¹ Toarapo Moraheari,eforomai apo ore,irove na forerai etei are eije. ² E ore neipe na opa soa kofa ve iraro neipe na mai iraro nei movoriti neipe filipi ve,ira ero irave Ualare ve nare areve kurea vija safu o meai. ³ Ira ero nei ore loi are oije kofa,ira karu aero nevei havuei. ⁴ Ira soa foromai Ualare ve hairi o sujava meove,karu lei moforoe leiti vija kao,Ualare are nahia eirove hairi are sa seseo vei. ⁵ Ira sare foromai karu sapataeo vija o sujo vei ouje,eore,ira okaka ka ae pesoso veija ka,Ualare hiki iraro ore. ⁶ Ira haimeta veija karu ro meai ouje,ero aeta karu hearo.Ira Keriso ve apostoro na vei areve o makuri meta avai vei meove. ⁷ Usoso nou areve mere saijaro kiva neivija moehau a, ira eve aruve meove. ⁸ Ira ero haikakare ipi eve na mai meta vei.Ae ira haimeta nouapo kofa erei foromai Ualare ve safu o avapope navei. ⁹ E ore neiti,toarapo moraheari,irove na heafo foromai,sare soa faija soa ira ero noi ekapo ka.Ualare ve o ira na soa meope ero. ¹⁰ E ore,aeta Ualare ta ore,siahu oije,aeta kaiae aujei irove na neivija mai foromai are e Ualare karu firu taive. ¹¹ Soka na mai vei a ore erei neavai meoveope usoso oa erore meresai joi meavija moehau soka, ¹² Ira aro ape narasi neiveope aeta toarei o ro meoveope ae heafo neiveope iroi Ualare ve na kouri ve sosoru sosoru mearovaeka tova avai safu kofa meai vei. ¹³ Soa foromai Ualare ro ma o vei ira marase ove.Na soa ve Ualare o a ovi avapope irive,a hairi usoso leipe are karu aea ve o ka.Auvaro a ovope na o va oije,are Ualare ve o.Areve ma o sa noi tivi neive sujarereovija karu iri ve. ¹⁴ Na ao,toarapo moraheari,joti Iudea karikara ve Ualare na karu firu soka neiti Iesu Keriso irive.Ipi a haisora ovope meamea neiveope na mai vei ave erore karu firui,ere Ualare karu firu ro neipe na moehau. ¹⁵ Ualare ve na karu firu erero oru peroveta karu ae papuvija Iesu ijaro paeope. ¹⁶ Ere haijoti ka ira na karu firu o moi ere makuri meta avai vei. ¹⁷ Erei fae nehia nehia neiti,ma soa tara ve, karu hairi ve ae hairi ve ka.Irove hairi foromaiapo,nouapo kofa sese ovope,ave soso iovei vei. ¹⁸ Era etei joti ve sese ovope,Arao,Pauro,maiaeta,na satari sosou jope iraro. ¹⁹ Eirove mokere aije makuri veija ne'e,auvaro haimeta auvaro movorova mai areve opove are joti na soa ve? ²⁰ Ava irove haiveta aea sorusoru.