¹ So irove sese ovai ira haujepope na Atana ve seraupe. ² Ira Timoteo ro itape are Keriso ve tivi karu,eve na sujarere ai noi hauja ka'a neiti ve aea ero movoro neiti ve. ³ Ira noroi eije eve na hairi ae aeata haisora soa sarape ve.E ore mavai neiti iroro ma'a tivi vei fareovope. ⁴ Oije na so ave ira ai nia,Ira aro meope na haisora ,oije kofa are forerope,so a ore nenoi. ⁵ So nara vei ara na orori ve soa sovori po vei ro,ara ave sujarere ai ro ore neiti.oumaro hai ekapo aro noi hai ekapo kofa noi,toarai ae na iri ka'a. ⁶ A Timoteo ro sujarere ai vei haikakare omvoro meta ro itapi ira tai nojoti. ⁷ So nara vei torapomaraheari,eve tairu ve sujarere avija hairi ve eraro ma haisora hairi ae movoro nieti. ⁸ Ma soa ve neive naveaija Ualare mora kere po've. ⁹ Ualare ve opa ve noroi ma haimeta foromai,Ira eveija Ualare ro nea vai meai. ¹⁰ Eve sujarere ai oroa sai sare sai noki neive eve soso yo'ovei vei. ¹¹ Irave Oa aeata Ualare,ae Papuvija Iesu,ero oti haro hauja ve nari ovi ariti ro. ¹² Papuvija eve na haikakare are noi a'a se ae no kere kofa neiti,ae ae ro naisoka ve ave i ove. ¹³ Moeforoe noroija are eve na hairi ro pesosi hauja ka'a neiti,so ereve na sosoru are eije ouje Oa Ualare ve soso opa ve,so tei Papuvija Iesu mai hauja karu nari ovai vei forerai ve sa'a re ve.