gebe ari mi piarete tedo. ²⁵ Ata boroko gebe ari gumia einda, nakane sima garida tuda itae. ²⁶ Ko mi mane berari God da mamain Iesu Keriso ge be ewa ainda to da. ²⁷ Ko mi jiwae awe keriso da bapotaito eteta awa keriso de daedo ometa. ²⁸ Ainda awa Jew tako Greek, ainda awa bunari da tako bunae da, ainda awa emo tako evetu, ko imo mane berari awa, Iesu Keriso da doda awa da kaima. ²⁹ Awa emo imo Keriso da gido, imo Abraham da ve ra, piari petari da awa imo dao de isi papo de.