¹ Ma soa kofa ve,toarapomaraheari,etou ae nevei ujeiro eteia. ² Ae e hiki ore kofa noi Keriso ve joti sare are usoso nori karu faija joti moehau soka. ³ Na soa ve ere meope,''moforoe ae kiva neiti,''haihova etou ekapo ae auja ere tei forerei.Areva usoso uva mi ovija moehau soka.Ere ekakaei oti haroka. ⁴ Na E'o,e totomuru ve me' ai ka'a na soka vei ero nori karu a'a fareove. ⁵ E ma soa ve ijave e ovava mea vija meavija ijave. ⁶ So neive uti,ovo ako noi ofae tati. ⁷ So nevei opae ka'a noi uti hiki neiti. ⁸ A ovava naveaija,ovo ako ae ave na haikakare ro ko'o puja iri soka nei parae 'ai eata aije sare ve makuri haihahari foromaiapo ovi haro ve to'e. ⁹ Ualare eiraro haisora vei nari ovi ariti ouje,na Papuvija Iesu Keriso ve nari ovi movoro neive. ¹⁰ Are irairove vei opope,naravei ovo ako o ivutu suru,ei arei nia soa fareapo po've ro. ¹¹ na soka vei ae ae ro movoro noi tui a'a sei.eve na tivi neivija mai ro. ¹² Ira ero lalasi neive,toarapomaraheari,ero naija toara eve aru ve o nari no'o vija are Ualare ve orori ve. ¹³ Ira ero lalasi neive eve erore moea tairu aea haikakare ve tivi navai neiti. ¹⁴ Toarapomoraheari: ero ira marase ara,avapai fareapo,ae aero nari ovai ,moe pui toare aea e eve moea ro noi ipi neiti. ¹⁵ Naija aro kaiae noroija tova nevei naiti,na ae ae ro meta ve io'ove. ¹⁶ soa foromai apo haimeta neiti. ¹⁷ Noki eve irore moea tofuruape veija nevei neiti. ¹⁸ Etou foromaiapo marase ariti ipi ma tivi are Iesu ve tivi. ¹⁹ Arahoha meta ro nevei haisiove. ²⁰ Nevei peroveta o' ro ovi herori. ²¹ Etou foromaiapo sova sese ovi ata mai paei. ²² Mearovaea ve moe hoa nevei neiti. ²³ Ualare tairu aro noi sosoru kofa ve.Ave na ove,moe fae aro Papuvija Iesu Keriso ve na joti soa ve hovora paraea'a. ²⁴ Aro ave sujarere ai ijairo,are neiti mija. ²⁵ Toarapomoraheari,ara eirove noki neiti vei neive. ²⁶ Ara ero haimeta oi hara sisi ve. ²⁷ Ara ero Papuvijave narei haijoti ma karoro ero avujove. ²⁸ Moforoe noroija Papuvija Iesu Keriso ve tairu haikakare ovi eve orive aivai.