¹ Boroko nanonamenji, iji eiwa itomane yai rorae daro gaiaro aimai ae. ² Ko imu be goteta, Mamo da Main da gumbari awa garida beono embo mi muinya de gumundo evira ango. ³ Da awamane da yai bega edo bebegaeri tera ango de. Usibesi ari awamane da gumaina. Garida aimanemi mai engai eite memesi budera ango. Ata awamane mi manabe adutumbara. ⁴ Ata nanonamenji, imomane muiya da itae, awatedo iji mi imomane daginegaina garida beono embo ango. ⁵ Ko imomane berari awa pararada kinapeina, edo ijida kinapeina. Nainge awa muiya da kinapeina ae. ⁶ Awatedo, nainge garida embo neimi jitao awera ango ain ae. Ata be simagana inge, edo un bebegae da udo awa be dowanainge. ⁷ Ko embo muinya de jitao audera awa garida ango edera, edo embo ung beae injido era awa muinya de garida ango edera. ⁸ Awarata, nainge awa ijida topo, awatedo, nainge ung bebegae da udo awa tae aina, edo tumondari edo dubobari piyaina inge, da ami da teo ango edo kaviegarida tumondari awa nato inge gobeda itaina. ⁹ Ko nainge Mamo Siroro ari mi sinigambari da avigae, ata nainge kaviegarida toregari Main da doda banigete awigosisina. ¹⁰ Ane inemi naing awatedo besisina, ko nainge erenigeta ko jitao awenige, nainge Toregari embo de itanainge. ¹¹ Awatedo, damodamo mina piya ewo, edo bajina da kondade ari mina piya ewo, da matu edewa ango. ¹² Imo ganega enakare nano namenji, anukare avekave imonde mane buro era awa ategawa, edo awekawe imomane gisijijiera, edo awekawe itomane kopiri era Mamo da main da daoda itera, edo buro eovekae tera ainde. ¹³ Nakare imomane ganega enakare, embomai awa ikane be bawa dubobarida doda, ainda be awa awamane da buro awatedo. ¹⁴ Imomane akuta bega de isiwo. Nanonamenji buro awa tenakare: tewo gore embo itari tepo tapo itera awa, edo do audewo avekave do audae itera awa, kondade ewo embo wasae era awa, edo embo da yai damo damo ari piawa. ¹⁵ Davebe edo sima ata, embo ain mi namenji mi buro beae esira ainda awa ain ae. ¹⁶ Dubo dave ewo iji berarida. ¹⁷ Benunu tari mana dowawa. ¹⁸ Buro berari da ategari piyewo. Ko eiwa Siroro arida jipapa, da Toregari Main da doda, imomane awatedo. ¹⁹ Asisi kotopu gadote. ²⁰ Peroveta mane da ge tedo esitera awa awo beae eure. ²¹ Rorae awa tega edo giwo. Rorae dave berari awa jiwo. ²² Binei da gumbari natokare yai awa tengewo. ²³ Awarata, Mamo Siroro ari, begada Mamo ami imane ari kotopu be aetevita. Awarata, itomane Mamoda Asisi, pisi asisi edo tamopiso awa mana be sitaina, bekuma itaeda Mamo da Main da gumbari iji ainda. ²⁴ Tumondari awa toregari Main mi dao teto evira awara, embo buro awa aina ami. ²⁵ Nanonamenji, nakare embo benunu tewo. ²⁶ Nanonamenji ategewo, munegari kotopu mi. ²⁷ Imomane Mamo da Main da daoda tena, owe eiwa nanonamenji berarida yai ajigewo. ²⁸ Awarata, Mamo da Main natokare Main ainda tonembari imonde mane itare.