¹ Imo akuta gata, namenji, natokare gumbari ito yai awa be ae. ² Imo gari nakare gisibe da awa memesi taputena kare megari badari be yai Pilipi ainda, nakare goroba de natokare Mamo Siroro da binga dave awa sitena kare. ³ Natokare sirigari eiwa awa beae dono gambari ae edo gebutari ae. ⁴ Do ainda petedo Mamo Siroro ari tumonda eite awara ari pipisisina binga dave torote, awatedo nakare ge tara. Nakare ge tera, awa emboda jipapa awa tain ae, ata Mamo Siroro arida jipapa awa tara. Mamo Siroro mi natokare ubowa tega edo gido eira. ⁵ Nakare gawi ge ango tae, imomane gotewa, yai daigari ge tedo nekare gogowa ain tae. - Mamo Siroro ari awa natokare jisimi gari. ⁶ Embomi nakare gido dasiga orote ae, inemi edo embonei mi. Nakare akuta udegarida petedo tenakare nakare Mamo Siroro arida Mainda ambodani . ⁷ Nakare Jentails imomane itewa do ainda garida aimi kinapeina sima edeira ango. ⁸ Ebata einda nakare imomane dubo bara. Nakare imonde mane dubodave enakare. Mamo Siroro arida binga dave awa kando anakare edo natokare wasiri daedo pianakare. Imomane gumundo natokare otao etewa. ⁹ Imomane kotembawa, nanonamenji natokare buro edo buro okain. Muinya edo iji nakare buro enakare ainda bouga ami ari tomane do wotain ae. Iji ainde, nakare Mamo Siroro arida binga imundemane tanakare. ¹⁰ Jisi piari Mamo Siroro ari edo kotopu be, kokopi be edo beae itae awa natokare tumondari emboda wasiri. ¹¹ Ebata da ainda natokare mina kondade edenakare garida Mamomi kinapeina sima edevira ango. ¹² Nakare imo kena tenakare edo do kondade enakare edo goroba ari pipitena kare aindo dave Mamo Siroro ari mi jipapa eiya ainda eiyo, Mamo Siroro ari mi imo dao sisina ainda itari dero da edo pararada. ¹³ Emi sirigido nakare Mamo Siroro ari ategotena kare. Imo Mamo Siroro arida binga dave natokare yai gido beta, inemi beta awa ge emboda aerata Mamo Siroro arida ge eiwa imomane evekave ge gido gebe etewa ainda doda buro eira. ¹⁴ Nanonamenji, imomane gumundo garida Mamo Siroro arida duga yai Judia Mamo da Main Bajina da doda isima edera ango. Garida inemi ito butu topo embomai eoro memesi tamundeta ango. Da ango Jius de esitera. ¹⁵ Jius mi embo tote awa detero besitera Mamo Siroro arida Main Bajina edo Mamo Siroro arida buro embobo de. Embomai Jius ami nakare augetero rerigositena kare. Embomai awa Mamo Siroro ari kotopu ae de. Embomai awa embo berari ainda ge tari embobo. ¹⁶ Embomai awa nakare Jentails ge moka taro gido kaviegari borekae gadedera. Ami sira awa embomai ainda jimbobae awa ijibera gogowa edera. Iji amboda Mamo Siroro arida sinigambari awamane tamaina. ¹⁷ Ata nakare nanonamenji iji tupo be einde nakare evekave anakare ata natokare do awa evekave ae. Natokare do edo minabari berarimi ito jisimoka awa gaetera ango era. ¹⁸ Nakare jipapa era awa ito yai gumbaetera ango era - Na, Pol, iji dade ito yai guputena edo tekago gumana - ata binei mi gadedeira. ¹⁹ Natokare minabari awa rori, yawa yawa tako natokare dariga wasiri ainda gobe Mamonda Main Bajina mi budo gupeira awari? Isira ainda awa imo awa bajina be edo embinei awa tuda ta? ²⁰ Imo awa natokare parara edo yawa yawa.