¹ Gaganube, nanonamenji, nakare imomane kondade era Bajina Toregari embo ainda doda itawate ge okain be tenakare. Imomane atopatari natokare yai bewa imomane nongo ainto aewi edo Mamo dasiga ari awa, daedo, begata einda doda ainto beowo, ango ewa ami awa ainto be bajina be awa. ² Imomane gotewa atopatari ro Bajina Toregari embo ainda doda natokare mi itomane yai pipisitera awa. ³ Eiwawa Mamo da jipapa, imomane ari kotopu aewa embo, awatedo jitabaita ain ae tengewo, ⁴ ango ewa awatedo imomane dada itomane woru topo ango sima eiyawo koyopu itaini awa gawa, ⁵ evetu de awari da udo ainde da itain ae (embo etene Mamo gaemi itera ango awa itain ae). ⁶ Embo da ain mi edo tega daginegain ae edo ainda namenji buro ainda ari beyae ainyae. Bajina awa roviravi berari einda mina ari embo, garida natokare mi imomane tetenokare gositewa edo tenakare ango. ⁷ Mamo mi nakare dao sisina awa donode itanekanete dao tae, ata kotopu itanekanete dao sisina. ⁸ Oiya tedo embo aimi ge eiwa jipapa ae eira awa embo jipapa ae, ata Mamo jipapa ae eira, embo ami natokare yai Asisi Kotopu pisideira awa jipapa ae enakare. ⁹ Doberari mi nanonamenji dubobuwo, imomane embo neneimi ove itomane yai eorekae jipapae awa, imomane akuta awa Mamo mi atopaposisina dao namenji nei dubo bawate. ¹⁰ Iwata ewo, nanonamenji berari yai Mesedonia ainda itera ainda yai buro eiwa ewo. Ata nakare imomane buro awa awate awara enakare, nanonamenji, eiyawa bajina be bajina ewo. ¹¹ Nakare tegago jipapa era awa imomane inono da davebe itawate, ito buro topobe awa davebe edo sima eiyo, edo ito ipami buro eiyo, garida nanekare mi imanemi awate tenakare ango, ¹² ango ewa awatedo imomane ainto kokopibe embomai ponda itera ainda jisida awa edo rorae daro awa jipapa eite itain ae. ¹³ Nakare imomane ge taegae itari awa jipapae era, nanonamenji, oiya aimi kaimi jitao awera ainda yai, ango ewa awatedo imomane embo tumonda ari itae dandara ari bureite itera ango awa itain ae. ¹⁴ Nakare Toregari embo awa betedo tekago erorisina awa ge be nanemikare gido awa, Mamo mi oiya awekawe ge be arda da doda besitera awa Toregari embode daedo budo kunugumaina. ¹⁵ Eiwa tedonakare itomane yai Bajina da ge awa tenakare, oiya awekawe wasiride itera ainda yai, oiya awekawe Bajina mi gumundo dowaina ainda yai, embomai awa embo matu bebetegositera awa dodo gisi ai mai ae. ¹⁶ Bajina akutada awa utu da edo wotedo gumaina. Embo awa dawi de gumaina, ae anera da opude daedo, edo Mamoda tode daedo, ango eyaro embo Mamo da doda bebetegositera awa gisibe erara. ¹⁷ Edo nakare awekawe wasiride itera awa aoda eranakare, oiya awekawe dowaina ainde da, daedeima porogada awamane de da mina tamba anakare. Begata einda nakare ijiberi Bajinade daedo itain tedo anakare. ¹⁸ Oiyatedo, embomai nenei ge emi kondade ewo.