¹ Awatedo nanekare mi kotemain ae, nakare davebe awa Atens itaetenakare. ² Nanekare Timoti natokare namenji, edo Mamo Siroro arida buro embo awa pipitenakare, Toregari embo da ge doda, ami imomane goroba edo damodamo piyaina tumondari awatedo, ³ Ata embo da dave awa Main da bouga burisina awa ami jipain ae, ko imomane akuta gotewa, ko awa eiyawatedo imomane avigosisina. ⁴ Gebe, da nakare imondemane itenakare angode, awa memesi tega nongo bain evi awa tenakare, edo awa gebe gupeiri goteta awara. ⁵ Awatedo na petainyae, ata na pipitena ito tumondari awa gain tedo. Atako Binei mi imo bavisina, edo natoinge buro awa wuwuroda isira. ⁶ Awarata, Timoti inemi pieteto natokare yai gupusina, edo binga dave tumondari edo dubobarida awa budo gupusina. Inemi teteto gositenakare, ito kotembari dave berari nakare ambo isira awa, edo imu nakare gain jipapa eta, edo nakare imu gain jipapa enakare. ⁷ Awatedo nanonamenji nakare damo damo burenakare, itomane tumondarida natokare daro daro edo memesi ainda. ⁸ Ko nakare boroko itanakare, imo Mamo da Main da yai okain edo petata gido. ⁹ Ko nakare Mamo Siroro arida dao da ategari nongo pianikare, ko natokare do yawa berari Mamo Siroro arida yai imoembo? ¹⁰ Ata muinya edo iji awa benunu bajinabe tenakare ito jisimoka gaintedo, edo rorae ro ito yai itae eiri awa piarate, tumondari mi tenakare. ¹¹ Awatedo natokare Mamo Siroro ari, edo ainda Main amimi natokare begata ito yaida awa piae esirita. ¹² Awatedo Siroro arida Main mi ari dubobarida badana inge, ko embo nei edo berari awatedo, da imonde enakare ango. ¹³ Awatedo, itomane do goroba ari piana, etena ami imomane bekuma itae kotopube Siroro ari natokare Mamo da yai, da Mamo da Main da gumbari ae embo kotopu besitera ainde.