¹ Sisa tao, toarapo morahari,ira ero kureai aeta toare Iesu Keriso irive.A irave moea ovope na haiore ava neavai leiti Ualare lo lei haihahari leiti,na moehau iri ve meai,so a lei nauapo neiti. ² A ore noi ira aro ovirope na haiore Iesu Keriso irive. ³ Mara areva papuvija ve haikaeai,ave na sosoru,a na horori mai ro haujepe, ⁴ Na e foromaiapo ore neavai noi ata avai areve moe ave sosoru aeta sujarerei hauora, ⁵ Sese ovai ekaka nei mea vija nara ka (usoso Ualare ore ouje karu soka nevei neiti). ⁶ Karu ae marave safu hesiovi ae kaiae areve torapo moraheari ma hairi ve nevei iovei. Ipi Ualare areva etou foromaiapo ve irive,Usoso ira ero opa meope ae noi ore neipe. ⁷ Navei ualare irairaro ovava ouje veija moi aepe,naovava vei meope. ⁸ Nara vei, are neija ma ovava haiarara neivija nara are karu ro haiarara neiti ouje,areva Ualare ro haiarara neive,are ovi rove areve arahoha meta aro. ⁹ Torapo morehari haikakare neivija na ore, Karu ae aro o nevei uja ovirai, Ipi ma Ualare aro satiriorope karu foromaiapo haikakare neiti. ¹⁰ Na mai ve, a neipe torapo moraheari foromai vei Mesetonika ve. Na ira aro noi ore noi,torapo morehari, ma tivi noi nouapo kofa neiti. ¹¹ Ira aro auja noi ore noroi eijeva a mafuka meai vei, ave erore haikaeai ve,ave erore mai heafo neiti,usoso ira aro novoi na moehau ve, ¹² Na soka mai a mora meta fareovi meai merova karu ve soso ve aea etou aea ve kakapisa neve neiti. ¹³ Eieroro haijoti kao ero haisafai vei torapo-mo rehari, na uti noije na karu ve, nara ve a hairi eae neve neiti nosoka iti ore haroka karu mea vija mai soa. ¹⁴ Nara vei ereija Iesu ve na opope aeta areve na joupe makuri sujarerei,navei Ualare erei raro Iesu tari nia nari ovi teri arero sujarere opope na karu. ¹⁵ Mara vei Ualare ve o meai erei opei ouje na karu, Keriso ve joti sare karu ae nevei opa ariti na opope upe karu ovi. ¹⁶ Ipi Ualare ve moea kouri.Foai ero ija meope,areru ta o soa fareapo meope,aeta Ualare ve na u'uu fii nia,ae Keriso ore noi opope karu erepa joi ro. ¹⁷ Neita erei makuri noi seraupe karu,kokoruja nia soa fareapo petati kouri ve maruru ve Keriso sujaei vei.Mai soka mai erei nia soa fareapo Keriso oi. ¹⁸ Naravei,karu fareapo fareapo ro nia meai ma o.